Mateo 13:44 - CHUYA QELLQA La Biblia en Quechua de Ayacucho 2012

⁴⁴ Diospa munaychakuyninqa chak-rapi pampasqa pakamanmi rikchakun. Chaytam huk runa tariruspan kasqallan pakapaykun, hinaspam kusisqallaña kallpaspan tukuy kapuqninta rantikaramuspan chay chakrata rantirun.

Quechua Ayacucho Bible 1987

⁴⁴ —Diospa munaychakusqanqa rikchakun chakrapi pampasqa pakamanmi. Chaytam runa tariruspa aswanraq pakapaykun, kusisqallaña pasaspanmi tukuy kapuqninta *f**rantikaramuspan rantirun chay chakrata.

Chuya Qellqa 1992

⁴⁴ Diospa munaychakuyninqa chakrapi pampasqa pakamanmi rikchakun. Chaytam huk runa tariruspan kasqallan pakapaykun, hinaspam kusisqallaña kallpaspan tukuy kapuqninta rantikaramuspan chay chakrata rantirun.

Mateo 13:44 Iomraidhean Croise

Jobwan Sutichasqa Libro 28:13

Runaqa manam yachanchu mayna valorniyuqmi kasqantapas, yachayqa manam runakunapa kasqanpichu tarikun.

Proverbios 16:16

Qorimantapas aswan allinqa yachayta tariymi, qollqemantapas aswan allinqa yachayniyuq kaymi.

Proverbios 17:16

¿Imapaqtaq mana yachayniyuq runata qollqe servinman yachayta rantinanpaq mana entiendeq kachkaptinqa?

Proverbios 18:1

Kikillanpaq munaq runaqa imatapas kikillanpaqmi maskan, imataña nisqapas manam kasukunchu.

Proverbios 23:23

Cheqap kaqtawan yachayta rantiy, yachachikuytawan yuyayniyuq kayta rantiy, hinaspa ama rantikuychu.

Isaías 55:1

Llapallan yakunayasqakuna, yaku tomaq hamuychik; mana qollqeyuqkuna, mikunaykichikpaq trigota mana imallapaq apakuychik, vinotawan lecheta mana qollqellapaq apakuychik.

Mateo 13:24

Jesusmi huk rikchanachiytawan rimarispan nirqa: Diospa munaychakuyninqa rikchakun chakranpi allin muhuta tarpuq runamanmi.

Mateo 13:46

Paymi sumaq perlasta tarirurqa, hinaspam tukuy kapuqninta rantikaramuspan chay perlasta rantirurqa.

Mateo 13:47

Diospa munaychakuyninqa rikchakun, lamar qochaman wischuykuptinku tukuy rikchaq challwakunata hapimuq mallamanmi.

Mateo 19:21

Chaymi Jesusñataq nirqa: Mana pantaq runa kayta munaspaykiqa, tukuy imaykita rantikamuspa chay qollqeta wakchakunaman qomuy, chaynapim hanaq pachapi kapuqniyuq kanki hinaspa qatiway, nispa.

Mateo 19:27

Hinaptinmi Pedro nirqa: Ñoqaykuqa tukuy imata saqespam qatichkaykiku, chaynaqa, ¿imatataq chaskisaqku? nispa.

Mateo 19:29

Pipas wasinkunata, wawqenkunata, paninkunata, taytanta, mamanta, warminta, churinkunata, chakrankunata ñoqa-rayku saqeqqa, pachak kuti mastam chaskinqa, chaskinqataqmi wiñay kawsaytapas.

Mateo 6:21

Maypim qori-qollqekichik kachkan, chaypitaqmi sonqoykichikpas kachkan.

Lucas 14:33

Chaynaqa, mayqannikichikpas tukuy kapuqninta mana saqeqqa, manam discipuloyqa kanmanchu.

Juan 6:35

Chaymi Jesusñataq nirqa: Ñoqam kani kawsay qokuq tanta, pipas ñoqaman hamuqqa manam hay-kapipas yarqachikunqachu, pipas ñoqa-pi iñiqqa manataqmi haykapipas yakuna-yachikunqachu.

Romanos 15:4

Ñawpaqta imapas qellqasqa kaqkunaqa yachachiwananchikpaqmi qellqasqa karqa, chaynapi pacienciakuspa chay qellqapa nisqanman hina kallpanchakuspa suyananchikpaq.

Colosenses 2:3

Payllapim pakasqa kachkan qori-qollqe hina tukuy yachayniyuq hinaspa yuyayniyuq kaypas.

Colosenses 3:16

Cristopa yachachikuyninkunayá sonqoykichikpi llimparichun. Allin yachaywanyá sapakama yachachinakuspa kallpanchanakuychik. Tukuy sonqoykichikwanyá Diosman graciasta qostin takiychik, himnokunata hinaspa Espiritumanta kaq takikunata.

Hebreos 10:34

Carcelpi kaqkunamantapas llakipayarikurqankichikmi, imaykichikta qechusuptikichikpas kusisqallam karqankichik, chaynataqa ruwarqankichik hanaq pachapi aswan allin wiñaypaq kapuqniyuq kasqaykichikta yachaspam.

Apocalipsis 3:18

Chaynaqa, ñoqam consejayki ninapi chuyanchasqa qorita rantiwaspayki cheqapta apu kanaykipaq, yuraq pachatapas rantiway penqaynikita tapakunaykipaq, rantiwaytaqyá coliriotapas ñawikiman sutuchispa allinta qawakunaykipaq.