Mateo 16:21 - CHUYA QELLQA La Biblia en Quechua de Ayacucho 2012

²¹ Chaymantapunim discipulonkunaman Jesús willakurqa Jerusalenman riptin judiokunapa chaynataq sacerdotekunapa kamachiqninkuna hinaspa Diospa leynin yachachiqkuna ñakari-chinankumanta. Willakurqataqmi wañu-rachiptinku kimsa punchawninman kawsarimunantapas.

Quechua Ayacucho Bible 1987

²¹ Chay horamantapunim discipulonkunaman Jesus willakurqa Jerusalenman riptin judiokunapa kamachiqninkuna, *f**sacerdotekunapa jefenkuna hinaspa Diospa leynin yachachiqkuna ñakarichinanmanta. Willakurqataqmi wañurachiptinku kimsa punchawninman kawsarimunanmantapas.

Chuya Qellqa 1992

²¹ Chaymantapunim discipulonkunaman Jesús willakurqa Jerusalenman riptin judiokunapa chaynataq sacerdotekunapa kamachiqninkuna hinaspa Diospa leynin yachachiqkuna ñakarichinankumanta. Willakurqataqmi wañurachiptinku kimsa punchawninman kawsarimunantapas.

Mateo 16:21 Iomraidhean Croise

Nehemías 12:7

Salú, Amoc, Hilcías hinaspa Jedaías. Paykunawan ayllunkunam Josueypa tiemponpi sacerdotekunapa kamachiqninkuna karqaku.

Mateo 12:40

Imaynam Jonás kimsa punchaw kimsa tutan hatun challwapa wiksanpi karqa, chaynam runapa Churinpas kimsa punchaw kimsa tutan allpapa ukunpi kanqa.

Mateo 16:22

Chaymi Pedroñataq huklawchaman pusaruspan Jesusta nirqa: Amayá Diospas munachunchu chaykuna pasasunaykitaqa, nispan.

Mateo 16:28

Cheqaptapunim nikichik, kaypi kaqkunamantaqa achkaqmi mana wañunqakuchu runapa Churinta munaychakunanpaq hamuqta rikunankukama.

Mateo 17:12

Chaywanpas nikichikmi, Eliasqa ñam hamurunña, ichaqa manam reqsirqakuchu, aswanmi paytaqa tukuy ima munasqankuta ruwarqaku. Chaynam runapa Churinpas paykunapa makinpi ñakarinqa, nispa.

Mateo 17:9

Orqomanta uraykamuchkaptinkum paykunata Jesús kamachirqa: Qawasqaykichik visiontaqa amam pimanpas willankichikchu runapa Churin kawsarimunankama, nispan.

Mateo 20:28

Chaynam runapa Churinpas, manam servichikunanpaqchu hamurqa, aswanqa servispan runakunapa rantinpi vidanta qonanpaqmi, nispan.

Mateo 26:2

Yachasqaykichikpi hinam iskay punchawmanta Pascua fiesta kanqa, hinaptinmi runapa Churin entregasqa kanqa chakatasqa kananpaq, nispa.

Mateo 26:47

Chaynata Jesús rimachkaptinraqmi Judas chayaramurqa, payqa discipulonkunapa hukninmi karqa. Paywanmi achkallaña runakuna hamurqa espadayuq hinaspa kaspi aptarisqa. Chay runakunaqa karqa sacerdotekunapa, judiokunapa chaynataq kamachiqkunapa kachamusqanmi.

Mateo 27:12

Sacerdotekunapa kamachiqninku-nawan ancianokuna acusaptinkuñataqmi Jesusqa mana imatapas nirqachu.

Mateo 27:63

nirqaku: Señor gobernador, yuyachkanikum, chay llulla runam kawsachkaspanraq nirqa: “Wañuspayqa kimsa punchawmantam kawsariramusaq”, nispan.

Mateo 28:6

Payqa manam kaypiñachu, nisqanman hinam kawsarirunña, hamuspayá maypim churasqankuta qawaykuychik.

Marcos 8:31

Chaymantam Jesusqa yachachiyta qallaykurqa, runapa Churinqa llumpayta ñakarichisqa kananmanta, an-cianokunapa, sacerdotekunapa kama-chiqninkunapa, Diospa leynin yacha-chiqkunapa cheqnisqan kananmanta. Chaynataq wañuchisqa kananmanta-wan, kimsa punchawman kawsari-munanmantapas.

Marcos 9:12

Hinaptinmi Jesusñataq nirqa: Arí, Eliasmi puntamunqa hinaspam tukuy imata allichanqa. ¿Manachu Diospa Qellqanpi nin: “Runapa Churinqa ñakarichisqa kaspam despreciasqa kanqa”, nispan?

Lucas 17:25

Ichaqa puntatam llumpayta ñakarinan, hinaspam kay miraykunapa wischupakusqan kanan.

Lucas 24:46

Hinaspanmi paykunata Jesús nirqa: Qellqasqam kachkan Cristoqa ñaka-rispa wañunanmanta hinaspa kimsa punchawman kawsarimunanmanta,

Lucas 9:31

Paykunam achkiypa chawpinpi rikuriykamuspanku rimarqaku imaynam Jesuspa Jerusalén llaqtapi wañukunanmanta.