Mateo 12:41 - CHUYA QELLQA La Biblia en Quechua de Ayacucho 2012

⁴¹ Nínive llaqtapi runakunam kay runakunawan kuska juicio punchawpi kawsarimunqaku, hinaspam kay runakunata acusanqaku. Paykunaqa Jonaspa willakusqanwanmi huchankumanta wanakururqaku, kaypiqa Jonasmantapas aswan allin willakuqmi kachkan.

Quechua Ayacucho Bible 1987

⁴¹ Ninive llaqtapi runakunam kawsarimunqaku kay runakunapiwan kuska juicio punchawpi hinaspam kay runakunata acusanqa. Paykunaqa huchankumantam wanakurqaku Jonaspa willakusqanwan, Jonasmantapas aswan allin willakuqmi kaypiqa kachkani.

Chuya Qellqa 1992

⁴¹ Nínive llaqtapi runakunam kay runakunawan kuska juicio punchawpi kawsarimunqaku, hinaspam kay runakunata acusanqaku. Paykunaqa Jonaspa willakusqanwanmi huchankumanta wanakururqaku, kaypiqa Jonasmantapas aswan allin willakuqmi kachkan.

Mateo 12:41 Iomraidhean Croise

Isaías 54:17

Contraykipi armakuna ruwasqankupas manam imanasunkichu, juzgadopi acusasuqnikikunatapas upallachinkim. Tukuy chaykunam serviqniykunapa herencian kanqa, ñoqawanmi tukuy imapi vencenqaku. Tayta Diosmi chaynata nin.

Jeremías 3:11

Tayta Diosmi niwarqa: Mana kasukuq Judamantaqa, mana kasukuq Israelraqmi allinpas.

Jonás 1:2

Nínive hatun llaqtaman rispa contranpi willakamuy, mana allin ruwayninkum qayllayman chayaramun, nispa.

Jonás 3:4

Chayarus-panmi Jonasqa tukuylla punchaw puriyta qallaykurqa kaynata willakustin: ¡Tawa chunka punchawmantam Nínive llaqta chinkachisqa kanqa! nispa.

Mateo 12:39

Jesusñataqmi nirqa: Kay mana kasukuq hinaspa huchasapa runakunam milagro ruwanayta munachkanku, ichaqa manam ima milagropas ruwasqachu kanqa. Qawaspaqa qawankichik profeta Jonasta imam pasasqallantam.

Mateo 12:42

Sur lawmanta Sabá reinapas juicio punchawpim kay runakunawan kuska kawsarimuspan paykunata acusanqa. Payqa kay pachapa tukupaynin karu-karu llaqtamantaraqmi rey Salomonpa yachaynin uyariq hamurqa. Kaypiqa Salomonmantapas aswan yachayniyuqmi kachkan.

Mateo 12:45

Hinaspanmi chayman kutirispan paymantapas aswan mana allin qanchis espiritukunataraq pusaramun hinaspam yaykuykuspa chaypi yachakun. Chaynapim chay runaqa ñawpaq kasqanmantapas aswan mana allinña rikurirun. Chaynam pasanqa kay mana allin miraykunatapas, nispa.

Mateo 12:6

Cheqaptapunim nikichik, kaypiqa tem-plomantapas aswan hatun kaqmi kach-kan.

Mateo 16:4

Kay mana kasukuq huchasapa runakunaqa, milagrotaraqmi mañakunkupas, ichaqa manam milagroqa ruwasqachu kanqa, aswanqa profeta Jonasta imam pasasqallanmi paykunapaq señal kanqa, nispan. Chaynata niruspanmi paykunata saqeruspan Jesús pasakurqa.

Mateo 17:17

Chaymi Jesusñataq nirqa: ¡Mana iñiyniyuq huchasapa miraykuna! ¿Haykapikamataq qamkunawan kasaq? ¿Haykapikamataq aguantasqaykichik? Chay warmata kayman apamuychik, nispa.

Mateo 23:36

Cheqaptapunim nikichik, chay llapallan castigoqa kunan tiempopi kawsaq miraykunamanmi chayamusunkichik.

Lucas 11:32

Nínive llaqtapi runakunapas juicio punchawpi kawsarimuspam kay miraykunata condenanqaku. Paykunaqa Jonaspa willakusqanwanmi huchankumanta wanakurqaku, kaypiqa tarikun Jonasmantapas aswan masraqmi.

Juan 3:31

Hanaq pachamanta hamuqqa llapallankupa hawanpim kachkan; kay pachamanta kaqqa kay pachapi kaqllam, rimanpas kay pachapi kaqkunallamantam. Hanaq pachamanta hamuqmi icha-qa llapallankupa hawanpi kachkan,

Juan 4:12

Ñawpaq taytayku Jacobmi kay pozotaqa saqewarqaku. Kay pozomantam kikinpas, churinkunapas chaynataq animalninkunapas tomarqaku. ¿Icha paymanta aswan maschu kanki? nispa.

Romanos 2:27

Cuerponpi mana señalasqa kachkaspan leyta kasukuqqa, cuerponpi señalasqa kachkaspan chaynataq leyta yachachkaspan mana kasukuqtam juzganqa.

Hebreos 11:7

Iñiyllawanmi Noeypas, hamuq pun-chawkunapi imakuna pasakunanmanta Dios willaykuptin, payta kasukuspan arcata ruwarqa ayllunkuna chaypi salvakunanpaq. Hina chay iñiyllanwantaqmi kay pachapi kaqkunatapas condenarqa hinaspa allin kawsakuytapas chaskirqa.