Mateo 14:19 - CHUYA QELLQA La Biblia en Quechua de Ayacucho 2012

¹⁹ Runakunata pastopi tiyanankupaq kamachispanmi, pichqa tantakunatawan iskay challwakunata hapiykuspan hanaq pachata qawarispan Diosman graciasta qorqa, hinaspam tantata pakiykuspan discipulon-kunaman qoykuptin runakunaman aypurqaku.

Quechua Ayacucho Bible 1987

¹⁹ Runakunata pastopi tiyanankupaq kamachispanmi hapiykurqa pichqan tantakunatawan iskaynin challwakunata hinaspam hanaq pachata qawarispan Diosman graciasta qorqa, tantakunata pakiykuspanmi discipulonkunaman qorqa, paykunañataqmi runakunaman aypurqa.

Chuya Qellqa 1992

¹⁹ Runakunata pastopi tiyanankupaq kamachispanmi, pichqa tantakunatawan iskay challwakunata hapiykuspan hanaq pachata qawarispan Diosman graciasta qorqa, hinaspam tantata pakiykuspan discipulonkunaman qoykuptin runakunaman aypurqaku.

Mateo 14:19 Iomraidhean Croise

Mateo 14:18

Jesusñataqmi nirqa: Kayman apamuwaychik, nispan.

Marcos 6:39

Chaymi discipulonkunata Jesús kamachirqa, llapa runakunata rakinaspanku pastopi tiyachinankupaq.

Marcos 6:41

Jesusñataqmi chay pichqa tantatawan iskay challwata hapiykuspan cielota qawarispan Diosman graciasta qorqa, hinaspam tantakunata pakiykuspan discipulonkunaman qoykuptin runakunaman aypurqaku, aypurqakutaqmi challwakunatapas.

Marcos 7:34

Hinaspanmi altoman qawarispan qaparirqa: ¡Efata! nispan. Chayqa ¡kicharikuy! ninanmi.

Lucas 22:17

Vinoyuq vasota hapiykuspanmi Diosman graciasta qoykuspan nirqa: Kay vasomantayá sapakama aypunakuychik.

Lucas 22:19

Chaymantam Tantata hapiykuspan Diosman graciasta qorqa, hinaspam parteykarispan nirqa: Kaymi cuerpoy qamkunarayku entregasqa. Kaytam qamkunapas ruwankichik ñoqata yuyariwanaykichikpaq, nispa.

Lucas 24:30

Mesaman tiyaykuptinkum, tan-tata hapiykuspan Diosman graciasta qorqa, hinaspanmi pakiykuspan qoykarirqa.

Lucas 9:14

Chaypiqa yaqa pichqa waranqa qarikunam kachkarqaku. Chaymi discipulonkunata kamachirqa llapa runakunata pichqa chunkatakama tiyachinankupaq.

Lucas 9:16

Jesusñataqmi pichqa tantakunatawan iskaynin challwakunata hapiykuspan, hanaq pachata qawarispan Diosman graciasta qorqa, hinaspam tantakunata pakiykuspan discipulonkunaman qoykurqa runakunaman aypunankupaq.

Juan 11:41

Tapasqanku rumita hurqoruptinkum Jesusqa hanaq pachata qawarispan nirqa: Taytáy, graciastam qoyki uyariykuwasqaykimanta.

Juan 6:23

Chaymanmi Tiberias llaqtamanta barcakuna chayaramurqa, chaypim Jesús graciasta qospa tantata runakunaman mikuchirqa.

Hechos 27:35

Chaynata niruspanmi tantata Pablo hapiykuspan lliwpa ñawpaqninpi Diosman graciasta qorqa, hinaspanmi partiykuspan mikuyta qallaykurqa.

Romanos 14:6

Pipas mayqan punchawpi samaspaqa Señorta yupaychananpaqmi saman, chaynataqmi tukuy ima mikuqpas Señorta hatunchananpaq mikun, chay mikuymantam Diosman graciasta qon. Aycha mana mikuqpas Señorta hatunchananpaqmi mana mikunchu, paypas Diosmanmi graciasta qon.

1~Corintios 10:16

Señorpa cenanta tomaspa Diosman graciasta qospanchikqa ¿Manachu Cristopa yawarninman hukllawakuchkanchik? Tantata pakispanchikpas ¿Manachu Cristopa cuerponman hukllawakuchkanchik?

1~Corintios 10:31

Mikuspapas tomaspapas otaq imataña ruwaspapas llapantayá Dios hatunchasqa kananpaq ruwaychik.

1~Corintios 11:24

Diosman graciasta qoykuspanmi pakiykurqa hinaspam nirqa: Mikuychik, kaymi cuerpoy qamkunarayku pakipasqa. Qamkunapas kaynatam ruwankichik ñoqamanta yuyariwanaykichikpaq, nispa.

Colosenses 3:17

Tukuy imata ruwaspapas otaq rimaspapas Señor Jesuspa sutinpiyá ruwaychik, chaykunataqa ruwaychik Cristontakama Dios Taytaman graciasta qospa.

1~Samuel 9:13

Chaynaqa, llaqtaman chayaruspaykichikmi maskaykunkichik manaraq moqoman mikuq richkaptin; runakunaqa manam mikunqakuchu pay chayanankama; paymi Diosman graciasta qonqa chay sacrificiokunamanta; chaymantañam convidoman hamuqkunapas mikunqaku. Chaynaqa, kunanpuni riychik, hayparunkichikmi, nispa.