Mateo 11:5 - CHUYA QELLQA La Biblia en Quechua de Ayacucho 2012

⁵ Ñawsakunam qawakuchkanña, suchukunam purichkankuña, leprayuqkunam sanoyarunkuña, mana uyarikuqkunam uyarikuchkan-kuña, wañusqakunam kawsarinku, wak-chakunapas evangeliotam uyarichkanku, nispaykichik.

Quechua Ayacucho Bible 1987

⁵ Willamuychikyá: “Ñawsakunam qawakuchkanña, suchukunam purichkanña, *f**leprawan onqoqkunam sanoyachkanña, mana uyarikuqkunam uyarikuchkanña, wañusqakunam kawsarichkanña chaynataqmi wakchakunapas allin noticiata uyarichkanña” nispa.

Chuya Qellqa 1992

⁵ Ñawsakunam qawakuchkanña, suchukunam purichkankuña, leprayuqkunam sanoyarunkuña, mana uyarikuqkunam uyarikuchkankuña, wañusqakunam kawsarinku, wakchakunapas evangeliotam uyarichkanku, nispaykichik.

Mateo 11:5 Iomraidhean Croise

2~Reyes 5:14

Chaymi Naamanqa pasaspan profetapa kamachisqanman hina Jordán mayupi qanchis kutikama zambullikaramurqa, hinaptinmi aychan wawapa hina rikurirurqa, chaynapim sanoyarurqa.

2~Reyes 5:7

Israel nacionpa reyninñataqmi cartata leeruspan pachanta llikipaspan nirqa: ¿Ñoqaqa Dioschu kani runata wañuchi-naypaq otaq kawsachinaypaqpas, chay-napi kay onqoqta kachamuwaptin sanoyachinaypaq? Yachaychikyá kaywanqa manam imatachu munan aswanqa guerrapi ñoqawan peleayllatam, nispa.

Éxodo 4:11

Hinaptinmi Tayta Dios nirqa: ¿Pitaq runaman simita qorqa? ¿Pitaq mana rimaqta, mana uyariqta, qawakuqta hinaspa ñawsata unancharqa? ¿Manachu ñoqa Tayta Dios?

Isaías 29:18

Chay punchawpiqa mana uyariqkunapas librota leepuptinkum uyarinqaku, ñawsakunapas ancha tutayaypi kachkaspankupas rikukunqakum.

Isaías 29:19

Sumaq sonqoyuqkunam Tayta Diospi kusikunqaku, pasaypaq wakchakunam Israelpa Chuya Diosninrayku kusikunqaku.

Isaías 43:8

Ñawiyuq kachkaspa mana qawakuq llaqtata hurqomuychik, rinriyuq kachkaspa mana uyarikuq llaqtata hurqomuychik.

Isaías 66:2

Tukuy imapas ñoqapa ruwasqallaymi, chaymi tukuy imapas rikurirqa. Ñoqa Tayta Diosmi chaynata nini. Ñoqaqa nanachikuni humillakuspa wanakuq runakunatam, yachachikuyniy kasukuq runakunatam.

Zacarías 11:7

Chaynapim wañuyman destinasqa kaq ovejakunata michirqani. Michinaypaqmi iskay tawnakunata hapiykurqani, huknintam suticharqani kuyapayakuywan, huknintañataqmi hukllawanakuywan, hinaspaymi michirqani.

Mateo 10:8

Onqoqkunata sanoyachimuychik, wañusqakunata kawsarichimuychik, leprayuqkunata sanoyachimuychik hinaspa demoniokunata qarqomuychik. Qamkunaqa mana imallapaqmi chaskirqankichik, mana imallapaqtaqyá qomuychikpas.

Mateo 11:4

Chaymi Jesusñataq nirqa: Kutispaykichik imam qawasqaykichikmantawan uyarisqaykichikmanta Juanman willamuychik.

Mateo 12:13

Hinaspam chay runata nirqa: Makikita haywariy, nispa. Haywariykuptinmi sanoyarurqa, hinaspam huknin makin hinaña rikurirurqa.

Mateo 21:14

Templopi kachkaptinmi ñawsakunawan wistukuna Jesusman asuykurqaku, hinaptinmi sanoyachirqa.

Mateo 5:3

Mayna kusisqam “Diosmantam necesitani” niq wakchakunaqa, Diospa munaychakuyninpas paykunapam.

Mateo 9:30

Chaymi ñawinku qawarikuruptin paykunata Jesús kamachirqa ama pimanpas willakunankupaq.

Marcos 7:37

Chaymi runakuna admirakuspanku nirqaku: Jesusqa imatapas allintam ruwan, mana uyariqkunatam uyarichin, mana rimaqkunatapas rimachinmi, nispanku.

Marcos 9:25

Jesusñataqmi runakuna aswanraq huñunakamusqanta qawarispan chay mana allin espirituta qaqcharqa: Upayachikuq hinaspa mana rimachikuq espíritu, ñoqam kamachiki, kay warmamanta lloqsiy hinaspa amaña huktawanqa kutiykuyñachu, nispan.

Lucas 4:18

“Tayta Diospa Espiritunmi ñoqapi kachkan, Tayta Diosmi sapaqchawaspan kamachiwarqa, wakchakunaman allin noticiata willakamunaypaq, llakisqa sonqoyuqkunata sanoyachimunaypaq, presokuna kacharisqa kanankupaq willamunaypaq, ñawsakunata ñawinta kichamunaypaq, ñakarichisqakunata libramunaypaq,

Juan 10:25

Jesusñataqmi nirqa: Ñam nirqaykichikña ichaqa manam creerqankichikchu, Taytaypa atiy qowas-qanwanmi tukuy imata ruwani, chaykunam ñoqamanta willakun.

Juan 10:38

sichum ruwaptiyqa manaña ñoqapi creespaykichikpas ruwasqaykunapiyá creeychik, chaynapim Taytawanqa huklla kasqayta yachankichik.

Juan 2:23

Jesusmi Jerusalenpi kaspan Pascua fiestapi achkaq milagrokunata ruwarqa, chaymi achkallaña runakuna paypi iñirqaku.

Juan 3:2

Paymi tutallan hamuspan Jesusta nirqa: Yachachikuq, yachanikum yachachiwanaykikupaq Dios kachamususqaykita, milagrokunataqa manam pipas qam hinaqa ruwayta atinmanchu, sichum mana paywan Dios kaptinqa, nispa.

Juan 5:36

Ichaqa Juanpa willakusqanmantapas aswan valorniyuq testigoyqa, ruwanaypaq Tay-tapa kamachimuwasqan kaqkuna ruwas-qaymi, chaykunam Taytapa kachamuwasqanmantaqa willakunku.

Juan 9:7

nirqa: Siloé estanqueman rispayki mayllakaramuy, nispa. (Siloeqa “kachasqa” ninanmi). Rispanmi mayllakaramurqa, hinaspam qawakustinña kutiramurqa.

Hechos 2:22

Israelpa mirayninkuna, uyariwaychik: Yachasqaykichikpi hinapas, Diosmi qamkuna ukupi Nazaretmanta kaq Jesuspa atiyninta qawachirqa, paynintakama admirakuypaq milagrokunata hinaspa señalkunata ruwaspan.

Santiago 2:5

Kuyasqay wawqe-panillaykuna, uyariykuwaychikyá, kay pachapi wak-chakunataqa Diosninchikmi akllarqa iñiyninkupi apu kanankupaq hinaspa kuyaqninkunaman prometesqan Diospa munaychakusqanta chaskinankupaq.