Mateo 14:31 - CHUYA QELLQA La Biblia en Quechua de Ayacucho 2012

³¹ Chaymi Jesusñataq Pedrota makin-manta hapiykuspan nirqa: ¡Pisi iñiyniyuq runa! ¿Imanasqataq iskayrayanki? nispa.

Quechua Ayacucho Bible 1987

³¹ Chaymi Pedrota makinmanta hapiruspan Jesus nirqa: —¡Pisi confianzayoq runa! ¿Imanasqataq iskayrayarqanki? —nispa.

Chuya Qellqa 1992

³¹ Chaymi Jesusñataq Pedrota makinmanta hapiykuspan nirqa: ¡Pisi iñiyniyuq runa! ¿Imanasqataq iskayrayanki? nispa.

Mateo 14:31 Iomraidhean Croise

Génesis 22:14

Abrahammi chay orqota suticharqa “Tayta Diosmi churamunqa” niq sutiwan. Chayraykum kunankama ninku: “Orqonpiqa Tayta Diosmi churamunqa” nispa.

Isaías 63:12

¿Maypitaq kachkan Moisesta yanapananpaq admirakuypaq atiyninta kachamuqqa? ¿Maypitaq kachkan llaqtanpa qayllanpi lamar qochata kichariqqa? ¿Maypitaq kachkan wiñaypaq reqsisqa kananpaq chaykunata ruwaqqa?

Mateo 14:30

Ichaqa sinchi wayra pukumusqanraykum mancharikuspan yakuman chinkaykuyta qallaykurqa, hinaspam qaparirqa: ¡Señorlláy, salvaykullaway! nispan.

Mateo 14:32

Paykuna barcaman seqaruptinkum wayra taniramurqa.

Mateo 16:8

Jesusñataqmi chayta musyaruspan nirqa: Yaw, pisi iñiyniyuq runakuna, ¿imanasqataq nichkankichik: “Manam tantanchik kanchu”, nispaykichik?

Mateo 17:20

Chaymi Jesusñataq nirqa: Pisi iñiyniyuq kasqaykichikraykum. Cheqaptapunim nikichik, sichum iñiyni-kichik huk mostazapa muhun hinallapas kaptinqa, kay orqotam niwaqchik: “Kaymanta waklawman suchuy” nispa, hinaptinqa pasanmanmi. Manam imapas sasaqa kanmanchu, nispan.

Mateo 6:30

Chaynaqa, pisi iñiyniyuq runakuna, sichum suma-sumaq kachkaspa paqarinñataq hornopi ruparuq purun waytakunata Diospuni kuyayllapaqta pachachichkaspaqa ¿manachum qamkunatapas pachachisunkichikman?

Mateo 8:26

Jesusñataqmi nirqa: Pisi iñiyniyuq runakuna, ¿imanasqataq mancharisqallaña kachkankichik? nispan. Chaymi hatarispan wayratawan lamar qochata qaqcharqa, hinaptinmi hawkayarurqa.

Marcos 1:31

Jesusñataqmi asuykuspan makinmanta hatarirachirqa, hinaptinmi calenturan pasaruptin paykunata servirqa.

Marcos 1:41

Jesusñataqmi paymanta llakipayarikuspa makinta haywarispa llapchaykurqa, hinaspam kaynata nirqa: Arí, munanim, Sanoña kay, nispa.

Marcos 11:23

Cheqap-tapunim nikichik, pipas sonqonpi mana iskayrayaspa kay orqota ninman: “Kaymanta suchuspa lamar qochaman wischukaykamuy” nispa, chay nisqan cumplikunanta creeptinqa, ruwasqam kanqa.

Marcos 16:7

Chaynaqa, rispaykichikyá Pedromanwan wakin discipulonkunaman willamuychik, Jesusqa Galilea lawman ñawpasqanta, chaypim nisqanman hina payta rikuykunkichik, nispa.

Marcos 4:40

Chaymantam discipulonkunata nirqa: ¿Imanasqataq mancharisqallaña kachkankichik? ¿Manachu iñiynikichik kan? nispa.

Marcos 5:41

Hinaspanmi warmata makinmanta hapiykuspan nirqa: ¡Talita cumi! nispan. Chayqa: “Warma, qamtam niki, hatariy”, ninanmi.

Lucas 24:34

Paykunam ninakuchkasqaku: Cheqaptapunim Señorqa kawsarirusqa. Pedromanpas rikuriykunñam, nispanku.

Hechos 4:30

Qawachikuyá atiynikita llapa onqoqkunata sanoyachispayki hinaspa admirakuypaq milagrokunata sapaqchakusqayki serviqniki Jesuspa sutinpi ruwaspayki, nispanku.

Deuteronomio 32:36

Tayta Diosmi llaqtanta mana kallpayuqta rikuspan nanachikunqa, manaña pipas kallpayuq qepasqanta rikuspanmi serviqninkunata llakipayarinqa.

1~Timoteo 2:8

Ñoqam munachkani tukuy hinastinpi kaq runakuna makinkuta hoqaris-panku Diosta chuya sonqolla mañaku-nankuta, chaytaqa ruwachunku ama piñakuspa hinaspa ama atipanakuspa.

1~Pedro 1:5

Qamkunaqa Diospi iñiyniyuq kasqaykichikraykum, payqa atiyninwan waqaychasunkichik salvación haypanaykichikpaq, chayqa allichasqañam kachkan tukupay punchawpi reqsisqa kananpaq.