Mateo 14:5 - CHUYA QELLQA La Biblia en Quechua de Ayacucho 2012

⁵ Chayraykum Herodesqa Juanta wañurachiyta munarqa, ichaqa runakunatam manchakurqa, Juanta profetapaq hapisqankurayku.

Quechua Ayacucho Bible 1987

⁵ Chaymi Herodesqa Juan wañurachiyta munarqa aswanqa manchakurqam runakunata, paykunam Juantaqa Diosmanta willakuqpaq hapirqaku.

Chuya Qellqa 1992

⁵ Chayraykum Herodesqa Juanta wañurachiyta munarqa, ichaqa runakunatam manchakurqa, Juanta profetapaq hapisqankurayku.

Mateo 14:5 Iomraidhean Croise

Jeremías 26:21

Hinaptinmi rey Joacimñataq llapa tropankunapa capitanninkunawan hinaspa llapa kamachikuqkunawan kuska, Uriaspa nisqanta uyariruspanku wañurachiyta munarqaku. Ichaqa Uriasmi mancharikuspan Egipto nacionman lluptikurqa.

Mateo 11:9

Chaynaqa, ¿pi qawaqtaq rirqankichik? ¿Profetata qawaqchu? Arí, cheqaptapunim nikichik, payqa manam profeta hinallachu.

Mateo 21:26

Sichum “runakunallam kachamurqa” niptinchikqa llapa runakunachiki imatapas ruwaruwasun; Bautizaq Juantaqa profetapaqmi hapinku, nispanku.

Mateo 21:32

Bautizaq Juanmi allin kawsakuymanta yachachisunaykichikpaq hamurqa, qamkunam ichaqa mana creerqankichikchu; impuesto cobraqkunawan chuchumikakunam ichaqa creerqaku. Qamkunaqa kaykunata qawachkaspapas manam paypi creenaykichikpaqqa wanakurqankichikchu.

Lucas 20:6

Manataqmi nichwanchu “Runakunallam kachamurqa” nispapas, chaynata niptinchikqa llapa runakunam rumiwan chamqaparuwachwan, Juantaqa profetapaqmi hapinku, nispanku.

Hechos 4:21

Chaykuna pasakusqanmanta llapa runakuna Diosta yupaychasqankuraykum Juantawan Pedrota autoridadkuna mana imayna castigayta atispanku amenazaykuspalla kachaykurqaku.

Hechos 5:26

Hinaptinmi guardiakuna kamachiqninkupiwan rispanku, runakuna rumiwan choqaparunankumanta manchakuspanku mana imanaspalla pusamurqaku.