Mateo 1:22 - CHUYA QELLQA La Biblia en Quechua de Ayacucho 2012

²² Tukuy kaykunam pasakurqa profetantakama Diospa kayna nisqan cumplikunanpaq:

Quechua Ayacucho Bible 1987

²² Tukuy kaykunam pasakurqa Diosmanta willakuqpa kayna nisqan cumplikunanpaq:

Chuya Qellqa 1992

²² Tukuy kaykunam pasakurqa profetantakama Diospa kayna nisqan cumplikunanpaq:

Mateo 1:22 Iomraidhean Croise

1~Reyes 8:15

Israelpa yupaychasqan Tayta Diosyá qapaqchasqa kachun, payqa taytay Davidman prometekuspan kayna nisqantam cumplirun.

1~Reyes 8:24

Serviqniki taytay Davidman prometesqaykitam cumplirunki, kunan punchawmi imam nisqaykita ruwaspayki cumplirunki.

Esdras 1:1

Profeta Jeremiasnintakama Tayta Diospa nisqan cumplikunanpaqmi, Persia nacionpi rey Ciropa munaychakusqan punta kaq watapi, rey Ciropa sonqonman kay munakuyta Tayta Dios churarqa, lliw munaychakuyninpi runakunaman kay decretota simiwan hinaspa cartakunawan kaynata nimunankupaq:

Mateo 12:17

Chaynataqa kamachirqa profeta Isaiaspa kayna nisqan cumplikunanpaqmi:

Mateo 13:21

ichaqa mana sumaqta sapichakusqanraykum mana unaytachu kawsarqa. Paykunam Diospa palabranrayku cheqnisqa qatikachasqa kaspanku chaylla wichirunku.

Mateo 13:35

Chaynapi profetapa kayna nisqan cumplikunanpaq: Rikchanachiykunawanmi rimarisaq, kay pachata Dios unanchasqanmantapuni pakasqa kaqkunatam rimasaq, nispa.

Mateo 2:15

Chaypim yachamurqaku Herodes wañunankama. Kaykunam pasakurqa profetantakama Diospa kayna nisqan cumplikunanpaq. Paymi nirqa: “Churiytam Egipto nacionpi kachkaptin qayamurqani”, nispa.

Mateo 2:23

Chayman chayaruspanmi Nazaret llaqtapi yacharqa. Chaynapi profetakunapa “Nazaret llaqtayuqwanmi sutichanqaku” nisqanku cumplikunanpaq.

Mateo 5:17

Qamkunaqa amayá piensaychikchu leyta otaq profetakunapa nisqanta chinkachiq hamusqaytaqa; ñoqaqa manam chinkachiqchu hamurqani aswanqa cumplinaypaqmi.

Mateo 8:17

Chaykunam pasakurqa profeta Isaiaspa kayna nisqan cumplikunanpaq. Kaynatam nirqa: “Paymi onqoyninchikkunata qepikuykurqa hinaspam nanayninchikkunata aparqa”, nispan.

Lucas 21:22

Chay punchawkunaqa Qellqapa nisqankuna cumplikunanpaqmi Diospa castiganan punchawkuna kanqa.

Lucas 24:44

Chaymantam paykunata nirqa: Kaykuna pasakunanmantaqa qam-kunawan kachkaspayraqmi willar-qaykichikña: Moisespa qellqasqan kamachikuykunapi, profetakunapa qellqasqanpi hinaspa Salmokunapi ñoqamanta qellqasqa kaqkunaqa cumplikunanpunim, nispay.

Juan 10:35

Manam negachwanchu Qellqapa nisqantaqa. Diosqa suticharqa dioskunawanqa willakusqankuna chaskiqkunatam.

Juan 15:25

Kaykunaqa pasakuchkan leypa “yanqamantam cheqniwarqaku” nisqan cumplikunanpaqmi.

Juan 17:12

Paykunawan kay pachapiraq kaspayqa atiyniyuq sutikipim nanachikurqani, qowasqaykikunataqa allintam waqaycharqani, manam mayqanllanpas chinkarqachu, ichaqa chinkananpaq kaq runallam, chaynapi Qellqapa nisqan cumplikunanpaq.

Juan 18:9

Chaynapim cumplikurqa Jesuspa ñawpaq rimarisqan, paymi nirqa: “Taytapa qowasqankunataqa waqaycharqanim, manam mayqanninpas chinkarqachu” nispa.

Hechos 3:18

Chaynapim ñawpaqmantaraq llapallan profetankunapa imaynam Cristopa ñakarinanmanta nisqankuta Dios cumplichirqa.

Romanos 1:2

Chaytam profetankunatakama ñawpaqmantaraq Dios prometekurqa Chuya Qellqapi.

Apocalipsis 17:17

Diosmi churarqa paykunapa sonqonkuman kikillankupa munasqanta ruwanankupaq. Reykunam huklla kaspanku munaychakuyninkuta animalman qoykurqaku, chaynataqa ruwarqaku Diospa nisqan cumplikunanpaqmi.