Mateo 15:28 - CHUYA QELLQA La Biblia en Quechua de Ayacucho 2012

²⁸ Chaymi Jesús nirqa: ¡Yaw warmi, mayna hatunmi iñiynikiqa! Munasqaykiyá ruwasqa kachun, nispa. Hinaptinmi chaypunilla warmi wawan sanoyarurqa.

Quechua Ayacucho Bible 1987

²⁸ Chaymi Jesus nirqa: —Mamáy ¡qamqa mayna iñiyniyoqmi kasqanki! Munasqaykiman hinayá rurasqa kachun —nispa. Hinaptinmi chaypunilla wawan allinyarurqa.

Chuya Qellqa 1992

²⁸ Chaymi Jesús nirqa: ¡Yaw warmi, mayna hatunmi iñiynikiqa! Munasqaykiyá ruwasqa kachun, nispa. Hinaptinmi chaypunilla warmi wawan sanoyarurqa.

Mateo 15:28 Iomraidhean Croise

Jobwan Sutichasqa Libro 13:15

Wañurachiwanan kaptinpas paypim hapipakusaq, paypa ñawpaqninpim imaynam kawsasqayta valechikusaq.

Jobwan Sutichasqa Libro 23:10

Payqa imayna kawsasqaytapas yachanmi, pruebaykuwaptinqa chuyay-chuyay qori hinam lloqsisaq.

Lamentaciones 3:32

Pitapas llakichispanqa paymantam llakipayarikun, ancha kuyapayakuq kasqanraykum llakipayarikun.

Mateo 14:31

Chaymi Jesusñataq Pedrota makin-manta hapiykuspan nirqa: ¡Pisi iñiyniyuq runa! ¿Imanasqataq iskayrayanki? nispa.

Mateo 15:27

Hinaptinmi chay warmiñataq nirqa: Arí, chaynam Señorlláy, ichaqa allqokunapas dueñonpa mesanmanta wichiqtam mikunku, nispa.

Mateo 8:10

Chayna nisqanwanmi Jesús admirakurqa, hinaspam qatiqninkunata nirqa: Cheqaptapunim nikichik, Israelpi-punipas manam kayna iñiyniyuqtaqa tarirqanichu.

Mateo 8:13

Capitantañataqmi Jesús nirqa: Chaynaqa, kutikuyña, iñiynikiman hinayá ruwasqa kachun, nispan. Hinaptinmi criadonqa chay horalla sanoyarurqa.

Mateo 9:22

Jesusñataqmi muyuriykuspan payta rikururqa, hinaspam nirqa: Churilláy kallpanchakuy, iñiynikiman hinam allinyarunki, nispan. Hinaptinmi chaylla allinyarurqa.

Marcos 5:34

Hinaptinmi chay warmita Jesús nirqa: Churilláy, iñiynikiman hinam sanoyarunki, kunanqa hawkañayá pasakuy, onqoynikimantaqa sanoyarunkiñam, nispa.

Lucas 17:5

Apostolninkunam Señorta mañakurqaku: Iñiytayá yapaykuwayku, nispanku.

Lucas 7:50

Jesusñataqmi warmita nirqa: Iñiynikim salvarusunki, kunanqa hawkañayá pasakuy, nispan.

Lucas 7:9

Chayna nisqanwan admirakuspanmi qatiqninkunata qawarispan Jesús nirqa: Israelpipunipas manam kayna iñiyniyuq runataqa tarirqanichu, nispa.

2~Tesalonicenses 1:3

Wawqe-panillaykuna, qamkunamantam Diosman tukuy tiempo graciasta qonayku, chayqa allinmi, chaynataqa ruwanayku qamkunapa iñiynikichik wiñasqanraykum chaynataq sapakamapa kuyanakuynikichik mirasqanraykum.

1~Samuel 2:30

Chayraykum Israelpa yupaychasqan Tayta Dios kaynata nin: Ñoqam nirqani miraynikipas chaynataq ñawpaq taytaykikunapa mirayninpas wiñaypaqña serviwanankupaq. Kunanmi ichaqa prometekusqayta mana ruwasaqñachu. Ñoqaqa pim hatunchawaqniytam hatunchasaq, qepanchawaqniytam ichaqa asllapaq hapisaq.