Mateo 13:55 - CHUYA QELLQA La Biblia en Quechua de Ayacucho 2012

⁵⁵ ¿Manachum kay runaqa carpinteropa churin hinaspa Mariapa wawan? ¿Manachum wawqenkunapas Jacobo, José, Simón hinaspa Judas?

Quechua Ayacucho Bible 1987

⁵⁵ Kayqariki carpinteropa churinmi hinaspa Mariapa wawanmi, wawqenkunañataqmi Jacobo, Josey, Simon hinaspa Judas.

Chuya Qellqa 1992

⁵⁵ ¿Manachum kay runaqa carpinteropa churin hinaspa Mariapa wawan? ¿Manachum wawqenkunapas Jacobo, José, Simón hinaspa Judas?

Mateo 13:55 Iomraidhean Croise

Isaías 49:7

Israelta libraq Tayta Diosmi nin, Israelpa chuya Diosninmi nin, wakin runakunapa usuchisqan runata, nacionkunapa cheqnisqan runata, kamachikuqkunapa serviqninmanmi nin: Reykunawan kamachikuqkunam qawasuspayki sayarispanku qayllaykipi kumuykunqaku. Chaynataqa ruwanqaku Israelpa ñoqa Tayta Diosnin akllaqniki kasqayraykum.

Mateo 27:56

Paykunawantaqmi kachkarqaku Magdala llaqtayuq Mariawan Jacobopa hinaspa Joseypa maman Mariapas, chaynallataq Zebedeopa warminpas.

Marcos 15:40

Chaypitaqmi kachkarqaku wakiqnin warmikunapas karullamanta qawaspanku. Paykunawanmi kachkarqa Magdala llaqtayuq Mariawan sullka kaq Jacobopa, Joseypa hinaspa Salomeypa mamanku Mariapas.

Marcos 15:47

Magdala llaqtayuq Mariawan Joseypa maman Mariañataqmi maypim pampasqankuta qawarqaku.

Marcos 6:3

¿Manachum kay runaqa Mariapa wawan carpintero? ¿Manachum wawqenkunapas Jacobowan, José, Judas hinaspa Simón? ¿Manachum paninkunapas ñoqanchikwan kachkanku? nispanku. Chaynata nispankum Jesusta mana kaqpaqpas hapirqakuchu.

Lucas 1:27

manaraq qari reqsiq sipasta watukamunanpaq, paypa sutinmi karqa María. Chay sipasmi casarakunanpaq Davidpa mirayninmanta kaq Joseypa rimapayasqanña karqa.

Lucas 24:10

Chay willakuqkunam karqaku Magdala llaqtayuq María, Juana, Jacobopa maman María hinaspa wakin warmikuna.

Lucas 3:23

Jesusqa yaqa kimsa chunka watanpiña kachkaspanmi ministerionta qallaykurqa. Runakunapa qawasqanman hinaqa Joseypa churinmi karqa. Joseymi karqa Eliypa churin.

Lucas 4:22

Jesusmanta allinta rimaspankum sumaqllaña yachachikuyninkunata uyarispanku admirasqallaña karqaku, hinaspam ninakurqaku: ¿Payqa manachum Joseypa churin? nispanku.

Lucas 8:20

Chaymi hukkaqninña Jesusman willaykurqa: Mamaykiwan wawqekikunam qanwan tupaykuyta munaspanku hawapi suyasuchkanki, nispa.

Juan 19:25

Cruzpa hichpanpim kachkarqa Jesuspa maman, kachkarqataqmi mamanpa ñañanpas, Cleofaspa warmin Mariapas chaynataq Magdala llaqtayuq Mariapas.

Juan 6:42

¿Manachum kay Jesusqa Joseypa churin? Tayta-mamantapas reqsinchikmi, ¿imaynamá hanaq pachamantam uraykamurqani nichkanqa? nispanku.

Juan 9:29

Ñoqaykuqa yachanikum Moisesta Dios rimapayasqanta. Kay runamantam ichaqa maymantam lloqsimusqantapas mana yachanikuchu, nispanku.

Gálatas 1:19

Wakin apostolkunawanmi ichaqa mana tuparqanichu, aswanqa Jesuspa wawqen Jacobollawanmi.

Judas 1:1

Jesucristo serviq hinaspa Jacobopa wawqen ñoqa Judasmi Dios Taytapa kuyasqankunaman hinaspa qayasqan-kunaman qellqamuykichik. Qamku-naqa Jesucristopa waqaychasqanmi kachkankichik.