Mateo 12:34 - CHUYA QELLQA La Biblia en Quechua de Ayacucho 2012

³⁴ ¡Maqta urupa mirayninkuna! ¿Imaynataq mana allin runakuna kachkaspa allin kaqkunata rimawaqchik? Runaqa imam sonqonpi kasqanman hinam riman.

Quechua Ayacucho Bible 1987

³⁴ ¡Culebrapa castankuna! ¿Imaynamá allintaqa imatapas niwaqchik mana allin runa kachkaspaykichikqa? Runaqa riman sonqonpi huntallaña kaqkunamantam.

Chuya Qellqa 1992

³⁴ ¡Maqta urupa mirayninkuna! ¿Imaynataq mana allin runakuna kachkaspa allin kaqkunata rimawaqchik? Runaqa imam sonqonpi kasqanman hinam riman.

Mateo 12:34 Iomraidhean Croise

Proverbios 16:23

Allinta tanteakuq runaqa yachaywanmi riman, rimaspanmi yachayta cheqechin.

Proverbios 4:23

Tukuy ima waqaychasqaykimantapas, aswanqa sonqoykitayá waqaychay, chaymantam imayna kawsaypas lloqsimun.

Isaías 32:6

Qacha sonqo runaqa chayna kayninman hinam riman, huchakuna ruwananpaqmi sonqonpi yuyaymanan, Tayta Diospa contranpim mana allinkunallata riman; yarqasqakunaman mana mikuy qoykuqmi, yakunayasqakunaman mana yaku qoykuqmi.

Isaías 59:14

Mana pimanpas sayapakuspa allin arreglo ruwaymi karunchakurun, allin ruwaymi chinkarun, plazakunapipas cheqap kaqtaqa manam rimankuñachu, cheqap rimaq runapas manam kanñachu.

Isaías 59:4

Juzgadomanmi llullakuspa quejakuq rinkichik, juezkunamanpas manam cheqap kaqwanchu rinkichik. Aswanqa yanqakunallapim hapipakunkichik, yanqakunallatam rimankichik, mana allin ruwaykunapa huntasqanmi kachkankichik, chayraykum millakuypaq kaqkunallata rikurichinkichik.

Isaías 9:17

Chaymi Señorqa mana llakipayanqachu jovenkunatapas, viudakunatapas, mana tayta-mamayuqkunatapas, llapallanku millakuypaq llullallaña kasqankurayku, chaynataq yanqakunata rimaq kasqankurayku. Chaywanpas Tayta Diosqa, hinallam piñasqa kachkan atiyninwan castigananpaq.

Mateo 12:35

Allin ruwaq runaqa, allin kaqkunata sonqonpi waqaychasqanman hinam allinllata riman, mana allin runañataqmi sonqonpi mana allin kaqkuna waqaychasqanman hina riman.

Mateo 15:18

Runapa rimasqanmi ichaqa sonqonmanta lloqsimun, chaymi runataqa huchallichin.

Mateo 23:33

¡Maqta urukuna! ¡Maqta urupa mirayninkuna! ¿Imaynatataq infiernopi castigasqa kanaykichikmanta lluptinkichik?

Mateo 3:7

Llapa fariseokunawan saduceokunapas bautizachikuq hamuptinkum Juanñataq nirqa: ¡Maqta urupa mirayninkuna! ¿Pitaq willarusunkichik hamuq ñakariymanta ayqeruyta?

Lucas 3:7

Llapa runakuna Juanwan bautizachikunankupaq riptinkum payñataq nirqa: ¡Llapa maqta urupa mirayninkuna! ¿Creenkichikchu Diospa piñakuyninmanta ayqeruyta?

Lucas 6:45

Allinkuna ruwaq runaqa allin kaqkunata sonqonpi waqaychasqanmantam allin kaqkunata hurqomun, mana allin runañataqmi mana allin kaqkunata sonqonpi waqay-chasqanmanta mana allin kaqkunata hurqomun. Runaqa imatapas sonqonpi waqaychasqantam riman.

Juan 8:44

Qamkunapa taytaykichikqa diablom, chaymi paypa munasqallanta ruwankichik. Diabloqa qallariyninmantapuni runata wañuyman apaqmi karqa, paypi mana cheqap kasqanraykum cheqap kaqpipas mana takyanchu. Llullata rimaspanqa kikillanmanta kaqtam riman, chayna kasqanraykum haykam llullakuqkunapa taytan.

Efesios 4:29

Rimaspaykichikqa amayá qacha simichu kaychik, aswanqa allin kaq-kunallatayá rimaychik, chaynapi uya-riqnikichikkunapa allinninpaq kap-tin iñiyninkupi aswan-aswan wiñanan-kupaq.

Efesios 5:4

Amataqyá rimaychikchu penqaypaq kaqkunatapas, mana pasaq kaqkunamantapas, tupa-tupaykachispa rimaykunatapas, chay rimaykunaqa manam imapaqpas allinchu, aswanqa Diosllatañayá yupaychaychik.

Santiago 3:2

Llapa-llanchikmi imaymanapi pantanchik, sichum rimasqanwan pipas mana huchallikuspanqa mana pantaq runañam kachkan, chayna kaspaqa tukuy cuerpontapas controlanmanmi.

1~Juan 3:10

Suti reqsiyllam Diospa churinkunaqa, suti reqsiyllataqmi diablopa churinkunapas. Allin kaqkunata mana ruwaqqa hinaspa runamasinta mana kuyaqqa, manam Diospa churinchu.

1~Samuel 24:13

Ñawpaqmantaraqmi kay rimay hamun: “Mana allin ruwaykunaqa lloqsimun mana allin runakunamantam”, nispa. Chaymi makiytaqa mana haykapipas hoqarisaqchu qampa contraykipiqa.