Mateo 10:16 - CHUYA QELLQA La Biblia en Quechua de Ayacucho 2012

¹⁶ Atoqkunapa kasqanman ovejakunata kachachkaq hinam kachachkaykichik, qamkunaqa maqta uru hina sakriyá kaychik, ichaqa paloma hina manso.

Quechua Ayacucho Bible 1987

¹⁶ Atoqkunapa kasqanman ovejakunata kachachkaq hinam qamkunata kachachkaykichik, chaynaqa culebra hina sacreyá kaychik ichaqa paloma hina mana imanakuq.

Chuya Qellqa 1992

¹⁶ Atoqkunapa kasqanman ovejakunata kachachkaq hinam kachachkaykichik, qamkunaqa maqta uru hina sakriyá kaychik, ichaqa paloma hina manso.

Mateo 10:16 Iomraidhean Croise

Génesis 3:1

Tayta Diospa unanchasqan llapallan purun animalkunamantam maqta uruqa llumpay sakri karqa. Warmitam chay maqta uru nirqa: Chaynaqa, ¿Dioschu nisurqankichik huertapi llapa sachakunapa ruruntaqa amam mikunkichikchu, nispa?

Génesis 3:13

Hinaptinmi warmita Tayta Dios tapurqa: ¿Imatataq kayta ruwarunki? nispa. Chaymi warmiñataq nirqa: Maqta uru engañaruwaptinmi mikururqani, nispa.

Nehemías 4:13

Chaymi murallapa qepanpi, tuñisqa lawkunapi hinaspa manaraq perqa ancha hatarichisqa lawkunapi runakunata ayllun-ayllun churarqani espadantintakama, lanzantintakama hinaspa flechantintakama.

Jeremías 40:16

Ichaqa Careapa churin Johanantam Ahicampa churin Gedalías nirqa: Amayá chaytaqa ruwaychu. Ismaelmanta willawasqaykiqa llullam, nispa.

Oseas 7:11

Efrainqa mana yuyayniyuq uma muyu paloma hinam rikurirun, paykunaqa Egiptopa yanapakuynintam maskanku, qaparkachaspam Asiriapa yanapakuyninta maskanku.

Mateo 24:25

Qamkunataqa ñawpaqmantaraqmi nirqaykichikña.

Mateo 24:45

¿Pitaq allin yuyayniyuq hinaspa allin yachayniyuq sirvienteqa? ¿Paytaqa manachum patronninpas wasinpi churaykun, wasinpi kaqkunaman imam horapi mikuchinanpaq?

Mateo 25:2

Pichqam karqaku allin yachayniyuq sipaskuna, pichqañataqmi mana yachayniyuqkuna.

Mateo 25:4

Allin yachayniyuq kaqkunañataqmi mecheronkutawan kuskata aceiteta aysakuchankupi aparqaku.

Mateo 25:9

Chaymi yachayniyuq sipaskunañataq nirqaku: “Qamkunaman qoykuptiykuqa yanqañataq llapanchikpaq pisirunman, chaynaqa rantikuqkunamanyá riychik rantimunaykichikpaq”, nispanku.

Lucas 10:3

Chaynaqa, riychikyá. Qamkunataqa imaynam ovejakunata hinam atoqkunapa chawpinman kachachkaykichik.

Lucas 21:15

Ñoqam qos-qaykichik yachaywan rimaytaqa, chay-napim mayqan enemigoykichikpas mana kutipakuyta atisunkichikchu.

Hechos 20:29

Yachanim, ñoqa pasakuptiyqa pantachikuqkuna hamunanta, paykunam yarqasqa atoqkuna hina, iñiqkunata chinkarachiyta munanqaku.

1~Corintios 14:20

Wawqekuna, amayá wawakuna hinaqa piensaychikchu, wawakuna hinaqa kaychik mana allinkunapaqyá, aswanqa yuyayniyuq runakuna hinañayá piensaychik.

2~Corintios 1:12

Kaywanmi kusisqa kachkaniku, ñoqaykuqa kay pachapipas chaynataq qayllaykichikpipas allintam kawsarqaniku. Diosmi yanapawarqaku mana engañakuspa payllapaqña kawsanaykupaq, chaynataqa kawsarqaniku manam yachayniyuq kasqaykuraykuchu.

2~Corintios 11:14

Kayqa manam admirakunapaqchu, Satanaspas kancharichkaq angelmanmi tikrakun.

2~Corintios 11:3

Ichaqa engañasqa kanaykichikmantam manchakuchkani, maqta urum sakrillaña kasqanrayku Evata engañarurqa, chaynam qamkunapas Cristoman chuya sonqo kasqaykichikmanta pantachisqa kawaqchik.

2~Corintios 8:20

Manam munanikuchu kay achka ofrenda huñusqaykumanta yanqakuna rimawanankuta.

Filipenses 2:15

chaynapim mana culpayuq hinaspa mana huchayuq kaspaykichik Diospa churin chuya sonqo kankichik millakuypaq huchallikuq runakunapa chawpinpi. Qamkunaqa tutapi kanchaq chaska hinam sutilla lliwpa reqsisqan kachkankichik.

Colosenses 1:9

Chaymi yachaykusqayku punchaw-mantapacha ñoqaykupas Dios Tay-tanchikta mana pisipaspa mañapuch-kaykiku, chaynapi imam paypa munas-qanta entiendenaykichikpaq, yachay-niyuq kanaykichikpaq hinaspa Espi-ritumanta kaqkunata lliw reqsinaykichikpaq.

Colosenses 4:5

Mana iñiq runakunapa qayllanpipas yachaywanyá kawsaychik, tiempoykichiktapas ama usuchispa.

1~Tesalonicenses 2:10

Qamkunapas chaynataq Diospas yachanmi, iñiqkunapa qayllanpiqa allin kaqkunata ruwaspa, Diosllapaqña pipapas mana ima nisqan kawsas-qaykuta.

1~Tesalonicenses 5:22

tukuy mana allin kaqkunamantayá raki-kuychik.