Mateo 13:46 - CHUYA QELLQA La Biblia en Quechua de Ayacucho 2012

⁴⁶ Paymi sumaq perlasta tarirurqa, hinaspam tukuy kapuqninta rantikaramuspan chay perlasta rantirurqa.

Quechua Ayacucho Bible 1987

⁴⁶ Paymi ancha precioyoq perlasta tariruspan rirqa tukuy kapuqnin *f**rantikuq hinaspam rantirurqa chay perlasta.

Chuya Qellqa 1992

⁴⁶ Paymi sumaq perlasta tarirurqa, hinaspam tukuy kapuqninta rantikaramuspan chay perlasta rantirurqa.

Mateo 13:46 Iomraidhean Croise

Proverbios 2:4

Sichum qollqeta hina maskanki, pakata hina maskanki,

Isaías 33:6

Paymi allin kawsakuy qosuqnikiqa, paytaqmi yachaytawan yuyayniyuq kaytapas salvakunaykipaq qosunki; Tayta Diosta manchakuynikim ancha kapuqniyuq kaynikiqa.

Mateo 13:44

Diospa munaychakuyninqa chak-rapi pampasqa pakamanmi rikchakun. Chaytam huk runa tariruspan kasqallan pakapaykun, hinaspam kusisqallaña kallpaspan tukuy kapuqninta rantikaramuspan chay chakrata rantirun.

Mateo 13:45

Diospa munaychakuyninqa sumaq perlaskuna maskaq negociantemanmi rikchakun.

Mateo 13:47

Diospa munaychakuyninqa rikchakun, lamar qochaman wischuykuptinku tukuy rikchaq challwakunata hapimuq mallamanmi.

Hechos 20:24

Ichaqa vidaypas ñoqapaqqa manam llumpay valorniyuqchu. Aswanpas munani Señor Jesucristopa kamachiwasqanta kallpachkaq hina kusikuywan ruwaytam hinaspa Diospa kuyakuyninmanta willakunaypaq Señor Jesucristopa kamachiwasqan cumpliytam.

Gálatas 6:14

Ñoqam ichaqa imamanta alabakuytapas mana munanichu, aswanqa Señorninchik Jesucristopa cruzpi wañusqallanmantam. Cruzpi Cristopa wañusqanraykum kay pachapi mana allin ruwaykunataqa wañusqata hinaña saqeruni, chayna-taqmi ñoqatapas kay pachapi mana allin ruwaykunaqa wañusqata hinaña saqeruwan.

Efesios 3:8

Llapallan iñiqkunamanta mana valeqpaq hapikuchkaptiypas, Diosqa ñoqata kuyawaspanmi kunawarqa, mana judío kaqkunaman Cristomanta hatun valorniyuq pakasqa kaq allin noticiata willakunaypaq.

Colosenses 2:3

Payllapim pakasqa kachkan qori-qollqe hina tukuy yachayniyuq hinaspa yuyayniyuq kaypas.

Apocalipsis 18:12

Paykunam rantikuqku: Qorita, qollqeta, alhaja rumikunata, perlaskunata, linomanta fino telakunata, grosella telakunata, puka telakunata, sedakunata hinaspa miski asnaq sachakunata. Rantikuqkutaqmi marfilmanta, sumaq kullumanta, broncemanta, fierromanta hinaspa marmolmanta sumaq tukuy rikchaq ruwasqa serviciokunatapas.

Apocalipsis 21:21

Chunka iskayniyuq punkukunaqa kasqa chunka iskayniyuq perlaskunam; sapa punkukunaqa huk perlasllamanta ruwasqam kasqa. Llaqtapa callenñataqmi kasqa qori-puromanta cristal hina kanchariq.