Mateo 11:3 - CHUYA QELLQA La Biblia en Quechua de Ayacucho 2012

³ Jesusta kaynata tapumunankupaq: ¿Qamchu kachkanki Diosmanta hamuq, icha huktachu suyasaqku? nispa.

Quechua Ayacucho Bible 1987

³ Jesusta kaynata tapumunankupaq: —¿Qamchu kanki Diosmanta hamuq icha huktachu suyasaqku? —nispa.

Chuya Qellqa 1992

³ Jesusta kaynata tapumunankupaq: ¿Qamchu kachkanki Diosmanta hamuq, icha huktachu suyasaqku? nispa.

Mateo 11:3 Iomraidhean Croise

Génesis 12:3

Bendecisuqnikikunatam bendecisaq, ñakasuqnikikunatam ñakasaq. Qamraykum kay pachapi llapallan ayllukunatapas bendecisaq, nispa.

Génesis 3:15

Warmitawan qamtam cheqninachisqayki, cheqninachisaqtaqmi miraynikitawan miraynintapas. Mirayninmi umaykipi sarusunki, qamñataqmi talonninpi kachunki, nispa.

Génesis 49:10

Manam pipas Judapa atiynin qechuyta atinqachu, dueño hamunankamam makinpi varatapas mana qechunqakuchu, payllatañam lliw runakunapas kasunqaku.

Isaías 7:14

Chaynaqa, kikin Diosmi señalta qosunkichik: Manaraq qari reqsiq sipasmi wiksayakuruspan qari wawata wachakunqa. Paytam Emanuelwan sutichanqa.

Oseas 3:5

Chaymantam Israelpa mirayninkuna kutirimuspanku Tayta Diosninkuta chaynataq reyninku Davidtapas maskanqaku. Tukupay punchawkunapiqa Tayta Diostam manchakunqaku, bendicionninkunatapas kuyakuywanmi chaskikunqaku.

Abdías 1:21

Llapallankum kusisqallaña Sión moqoman qespinqaku hinaspam Esaupa orqonkunapi munaychakunqaku, Tayta Diosñataqmi paykunapi munaychakunqa.

Miqueas 5:2

Belén Efrata, Judá ayllukunamanta taksallan llaqta, qanmantam Israelpi munaychakuq hatarinqa, payqa paqarimurqa ñawpaqmantaraqmi, tukuy imapa qallariyninmantapacham.

Hageo 2:7

Llapa nacionkunatam katkatatachisaq; llapa nacionkunam hamunqaku qoriqollqenkuta aparikuspa, kay temploymi ancha kuyayllapaq kanqa. Tukuy imapi munaychakuq Tayta Diosmi chaynata nin.

Zacarías 9:9

¡Sión llaqtapi yachaqkuna llumpayta kusikuychik! ¡Jerusalenpi yachaqkuna kusikuymanta qapariychik! Reynikichikmi qamkunaman hamuchkan, payqa allin ruwaq hinaspa salvakuqmi, asnopi silladam humildella hamuchkan, malta asnochapim hamuchkan.

Malaquías 3:1

Tukuy Atiyniyuq Tayta Diosmi kaynata nin: Ñoqamanta willakuqtam ñanta allichapuwananpaq ñawpaqniyta kachamusaq. Hinaptinmi maskasqaykichik Diosqa, templonman qonqayllamanta hamunqa. Ñam chayamuchkanña pactomanta willakuq ancha suyasqaykichik, nispa.

Malaquías 4:2

Kasuwaqniykunapaqmi ichaqa, inti qespimuchkaq hinaraq kuyakuyniy kancharimunqa, raprankunapim salvacionta apamusunkichik. Qamkunañataqmi kanchanmanta lloqsiq vacapa uñankuna hinaraq kusikuymanta pawaykachankichik.

Números 24:17

Rikuchkanim, ichaqa manam kunan kaqtachu, qawachkanim ichaqa manam hichpallapi kaqtachu: Jacobpa mirayninmantam huk chaska lloqsimunqa, Israel ayllumantam munaychakuq Rey hatarimunqa, Moab runakunapa umantam taqñunqa, Setpa mirayninkunatam chinkachinqa.

Mateo 11:10

Juanmantam Qellqa kay-nata nin: “Ñoqam willakuqniyta ñawpaqnikita kachasaq, paymi rinayki ñanta allichanqa”, nispa.

Mateo 11:4

Chaymi Jesusñataq nirqa: Kutispaykichik imam qawasqaykichikmantawan uyarisqaykichikmanta Juanman willamuychik.

Mateo 21:5

Paymi kaynata qellqarqa: Sión llaqtata niychik: “Reynikim qanman hamuchkan, asnopi silladam humildella hamuchkan, carga asnopa wawanpi silladam hamuchkan”, nispaykichik.

Mateo 21:9

Ñawpaqninta qepanta riq runakunañataqmi qaparir-qaku: ¡Davidpa churinqa yupaychayqayá kachun! ¡Señorpa sutinpi hamuqqa yupaychasqayá kachun! ¡Hanaq pacha-pipas Diosqa yupaychasqayá kachun! nispanku.

Marcos 11:9

Jesuspa qepanta chaynataq ñawpaqninta riqkunañataqmi kaynata qaparirqaku: ¡Yupaychasunchik! ¡Señorpa sutinpi hamuqqa alabasqayá kachun!

Lucas 19:38

kaynata nirqaku: ¡Señorpa sutinpi hamuq Reyqa qapaqchasqayá kachun! ¡Hanaq pachapi hawkayay kachun! ¡Alto-altopiyá hatunchay kachun! nispanku.

Juan 11:27

Chaymi Martañataq nirqa: Arí Señorlláy, ñoqaqa creenim, qamqa kanki kay pachaman hamuq Diospa Churin Cristom, nispa.

Juan 12:13

Paykunam palmerapa kallmanku-nata kuchuspanku Jesusta chaskinankupaq rirqaku, hinaspankum kaynata qaparirqaku: ¡Yupaychasunchik! ¡Qapaqchasqayá kachun Señorpa sutinpi hamuq Israelpa Reyninqa! nispanku.

Juan 16:14

Payqa atiyniytam qawachinqa, ñoqamanta chaskisqantam qamkunaman willasunkichik.

Juan 4:21

Jesusñataqmi nirqa: Warmi, cheqaptam niki, hamuchkanmi punchaw, kay moqopipas nitaq Jerusalenpipas Diostaqa manaña yu-paychanankupaq.

Juan 6:14

Jesuspa milagro ruwasqanta qawaykuspankum llapa runakuna nirqaku: Payqa cheqaptapunim kay pachaman hamuq profeta kasqa, nispanku.

Juan 7:31

Chaywanpas achka runa-kunam paypi iñirqaku, hinaspam nirqaku: ¿Yaqachu Cristo hamuspan paymanta aswan milagrokunataraq ruwanman? nispanku.

Hebreos 10:37

Chuya Qellqam kaynata nin: “Payqa chayllam kutimunqa, chay hamunanpaq kaqqa, manam unamunqachu.