Mateo 11:25 - CHUYA QELLQA La Biblia en Quechua de Ayacucho 2012

²⁵ Chay tiempopim, Taytanta mañakuspan Jesús nirqa: Hanaq pachapipas kay pachapipas munaychakuq Taytalláy, yachayniyuqkunamantawan yuyayniyuqkunamanta pakaykuspaykim, wawakunaman kaykunata reqsichirqanki, chayraykum yupaychayki.

Quechua Ayacucho Bible 1987

²⁵ Chay tiempopi Jesus mañakuspanmi Taytanta nirqa: —Hanaq pachapipas kay pachapipas munaychakuq Taytáy, kay yachaykunatam pakaykurqanki yachayniyoqkunamantawan entiendeqkunamanta hinaspam qawaykachinki pisi yachayniyoqkunamanña chayraykum alabayki.

Chuya Qellqa 1992

²⁵ Chay tiempopim, Taytanta mañakuspan Jesús nirqa: Hanaq pachapipas kay pachapipas munaychakuq Taytalláy, yachayniyuqkunamantawan yuyayniyuqkunamanta pakaykuspaykim, wawakunaman kaykunata reqsichirqanki, chayraykum yupaychayki.

Mateo 11:25 Iomraidhean Croise

Génesis 14:19

Paymi Abramta bendecispan nirqa: Abram, kay pacha hanaq pacha unanchaq Diosyá bendecisunki.

Génesis 14:22

Hinaptinmi Abram nirqa: Kay pacha hanaq pacha unanchaq Tukuy Atiyniyuq Tayta Diosrayku juraspaymi nirqani:

2~Reyes 19:15

Tayta Diospa qayllanpi kaynata mañakurqa: Querubinkunapa chawpinpi yachaq Israelpa Tukuy Atiyniyuq Diosnin, qamllam kanki kay pachapi llapallan nacionkunapi munaychakuq Diosqa. Qanmi ruwarqanki hanaq pachatapas hinaspa kay pachatapas.

1~Crónicas 29:13

Dios Taytallayku, chayraykum graciasta qospa suma-sumaq sutikita yupaychamuniku.

Jobwan Sutichasqa Libro 37:24

Chayraykum Diostaqa runakunapas respetanku, yachaysapa tukuq runakunataqa Diosqa manam kaqpaqpas hapinchu, nispa.

Isaías 5:21

¡Ay, imaynaraq kanqaku yachaysapa tukuqkuna chaynataq kikillankumanta yuyaysapa tukuqkuna!

Isaías 66:1

Tayta Diosmi kaynata nin: Hanaq pachaqa tiyanay tronoymi, kay pachañataqmi sarupakunay. ¿Maypitaq wasita ruwapuwankichikman? ¿Maypitaq samarinaypaq allichapuwankichikman?

Daniel 2:23

Ñawpaq taytakunapa Diosnin, qanmanmi graciasta qoyki, qamtataqmi yupaychayki; qanmi yachayta qowarqanki, qamtaqmi atiytapas qowarqanki. Kunanmi imam mañakusqaykuta reqsiykachiwankiku, kunanmi reypa mosqorusqanta yachaykachiwankiku.

Daniel 4:35

Paypa qayllanpiqa kay pachapi runakunaqa mana kaq hinallam kanku, hanaq pachapi tropakunawanpas munasqanman hinam ruwan, kay pachapi yachaqkunawanpas munasqanman hinam ruwan, manam pipas sayarinmanchu paypa atiyninpa contranpiqa, manam pipas tapupayanmanchu paypa imam ruwasqantaqa.

Mateo 16:17

Chaymi Jesús nirqa: Jonaspa churin Simón, mayna kusisqam kanki, kaytaqa manam runachu qawachisurqanki, aswanqa hanaq pachapi kaq Taytaymi.

Mateo 21:16

Hinaspam Jesusta nirqaku: ¿Uyarichkankichu kaykunapa nisqanta? nispanku. Jesusñataqmi nirqa: Arí, uyarichkanim. ¿Manachu Qellqapi leerqankichik: “Llapa warmakunawan ñuñuq wawakunam yupaychasunki” nisqanta? nispa.

Lucas 22:42

Taytáy, munaspaykiqa kay ñakariymantayá libraykuway, ichaqa amayá ñoqapa munasqaychu kachun, aswanqa qampa munasqaykiyá, nispa.

Lucas 23:34

Jesusñataqmi nirqa: Taytáy, pampachaykuyá, manam ya-chankuchu imam ruwasqankuta, nispa. Llapa soldadokunañataqmi Jesuspa pachanta rakinakunankupaq sortearqaku.

Juan 11:41

Tapasqanku rumita hurqoruptinkum Jesusqa hanaq pachata qawarispan nirqa: Taytáy, graciastam qoyki uyariykuwasqaykimanta.

Juan 12:27

Kunanmi almay hukmanyasqa kachkan. Chaynaqa, ¿imanisaqtaq? ¿Icha: “Taytáy, salvaykuway kay ñakariymanta” nispachu nisaq? Ñoqaqa kaynata ñakarinaypaqmi kunan hamurqani.

Juan 12:28

Chaynaqa, Taytáy, ¡sutikitayá hatunchayña! nispa. Chaymantam hanaq pachamanta huk qapariy uyarikamurqa: Ñam hatuncharuniña, chaywanpas huktawanraqmi hatunchasaq, niq.

Hechos 17:24

Chay Diosmi kay pachatapas chaynataq chaypi tukuy ima kaqkunatapas unancharqa, payqa kay pachapipas chaynataq hanaq pachapipas Diosmi, manam runakunapa ruwasqan templopichu yachan,

1~Corintios 2:10

Diosmi Espirituntakama tukuy chaykunata reqsichiwarqanchik, Espirituqa tukuy imatam yachan, reqsintaqmi Diospa sonqonpi pakasqa kaqkunatapas.

2~Corintios 3:14

Paykunaqa manam entiendeyta atirqakuchu, kunanpas ñawpaq pactota leeptinkum yuyayninkuqa velowan tapasqa hina kachkan mana entiendenankupaq, chay tapaqninkuqa manaraqmi hurqosqaraqchu, chaytaqa Cristollam hurqonqa.

1~Samuel 2:18

Samuelñataqmi linomanta efodwan pachasqa Diosta serviq. Payqa karqa warmallaraqmi.