Mateo 10:41 - CHUYA QELLQA La Biblia en Quechua de Ayacucho 2012

⁴¹ Pipas profetata chaskiqqa, profetapa chaskinan premiotam chaskinqa; pipas allin ruwaq runata chaskiqñataqmi allin ruwaq runapa premionta chaskinqa.

Quechua Ayacucho Bible 1987

⁴¹ Sichum pipas Diosmanta willakuqta chaskiykunqa paymanta willakuq kasqanrayku hinaspaqa kikin Diosmantam chay willakuqpa chaskinan premionta chaskinqa. Sichum pipas allin runata chaskiykunqa allin runa kasqanrayku hinaspaqa kikin Diosmantam chay allin runapa chaskinan premionta chaskinqa.

Chuya Qellqa 1992

⁴¹ Pipas profetata chaskiqqa, profetapa chaskinan premiotam chaskinqa; pipas allin ruwaq runata chaskiqñataqmi allin ruwaq runapa premionta chaskinqa.

Mateo 10:41 Iomraidhean Croise

Génesis 20:7

Chaynaqa, kunanyá chay warmita qosanman kutichipuy, payqa profetaymi, mañapusunkim mana wañunaykipaq. Mana kutichipuspaykiqa llapallan runaykikunapiwanmi wañunki, nispa.

Isaías 3:10

Allin ruwaqkunatayá niychik: Allinmi kasunki, allinkuna ruwasqaykimantam mikunki, nispa.

Mateo 16:27

Runapa Churinqa Taytanpa atiyninwan huntarisqam angelninkunawan hamunqa, hinaspam sapakamaman imam ruwasqanman hina pagapunqa.

Mateo 25:44

Hinaptinmi paykunañataq ninqaku: “Señor, ¿haykapitaq yarqaymanta, yakunayasqata, runapa llaqtanpi, mana pachayuqta, onqosqata otaq carcelpi kachkaqta rikuspa mana yanapaykurqaykikuchu?” nispanku.

Mateo 25:45

Chaymi payñataq ninqa: “Cheqap-tapunim nikichik, sichum kaykuna-manta taksan kaqllapaqpas mana ruwaspaykichikqa ñoqapaqpas manam ruwarqankichikchu”, nispa.

Mateo 6:1

Amayá runa qawanallanpaqchu allin kaqkunataqa ruwaychik, chay-nata ruwaptikichikqa hanaq pacha-pi Taytaykichikpas manam ima pre-miotapas qosunkichikchu.

Mateo 6:18

chaynapi ayunasqaykita runakuna mana musyananpaq, chaynata ruwaptikiqa imam ruwasqaykita yachaq Taytaykim lliwpa yachasqanta pagoykita qosunki.

Mateo 6:4

Aswanqa mana pipapas yachasqallantayá ruway, chaynapim pakasqallapi ruwasqaykita rikuq Dios Taytayki premioykita lliwpa qayllanpi qosunki.

Mateo 6:6

Qamyá ichaqa, mañakunaykipaqqa cuartoykiman yaykuy hinaspa punkuta wichqaykuspa mana pipapas rikusqallanta Dios Taytaykita mañakuy, chaynapim pakasqallapi ruwasqaykita rikuq Taytayki premioykita qosunki.

Mateo 7:8

Pipas mañakuqqa chaskinmi, maskaqqa tarinmi, qayakuqtaqa kichaykamunqam.

Hechos 16:15

Chaymi wasinpi kaqkunapiwan kuska bautizakuruspanku, kaynata ruegawarqaku: Cheqaptapuni Señorman iñikusqayta yachaspaykichikqa wasiypiyá samakamuychik, nispa. Llumpayta ruegawaptinkum wasinpi samapakurqaniku.

Romanos 16:23

Wasinpi samapakusqay Gayopas chaynataq wasinpi huñunakuq iñiqmasinchikkunapas rimaykamusunkichikmi. Llaqtapa qollqen waqaychaq Erastopas hinaspa wawqenchik Cuartopas rimay-kamusunkichikmi.

1~Corintios 9:17

Chayraykum kikillaymanta ruwaptiyqa premioy kapuwanqa, sichum mana voluntadwan ruwaspayqa Diospa kamachisqallantam ruwachkani.

Hebreos 6:10

Diosqa allin ruwaqmi, paypaq llamkasqaykichiktaqa manam qonqanqachu, manataqmi qonqanqachu payta kuyaspa wawqe-panikunatapas yanapaspa kuyasqaykichiktapas, arí, chaynatam kunanpas servichkankichik.

2~Juan 1:8

Cuidakuychikyá tukuy llamkasqaykichikpa ruruynin ama yanqachasqa kananpaq, chaynapi llapan premioykichikta Señorninchikmanta chaskinaykichikpaq.