Mateo 13:20 - CHUYA QELLQA La Biblia en Quechua de Ayacucho 2012

²⁰ Rumillaña ranraman wichiqñataqmi rikchakun, palabrata uyariykuspa kusi-kuywan chaskiqman,

Quechua Ayacucho Bible 1987

²⁰ Wakin runañataqmi rikchakun ranraman wichiykuq muhuman. Diospa palabranta uyarispam kusisqallaña chaskin.

Chuya Qellqa 1992

²⁰ Rumillaña ranraman wichiqñataqmi rikchakun, palabrata uyariykuspa kusikuywan chaskiqman,

Mateo 13:20 Iomraidhean Croise

2~Crónicas 24:14

Llamkayta tukuruspankum, puchuq qollqeta reyman hinaspa sacerdote Joiadaman aparqaku, chaywanmi ruwachirqaku Tayta Diospa templonpi serviciokunata, sacrificio ofrecenanku serviciokunata, cucharonkunata, vasokunata, qorimanta qollqemanta wakin serviciokunatapas. Joiada kawsanankamaqa Tayta Diospa templonpim sapa punchaw lliw kañana sacrificiota ofrecerqaku.

2~Crónicas 24:2

Sacerdote Joiada kawsanankamaqa, Tayta Diospa munayninman hinam Joasqa allin kaqta ruwarqa.

2~Crónicas 24:6

Hinaptinmi sumo sacerdote Joiadata qayachimuspan rey nirqa: ¿Imanasqataq llapa levitakunata mana hikutarqankichu Judá nacionmantawan Jerusalenmanta impuestokunata apamunankupaq? Chaytaqa Tayta Diospa serviqnin Moiseswan Israel runakunam tanteanakurqaku Diosman asuykuna carpaman apamunankupaq, nispa.

Isaías 58:2

Paykunaqa sapa punchawsi maskawanku, munasqayman hinas kawsayta munanku, allin ruwaq nación hinaraqsi allin arreglota ruwanaypaq mañawanku, ñoqa Diosninkupa kamachikuyniykuna mana saqeruq hinaraqsi ñoqa Diosman asuykamuwayta munanku.

Mateo 13:19

Ñanman wichiykuq muhum Diospa munaychakuyninmanta palabrata uyarichkaspan mana entiendeq runaman rikchakun, paypa sonqonpi tarpusqa muhuta supay hamuruspa qechurusqanrayku.

Mateo 13:21

ichaqa mana sumaqta sapichakusqanraykum mana unaytachu kawsarqa. Paykunam Diospa palabranrayku cheqnisqa qatikachasqa kaspanku chaylla wichirunku.

Mateo 7:8

Pipas mañakuqqa chaskinmi, maskaqqa tarinmi, qayakuqtaqa kichaykamunqam.

Marcos 6:20

Rey Herodesmi Juanta chuya runa kasqanta yachaspan manchakurqa, chayraykum payta waqaycharqa. Juanpa rimasqankunata uyarispanmi mana ima ruwakuytapas atirqachu, ichaqa ganasllawanñam uyarirqa.

Juan 5:35

Juanqa achkiq mechero hinam karqa, chaymi chay achkiywan pisi tiempollapas kusikuyta munarqankichik.

Hechos 8:13

Chaymi Simonpas Jesucristoman iñikuspan bautizachikurqa, hinaspam Felipewanña purirqa. Diospa atiyninwan milagrokunata Felipe ruwasqanta qawaspanñataqmi admirakurqa.