Mateo 10:26 - CHUYA QELLQA La Biblia en Quechua de Ayacucho 2012

²⁶ Chaynaqa, amayá runakunataqa manchakuychikchu. Manam imapas pakasqaqa kanmanchu aswanqa yachas-qam kanqa, mana yachasqa kaqkunapas yachasqam kanqa.

Quechua Ayacucho Bible 1987

²⁶ —Chaynaqa amayá manchakuychikchu runakunataqa. Imapas pakasqa kaqkunaqa qawachisqam kanqa chaynataqmi mana yachasqa kaqkunapas yachasqataq kanqa.

Chuya Qellqa 1992

²⁶ Chaynaqa, amayá runakunataqa manchakuychikchu. Manam imapas pakasqaqa kanmanchu aswanqa yachasqam kanqa, mana yachasqa kaqkunapas yachasqam kanqa.

Mateo 10:26 Iomraidhean Croise

Proverbios 10:9

Allin ruwaq runaqa hawkam kawsakun, mana allin ruwaq runam ichaqa mana allinpi tukunqa.

Proverbios 28:1

Mana allin runaqa mana pipa qatisqallanmi ayqen, allin ruwaq runam ichaqa león hina hawka kawsakunqa.

Proverbios 29:25

Runapa manchakuyninqa trampa hina wichichiqninmi, Diospi hapipakuq runam ichaqa hawka kawsakunqa.

Eclesiastés 12:14

Runaqa imataña ruwaspanpas, allin kaqta otaq mana allin kaqtaña ruwaspanpas, mana pipa rikusqantaña ruwaspanpas, Diospa juzgasqanmi kanqa.

Isaías 41:10

Amayá manchakuychikchu, qamkunawanmi kachkani, amayá hukmanyaychikchu, ñoqam Diosnikichik kani, kallpanchaspaymi yanapasqaykichik, atiyniyuq makiywanmi pusasqaykichik.

Isaías 41:14

Ñoqa Tayta Diosmi nini: Jacobpa mirayninmanta kaq Israel llaqta, mana kallpayuq taksalla kaspapas ama manchakuychu, ñoqam yanapasqayki, Israelpa ñoqa Chuya Diosninmi reclamaqniki kani.

Jeremías 1:8

Amam pitapas manchakunkichu, qanwanmi kachkani libranaypaq, ñoqa Tayta Diosmi chaynata niki, nispa.

Ezequiel 2:6

Runapa churin, paykunataqa chaynataq imam nisusqaykitapas amam manchakunkichu. Kichkapa intusqan hinaña kaspapas otaq atoq-atoq urukunapa chawpichasqanña kaspapas, amam ima rimasqankutapas manchakunkichu, amataqmi paykunapa qayllanpiqa hukmanyankichu. Paykunaqa mana kasukuq runakunam.

Mateo 10:28

Cuerpo wañuchiqkunataqa amayá manchakuychikchu, manam almataqa wañuchiyta atinmankuchu, manchakuychikqa almantinta, cuerpontinta infiernopi wiñaypaq chinkachiqtayá.

Marcos 4:22

Chaynaqa, imapas pakasqa kaqkunaqa yachasqam kanqa, imapas upallallapi rimasqakunaqa uyarisqam kanqa.

Lucas 24:47

chaynapi Jerusalenmanta qallaykuspa lliw nacionkunapi paypa sutinpi willakuptinku, runakuna huchankumanta wanakuspa pampachasqa ka-nankupaq.

Lucas 8:17

Pakasqa kaqkunaqa qawachisqam kanqa, upallallamanta rimasqakunapas yachasqam kanqa.

Hechos 1:8

Ichaqa Chuya Espíritu qamkunaman hamuptinmi atiyta chaskinkichik. Chaymi ñoqamanta willakunkichik Jerusalén llaqtapi, lliw Judea lawpi, Samaria lawpi hinaspa kay pachapa patankunakama.

Hechos 4:13

Pedrowan Juan mana manchakuspa rimaptinkum llapa kamachikuqkuna uyarispanku admirakurqaku, paykunaqa yacharqakum Pedrowan Juanqa mana estudioyuq kasqankuta, chayraqmi musyarurqaku paykunaqa Jesuspa puriqmasinkuna kasqankuta.

Hechos 4:19

Ichaqa Pedrowan Juanmi nirqaku: Kikikichikpuni tanteaspa niwayku: ¿Diospaq allinchu kanman payta mana kasukuspa qamkunataña kasukuyniyku?

1~Corintios 4:5

Chaynaqa, qamkunapas amayá manaraq tiemponpiqa juzgaychikchu, Señorninchik Jesucristo hamuspan tutayaypi pakasqa kaqkunata achkiyman hurqomunankama. Paymi qawachinqa runakunapa sonqonpa munasqankunata, chayraqmi sapakamata Dios hatunchanqa.

1~Pedro 3:14

Allin ruwasqaykichikmanta ñakarispaqa mayna kusisqam kankichik, amayá pitapas manchakuychikchu nitaq hukmanyaychikchu.