Mateo 11:23 - CHUYA QELLQA La Biblia en Quechua de Ayacucho 2012

²³ Capernaúm llaqta, ¿hanaq pachakama hatarichisqa kaytachu piensachkanki? Aswanqa uku pachakamam wischusqa kanki. Sichum qam ukupi milagro ruwasqaykuna Sodoma llaqtapi ruwasqa kaptinqa, kunankamapas kachkanmanmi karqa.

Quechua Ayacucho Bible 1987

²³ Capernaum llaqta, ¿creenkichum hanaq pachaman hoqarisqa kayta? Uraykachisqam kanki uku pachakama. Sodoma llaqtapi kay milagrokuna rurasqayta ruraptiyqa chay llaqtam kunankama kanman karqa.

Chuya Qellqa 1992

²³ Capernaúm llaqta, ¿hanaq pachakama hatarichisqa kaytachu piensachkanki? Aswanqa uku pachakamam wischusqa kanki. Sichum qam ukupi milagro ruwasqaykuna Sodoma llaqtapi ruwasqa kaptinqa, kunankamapas kachkanmanmi karqa.

Mateo 11:23 Iomraidhean Croise

Génesis 13:13

Sodomapi runakunaqa llumpay mana allin runakunam karqaku, Tayta Diospa contranpim millakuypaq kaqkunata ruwaspa anchata huchallikuqku.

Lamentaciones 2:1

¡Tayta Diosmi, llumpay piñakuyninwan Sión llaqtata tutayarachin! Cielomanta pampaman chamqamuchkaq hinam, Israelpa kuyayllapaq kayninta tuñirachin. Piñakuyninpim chakinpa sarunan llaqtatapas mana yuyarirqachu.

Ezequiel 26:20

Chaynapim wañusqakunapa kananman wischuykusqayki, ñawpaq tiempopi runakunapa yachananmanmi wischuykusqayki. Allpapa sonqonmanraqmi qamtaqa wischuykusqayki, mana imapa kananman wischuykuptiymi wañusqakunawan kuska yachanki. Runaykikunapas manañam kanqachu, kay pachapiqa manañam pipas musoqmantaqa hatarichisunkiñachu.

Ezequiel 31:14

Manañam ima sachapas maynaña yakupa hawanpi kaspapas hatu-hatuntaqa wiñanqachu, maynaña parqosqa kaspapas manañam alto-altota wiñaspa puyukamaqa chayanqañachu. Llapallankum wañunankupaq sentenciasqa kachkanku, uku pachaman chayaspa wañuqkunawan huñunakunankupaq citasqam kachkanku, nispa.

Ezequiel 32:18

Runapa churin, Egipto nacionpa nana-nanaq runankunamanta kay aya takita takiy; paytaqa atiyniyuq nacionkunapa wawankunatawan kuskata, wañusqakunapa kasqanman uraykuqkunatawan kuskata, allpa pachapa ukunman wischuykuy.

Ezequiel 32:24

Chaypitaqmi kachkan Elam nacionpas llapallan soldadonkunapa sepulturanwan muyuriykachikuspa; paykunam guerrapi wañuruspanku Diosta mana reqsichkaspa uku pachaman uraykurqaku. Paykunam kawsayninkupi llapa runakunata manchachirqaku, kunanmi ichaqa wañuqkunapa kasqanpi penqakuypaq kachkanku.

Abdías 1:4

Ichaqa anka hinaña altoman hoqarikuruptikipas, chaskakunapa chawpinpiña qesachakuruptikipas, chaymantam wichichimusqayki, Tayta Diosmi chaynata nin.

Mateo 10:15

Cheqaptapunim nikichik, chay llaqtaqa juicio punchawpim Sodoma hinaspa Gomorra llaqtakunamantapas aswan castigasqa kanqa.

Mateo 16:18

Chaymi ñoqapas niki, qamqa Pedrom kanki, kay rumipa hawanpim iglesiayta hatarichisaq, paytaqa wañuypa atiyninpas manam vencenqachu.

Mateo 17:24

Capernaúm llaqtaman chaya-ruptinkum, templopaq impuesto cobraqkuna Pedroman asuykuspanku kaynata tapurqaku: ¿Yaqachu Yachachiqniki templopaq impuestota pagan? nispanku.

Mateo 4:13

Nazaret llaqtamanta lloqsispam Galilea qochapa patanpi kaq Capernaúm llaqtapi yacharqa, chay llaqtaqa kachkan Zabulón hinaspa Neftalí lawpim.

Mateo 8:5

Capernaúm llaqtaman Jesús chayaruptinmi soldadokunapa capitannin asuykuspan kaynata ruegakurqa:

Lucas 10:15

Capernaúm llaqta, ¿creenkichu hanaq pachakama hoqarisqa karuyta? Aswanqa uku pachakamam uraykachisqa kanki.

Lucas 14:11

Pipas hatunchakuqqa uchuy-chasqam kanqa, uchuychakuqñataqmi hatunchasqa kanqa.

Lucas 16:23

Chay apum, wañusqakunapa kasqanpi ñakarichkaspan karumanta qawarispan Abrahamta rikururqa, Lazarotañataq waqtanpi tiyachkaqta.

Lucas 4:23

Hinaptinmi Jesusñataq nirqa: Ichapas nisqankupi hina niwankichikmanpas: “Yaw médico, kikikiraq hampikuruy, Capernaúm llaqtapi ruwasqaykita hinayá kay llaqtaykipipas ruway”, nispaykichik.

Hechos 2:27

Cuerpoytapas amam sepulturapiqa saqerunkichu, kuyasqaykitaqa amam sepulturapi asnarinantaqa saqerunkichu.

Hechos 2:31

Chaynapim Davidqa qawachkanmanpas hina ñawpaqmantaraq Jesucristopa kawsarimunanmanta rimarqaña “Sepul-turapiqa manam saqesqachu kanqa, nitaqmi cuerponpas ismunqachu”, nispa.

Judas 1:7

Chay angelkuna hinam Sodoma Gomorra llaqtapi hinaspa vecinon llaqtakunapi kaqkunapas huchapakuypi purirqaku, paykunaqa qaripurañam uywanakurqaku. Paykunaqa wiñaypaq rawraq ninapi castigasqa kanankupaqmi churasqa kachkanku, chaykunawan ñoqanchikpas yuyayta hapinanchikpaq.

Apocalipsis 1:18

chaynataq Kawsaq kaqpas”. Wañusqam karqani, kunanmi ichaqa wiña-wiñaypaq kawsachkani. Amén. Ñoqam hatallini wañuypa chaynataq infiernopa llaventa.

Apocalipsis 11:8

Ayankupas hatun llaqtapa plazanpim chutarayanqa. Chay llaqtatam tupachinku Sodomawan hinaspa Egiptowan, chaypim Señorninchikpas chakatasqa karqa.

Apocalipsis 20:13

Lamar qochapas chaypi kaq wañusqakunatam qomurqa, qomurqataqmi wañuypas chaynataq Hadespas chaypi wañusqakunata, chaymi sapakama juzgasqa karqaku imam ruwasqankuman hina.

Apocalipsis 6:8

Hinaptinmi qawarispay qellu caballota rikururqani, sillakuqninpa sutinmi kasqa “Wañuy”, qepan qatiqñataqmi kasqa wañusqakunapa kasqanpi munaychakuq. Paymanmi atiyta qoykurqaku kay pachapi tawa kaq parten runakunata guerrawan, yarqaywan, onqoywan hinaspa kay pachapi purun animalkunawan wañuchinanpaq.