Mateo 16:23 - CHUYA QELLQA La Biblia en Quechua de Ayacucho 2012

²³ Hinaptinmi muyuriykuspan Pedrota Jesús nirqa: ¡Anchuy ñawpaqniymanta Satanás! Qamqa pantachiwaytam munachkanki, qamqa manam Diospa munasqanman hinachu tanteanki, aswanqa runakunapa tanteasqanman hinallam, nispan.

Quechua Ayacucho Bible 1987

²³ Hinaptinmi Jesusñataq muyuriykuspan Pedrota nirqa: —¡Satanas, asuy ñawpaqniymanta! Qamqa pantachiwaypim richkanki, piensasqaykiqa manam Diospa piensasqan hinachu aswanqa runakunallapam —nispa.

Chuya Qellqa 1992

²³ Hinaptinmi muyuriykuspan Pedrota Jesús nirqa: ¡Anchuy ñawpaqniymanta Satanás! Qamqa pantachiwaytam munachkanki, qamqa manam Diospa munasqanman hinachu tanteanki, aswanqa runakunapa tanteasqanman hinallam, nispan.

Mateo 16:23 Iomraidhean Croise

Génesis 3:17

Adantañataqmi kaynata nirqa: Warmikita kasuspa “amam mikunkichu” nisqay sachapa rurunta mikurusqaykimantam kay pacha ñakasqa kanqa. Ñakariywan llamkaspam kawsanayki punchawkama mikunki.

2~Samuel 19:22

Chaymi David nirqa: Sarviapa wawankuna, manam kayqa qamkunapa sasachakuynikichikchu, ¿imanasqataq qamkunaqa contraypi rikurirunkichik? Kunanqa yachakunim Israel nacionpi rey kasqayta, chaynaqa, ¿yaqachum kunan punchaw Israel nacionpi pipas wañunman? nispa.

1~Crónicas 21:1

Satanasmi Israelpa contranpi hatarispan, Israel nacionpi runakunata yupachinanpaq Davidta kallpancharurqa.

Isaías 8:14

Paymi yupaychananku kanqa. Iskaynin nacionkunapaqmi, haytakunanku hinaspa urmachiqninku rumi hina kanqa; Jeru-salén llaqtapi yachaqkunapaqmi, wichichiqninku trampa hina kanqa.

Mateo 16:22

Chaymi Pedroñataq huklawchaman pusaruspan Jesusta nirqa: Amayá Diospas munachunchu chaykuna pasasunaykitaqa, nispan.

Mateo 18:7

¡Mayna llakikuypaqmi runata kay pachapi imapas huchallichiq kaqkunaqa! Chaykunaqa kanqapunim, ichaqa ¡imaynaraq kanqa runamasinta huchaman tanqaq runaqa!

Mateo 4:10

Jesusñataqmi nirqa: ¡Kaymanta anchuriy Satanás! Qellqasqam kachkan: “Señor Diosllaykitam hatunchanki, payllatataqmi servinkipas”, nispa.

Marcos 8:33

Jesusñataqmi discipulonkunaman muyuriykuspan Pedrota qaqchaspan nirqa: ¡Ñoqamanta anchuy Satanás! Qamqa manam Diospa qawasqanta hinachu qawanki, aswanqa runakunapa qawasqanman hinallam, nispa.

Lucas 4:8

Chaymi Jesusñataq nirqa: Qellqasqam kachkan: “Señor Dios-llaykitam yupaychankiqa, payllatataqmi servinkipas” nispa.

Juan 6:70

Chaymi Jesusñataq nirqa: ¿Manachum ñoqaqa chunka iskayniyuqta akllarqaykichik? Ichaqa huknikichikmi diablo, nispa.

Romanos 14:13

Chaynaqa, amañayá kikinchikpuraqa juzganakusunchu, aswanqa tanteakuychik ama wawqe-panikichikta urmachinaykipaq hinaspa iñiyninpi ama wichichinaykichikpaq.

Romanos 14:21

Allinmi kanman aychata mana mikuspayki vinotapas mana tomaynikiqa, iñiqmasikita wichichinaykipaq hina kaptinqa ama imatapas ruwaychu.

Filipenses 3:19

paykunapa tukupayninqa ñakariymi. Paykunaqa wiksallanku diosniyuqmi, ruwasqankumanta penqakunankupas kachkaptinmi aswanraq hatun tukunku kay pachapi kaqkunallamanta piensaspanku.

Colosenses 3:2

Chaynaqa, amayá kay pachapi kaqkunallapiqa piensaychikchu, piensaychikqa hanaq pachapi kaqkunapiyá.