Mateo 10:1 - CHUYA QELLQA La Biblia en Quechua de Ayacucho 2012

¹ Chaymantam Jesusqa chunka iskayniyuq discipulonkunata qayaspan, mana allin espiritukunata qarqonankupaq hinaspa tukuy rikchaq onqoyniyuqkunata-wan nanayniyuqkunata sanoyachinan-kupaq atiyta qorqa.

Quechua Ayacucho Bible 1987

¹ Chaymantam Jesus qayarqa chunka iskaynintin discipulonkunata hinaspam atiyta qorqa demoniokunata qarqonankupaq chaynataq imaymana rikchaq onqoyniyoqkunatapas hinaspa nanayniyoqkunatapas allinyachinankupaq.

Chuya Qellqa 1992

¹ Chaymantam Jesusqa chunka iskayniyuq discipulonkunata qayaspan, mana allin espiritukunata qarqonankupaq hinaspa tukuy rikchaq onqoyniyuqkunatawan nanayniyuqkunata sanoyachinankupaq atiyta qorqa.

Mateo 10:1 Iomraidhean Croise

Mateo 19:28

Chaymi Jesusñataq nirqa: Cheqaptapunim nikichik, tukuy ima-pas musoqyachisqa kanan tiempo chayaramuptinmi kancharichkaq tro-nonpi runapa Churin tiyaykunqa, hinaptinmi qamkunapas chunka iskay-niyuq tronokunapi tiyaykuspa Israel ayllukunata juzgankichik.

Mateo 26:20

Tutaykaramuptinmi mesaman Jesús tiyaykurqa chunka iskayniyuq discipulonkunapiwan.

Mateo 26:47

Chaynata Jesús rimachkaptinraqmi Judas chayaramurqa, payqa discipulonkunapa hukninmi karqa. Paywanmi achkallaña runakuna hamurqa espadayuq hinaspa kaspi aptarisqa. Chay runakunaqa karqa sacerdotekunapa, judiokunapa chaynataq kamachiqkunapa kachamusqanmi.

Mateo 4:23

Jesusmi lliw Galilea llaqtapi pu-rirqa, Diospa munay chakuyninmanta allin noticiata sinagogakunapi willa-kustin, tukuy rikchaq onqoyniyuqkunata hinaspa nanayniyuqkunata sanoyachistin.

Mateo 6:13

Amayá tentacionmanqa kachaykuwaykuchu, aswanqa mana allinmanta libraykuwayku. [Qampam munaychakuypas, atiypas, hatun kaypas wiña-wiñaypaq. Amén].

Mateo 9:35

Jesusmi llapallan llaqtakunapi hinaspa taksa llaqtakunapipas purirqa, Diospa munaychakuyninmanta sinagogakunapi willakustin, tukuy rikchaq onqoyniyuqkunata hinaspa nanayniyuqkunata sanoyachistin.

Mateo 9:38

Chaynaqa, cosechapa dueñontayá mañakuychik llamkaqkunata kachamunanpaq, nispa.

Lucas 10:19

Atiytam qoykichik maqta urukunata hinaspa atoq-atoqkunata sarunaykichikpaq chaynataq supaypa atiyninta vencenaykichikpaqpas, manam imapas imanasunkichikchu.

Lucas 21:15

Ñoqam qos-qaykichik yachaywan rimaytaqa, chay-napim mayqan enemigoykichikpas mana kutipakuyta atisunkichikchu.

Lucas 24:49

Qamkunamanmi Taytaypa prometesusqaykichikta kachamusaq, chaykamayá kay Jerusalén llaqtallapi suyaykuychik, hanaq pachamanta hamuq atiywan pachallisqa kanaykichikkama, nispa.

Lucas 6:13

Achikyaramuptinmi discipulonkunata qayaykuspan paykunamanta chunka iskayniyuqta akllarqa. Paykunatam apostolwan suticharqa.

Juan 17:2

Qanmi atiyta qowarqanki llapallan runapi munaychakunaypaq, chaynapi qowasqayki llapallan runakunaman wiñay kawsayta qonaypaq.

Juan 3:27

Juanñataqmi nirqa: Runaqa manam imatapas chaskinmanchu, sichum hanaq pachapi kaq Dios mana qoptinqa.

Juan 3:35

Taytaqa Churinta kuyaspanmi tukuy imatapas makinman churaykun.

Juan 6:70

Chaymi Jesusñataq nirqa: ¿Manachum ñoqaqa chunka iskayniyuqta akllarqaykichik? Ichaqa huknikichikmi diablo, nispa.

Hechos 1:8

Ichaqa Chuya Espíritu qamkunaman hamuptinmi atiyta chaskinkichik. Chaymi ñoqamanta willakunkichik Jerusalén llaqtapi, lliw Judea lawpi, Samaria lawpi hinaspa kay pachapa patankunakama.

Hechos 19:15

Chay mana allin espirituñataqmi paykunata nirqa: Jesustaqa reqsinim, yachanitaqmi pim Pablo kasqantapas, ¿qamkunaqa pitaq kankichik? nispa.

Apocalipsis 12:1

Hanaq pachapim hatun señalta rikururqani: Warmim intiwan pachasqa kachkasqa, hinaspam killata saruchkasqa, umanpiñataqmi chunka iskayniyuq chaskakunamanta coronan kachkasqa.