Mateo 12:28 - CHUYA QELLQA La Biblia en Quechua de Ayacucho 2012

²⁸ Sichum Diospa Espiritunwan demoniokunata qarqoptiyqa, cheqaptapunim Diospa munaychakuynin qamkunaman chayaramusunkichik.

Quechua Ayacucho Bible 1987

²⁸ Ñoqaqa demoniokunataqa qarqoni Diospa Espiritunwanmi, chaynaqa Diospa munaychakusqanqa chayaramusunkichikñam.

Chuya Qellqa 1992

²⁸ Sichum Diospa Espiritunwan demoniokunata qarqoptiyqa, cheqaptapunim Diospa munaychakuynin qamkunaman chayaramusunkichik.

Mateo 12:28 Iomraidhean Croise

Daniel 2:44

Chay reykuna munaychakuchkaptinkum hanaq pacha Dios hatarichinqa wiñaypaq mana tuñichiy atina munaychakuyta, chay munaychakuypa hawanpiqa manam hukqa munaychakunqachu. Aswanqa chay munaychakuymi llapallan munaychakuykunata ñutupaspan wiña-wiñaypaq takyanqa.

Daniel 7:14

Chaymi payman atiyta, ancha reqsisqa kayta, munaychakuyta qoykurqaku; chaynapi llaqtakuna, nacionkuna, rikchaqmana rimayniyuqkuna payta servinankupaq. Paypa munaychakuyninqa wiña-wiñaypaq mana tukuqmi, kamachikuyninpas mana haykapipas chinkaqmi.

Mateo 12:18

“Paymi serviqniyqa, paytam akllakurqani, payqa kuyasqaymi, payraykum kusisqa kachkani. Espirituytam payman huntaykusaq, Diosta mana reqsiq nacionkunamanmi allin kawsakuymanta willakunqa.

Mateo 12:29

¿Imaynataq kallpasapa runapa wasinman suwananpaq pipas yaykurunman puntata payta mana chaqnaruchkaspaqa? Chaqnaruspallam imantapas suwarunmanqa.

Mateo 21:31

¿Kay iskayninkumanta mayqantaq taytanpa munasqanta ruwarqa? nispa. Chay runakunañataqmi nirqaku: Punta kaqmi, nispanku. Jesusñataqmi nirqa: Cheqaptaqa impuesto cobraqkunawan chuchumikakunaraqmi qamkunapa ñawpaqnikichikta Diospa munaychakuyninman richkanku.

Mateo 21:43

Chaynaqa, nikichikmi, Diospa munaychakuyninmi qamkunamanta qechusqa kanqa, hinaspam Diospa munaychakuyninta ruruchiq llaqtamanña qosqa kanqa.

Mateo 4:24

Jesuspa ancha reqsisqa kayninta yacharuspankum Siria lawpi kaqkunapas tukuy rikchaq onqoywan kaqkunata, nanaywan ñakariqkunata, demoniopa ñakarichisqankunata, wañuymañayuqkunata hinaspa suchu-kunata apamurqaku, paykunatam Jesús sanoyachirqa.

Mateo 6:33

Imamantapas llalliriqtaqa Diospa munaychakuynintawan paypa munasqanman hina ruwaytayá maskaychik, hinaspaqa ima munasqaykichiktapas chaskinkichikmi.

Marcos 1:15

Tiempom chayaramunña, Diospa munaychakuyninmi hichparamunña, huchaykichikmanta wanakuspaykichik Diosmanta allin noticiata chaskikuychik, nispa.

Marcos 11:10

¡Taytanchik Davidpa hamuq munaychakuyninyá hatunchasqa kachun! ¡Hanaq pachapi kawsakuq Dios salvaykullawayku! nispanku.

Marcos 16:17

Ñoqapi iñiqkunam kaykunata ruwanqaku: Sutiypim demoniokunata qarqonqaku, musoq rimaykunatam rimanqaku,

Lucas 10:11

“Usutaykuman kay llaqtapa allpan laqakamuqtapas qamkunapa contraykichikpim taspiniku. Chaywanpas yachaychikyá, Diospa munaychakuyninmi hichpallaykichikpiña kachkan”, nispa.

Lucas 11:20

Sichum demoniokunata Diospa atiyninwan qarqoptiyqa, Diospa munaychakuyninmi chayaramusunkichik.

Lucas 16:16

Kamachikuykunawan profetakunapa yachachisqanqa Bautizaq Juanpa willakuy qallarisqankamallam karqa. Chaymanta qepamanñataqmi Diospa munaychakuyninmanta willakusqa kachkan, chaymi llapallanku yaykunankupaq kallpanchakuchkanku.

Lucas 9:2

Paykunatam Diospa munaychakuyninmanta willakamunankupaq hinaspa onqoqkunata sanoyachimunankupaq kacharqa.

Hechos 10:38

hinaspa imaynam Nazaretmanta kaq Jesucristota Chuya Espiritupa atiyninwan Dios huntaykusqantaqa; paymi purirqa allinkunata ruwastin chaynataq Satanaspa ñakarichisqan runakunata sanoyachistin, tukuy chaykunataqa ruwarqa paywan Dios kasqanraykum.

Romanos 14:17

Diospa munaychakuyninqa manam mikukuyllachu nitaq upyakuyllachu, aswanqa Chuya Espiritupa yanapakuyninwan allinta ruwaspa hawkalla kusisqa kawsakuymi.

Colosenses 1:13

Diosmi tutayaypa atiyninmanta libraykuwarqanchik, hinaspam kuyasqan Churinpa munaychakusqanmanña churaykuwanchik.

Hebreos 12:28

Diospa manaña tukuq munaychakuyninta chaskichkaspanchikqa Diosman graciasta qospayá, munasqanta ruwaspa respetowan yupaychaspa servisunchik.

1~Juan 3:8

Pipas hucha ruwaqqa diablopam, diabloqa qallariyninmantapuni huchallikuqmi. Diospa Churinqa rikurimurqa diablopa ruwasqankunata tuñichinanpaqmi.