Mateo 10:23 - CHUYA QELLQA La Biblia en Quechua de Ayacucho 2012

²³ Sichum hukkaqnin llaqtapi qatikachasuptikichikqa huklaw llaqtaman ayqekuychik. Cheqaptapunim nikichik, runapa Churinqa hamunqa Israelpi llaqtan-llaqtan puriyta manaraq tukuchkaptikichikmi.

Quechua Ayacucho Bible 1987

²³ Huk llaqtapi cheqnisqa kaspaqa huklaw llaqtamanñayá ayqekuychik. Cheqaptapunim nikichik, *f**Diosmanta Hamuq Runaqa kutimusaq manaraqpas Israel llaqtakunapi puriyta tukuchkaptikichikmi.

Chuya Qellqa 1992

²³ Sichum hukkaqnin llaqtapi qatikachasuptikichikqa huklaw llaqtaman ayqekuychik. Cheqaptapunim nikichik, runapa Churinqa hamunqa Israelpi llaqtan-llaqtan puriyta manaraq tukuchkaptikichikmi.

Mateo 10:23 Iomraidhean Croise

Jeremías 26:21

Hinaptinmi rey Joacimñataq llapa tropankunapa capitanninkunawan hinaspa llapa kamachikuqkunawan kuska, Uriaspa nisqanta uyariruspanku wañurachiyta munarqaku. Ichaqa Uriasmi mancharikuspan Egipto nacionman lluptikurqa.

Mateo 16:27

Runapa Churinqa Taytanpa atiyninwan huntarisqam angelninkunawan hamunqa, hinaspam sapakamaman imam ruwasqanman hina pagapunqa.

Mateo 16:28

Cheqaptapunim nikichik, kaypi kaqkunamantaqa achkaqmi mana wañunqakuchu runapa Churinta munaychakunanpaq hamuqta rikunankukama.

Mateo 2:13

Yachayniyuqkunapa ripukusqanku qepallantam, Diospa angelninñataq Joseyman mosqoyninpi rikuriykuspan nirqa: Hatarispayki wawatawan mamanta Egiptoman ayqechiy hinaspa ñoqa ninaykama chaypi yachamuy. Herodesmi wañuchinanpaq wawata maskachkan, nispa.

Mateo 23:34

Chayraykum profetakunata, yachayniyuqkunata hinaspa yachachikuqkunata kachamusqaykichik; wakintam wañu-chinkichik, wakintam chakatankichik, wakintañataqmi sinagogakunapi azotenkichik hinaspam llaqtan-llaqtan qatikachankichik.

Mateo 23:36

Cheqaptapunim nikichik, chay llapallan castigoqa kunan tiempopi kawsaq miraykunamanmi chayamusunkichik.

Mateo 24:27

Imaynam llipya intipa qespimunan lawmanta lloqsispa intipa seqaykunan lawkama kancharin, chaynam runapa Churinpa hamunanpas kanqa.

Mateo 24:30

Hinaptinmi runapa Churinpa señalnin cielopi rikuriykamunqa, chaymi kay pachapi llapallan runakuna llumpayta mancharikuspa waqanqaku; hinaspam runapa Churinta puyupi tukuy atiyniywan hinaspa kanchariyniywan hamuchkaqta rikuykunqaku.

Mateo 24:34

Cheqaptapunim nikichik, tukuy kaykunaqa cumplikunqa manaraqpas kay miraykuna tukuchkaptinmi.

Mateo 24:48

Ichaqa, sichum mana yuyayniyuq sirviente kaspa: “Patronniyqa haykapiraqya kutimunqapas”, nispan

Mateo 25:13

Chaynaqa, rikchan-rikchanllayá kaychik, manam yachankichikchu ima punchawmi otaq imay horatam runapa Churin hamunantapas, nispa.

Mateo 26:64

Jesusñataqmi nirqa: Arí, qanmi nirunki. Ñoqapas nikichiktaqmi, kunanmantam runapa Churinta rikunkichik Tukuy Atiyniyuq Diospa alleqninpi tiyachkaqta hinaspa puyupi hamuchkaqta, nispa.

Mateo 4:12

Jesusmi, Juanpa carcelpi kasqanta yacharuspan Galilea lawman pasakurqa.

Marcos 13:26

Chaymi runapa Churinta puyupi tukuy atiyniywan hinaspa kanchariyniywan hamuchkaqta llapallan runakuna rikunqaku.

Lucas 18:8

Cheqaptapunim nikichik, payqa chayllam nanaykachikunqa. Ichaqa runapa Churin hamuspan, ¿yaqachu iñiyta kay pachapi tarinqaraq? nispa.

Lucas 21:27

Chaymantam runapa Churinta hatun atiyninwan hinaspa kanchariyninwan puyupi hamuchkaqta rikuykunqaku.

Juan 7:1

Chaykunapa qepantam Jesús purirqa tukuy Galilea lawkunapi. Judea lawkunapim ichaqa mana purirqachu, llapa judiokuna wañurachiyta munasqankurayku.

Hechos 17:10

Iñiqkunañataqmi, chay tutalla Pablotawan Silasta Berea llaqtaman ayqechirqaku. Berea llaqtaman chayaruspankum judiokunapa sinagoganman yaykurqaku.

Hechos 17:14

Hinaptinmi llapa iñiqkuna Pablota lamar qochapa patanman ayqechirqaku, Silaswan Timoteom ichaqa hina Berea llaqtallapi qeparurqaku.

Hechos 20:1

Chay chaqwa tukuruptinmi, iñiqkunata Pablo huñuruspan allinta kallpancharqa, hinaspam despedikuspan Macedonia lawman lloqsirqa.

Hechos 8:1

Saulom allinpaq hapirqa Esteban wañuchisqankuta. Hina chay pun-chawllapim Jerusalenpi iñiqkunata ñakarichinankupaq qatikachayta qallay-kurqaku. Chaymi llapa iñiqkuna Judea lawman hinaspa Samaria lawman che-qerurqaku, apostolkunallañam qeparurqaku.