Mateo 1:20 - CHUYA QELLQA La Biblia en Quechua de Ayacucho 2012

²⁰ Chaynata tanteachkaptinmi Diospa angelnin mosqoyninpi rikuriykuspan kaynata nirqa: Davidpa miraynin José, Mariawan casarakuytaqa ama manchakuychu, payqa Chuya Espiritupa atiyninwanmi wiksayakurun.

Quechua Ayacucho Bible 1987

²⁰ Chaynata piensachkaptinmi mosqoyninpi rikuriykurqa Señorpa angelnin hinaspam nirqa: —Davidpa miraynin Josey, ama manchakuychu Mariawan casarakuyta, payqa wiksayakurun Chuya Espiritupa atiyninwanmi.

Chuya Qellqa 1992

²⁰ Chaynata tanteachkaptinmi mosqoyninpi Diospa angelnin rikuriykuspan kaynata nirqa: Davidpa miraynin José, Mariawan casarakuytaqa ama manchakuychu, payqa Chuya Espiritupa atiyninwanmi wiksayakurun.

Mateo 1:20 Iomraidhean Croise

Génesis 31:11

Chaymi mosqoyniypi Diospa angelnin sutiymanta qayawaptin nirqani: ¿Imata, taytáy? nispa.

Génesis 46:3

Chaymi Dios nirqa: Ñoqam kani Dios, taytaykipa Diosnin. Ama manchakuychu Egipto nacionman riytaqa, chaypim hatun nacionta qanmanta hatarichisaq.

1~Reyes 17:13

Eliasñataqmi nirqa: Ama manchakuychu, rispaykiyá nisqaykiman hina ruwaramuy, ichaqa ñoqapaqraqmi puntataqa tortillata ruwamunki, chayta aparamuwaspaykiñam qampaqwan wawaykipaqpas ruwamunki.

1~Reyes 3:5

Gabaón llaqtapim musqoyninpi Salomonman Tayta Dios rikuriykuspan nirqa: Imam munasqaykita mañakuway, qosqaykim, nispa.

Proverbios 12:5

Allin ruwaq runakunaqa allin kawsakuypim yuyaymananku; millay runakunam ichaqa engañayllapi yuyaymananku.

Isaías 26:3

Dios Taytalláy, qamllapi tukuy sonqonwan hapipakuspa mana iskayrayaq runatam qamqa hawkallata waqaychanki.

Isaías 30:21

Hinaspapas rinrikichikwanmi uyarinki qepaykimanta kayna rimapayakuyta: Kaymi allin ñan, chayninta puriychik, amayá alleqmanpas nitaq ichoqmanpas muyuychikchu, niqta.

Isaías 51:7

Allin ruwayta yachaqkuna, yachachikuyniyta sonqoykichikpi hatalliqkuna uyariwaychik: Runakuna kamisuptikichikpas ama hukmanyaychikchu, usuchisuptikichikpas ama llakikuychikchu.

Isaías 7:13

Chaymi Isaías nirqa: Rey Davidpa castankuna, kayta uyariychik: ¿Yanqallapaqchu rikchakapusunkichik runakunata piñachiynikichik? ¿Chaychum Diosniytapas piñachiyta munankichik?

Isaías 7:2

Chaytam rey Acazman chaynataq ayllunkunaman kaynata willaykurqaku: Siria llaqtawan Efraín llaqtam contraykipi hukllaña kachkanku, nispanku. Hinaptinmi rey Acazqa runankunapiwan, sinchi wayrapa kuyuchisqan sachakuna hinaraq katkatatarqaku.

Jeremías 31:22

¿Haykapikamataq mana kasukuq sipas hina kayman chayman purikuqlla kanki? Ñoqa Tayta Diosmi kay pachapi mana haykapipas rikusqaykichikta ruwaruni: Warmim qarita muyupayanqa.

Jeremías 33:26

Chaynaqa, Jacobpa mirayninku-natawan serviqniy Davidpa mirayninkunataqa manam haykapipas qepanchakusaqchu. Paykunamantam hatarichisaq Abrahampa, Isaacpa hinaspa Jacobpa mirayninkunapi munaychakuqta. Huklaw nacionkunaman preso apasqakunatapas, llakipayarispaymi kutichimusaq, nispa.

Jeremías 40:9

Chaymi Gedalías juraspan kaynata nirqa: Caldea runakuna serviytaqa ama manchakuychikchu. Kay allpapi yachaspa Babilonia nacionpa reyninta servispaqa allinmi kankichik.

Joel 2:28

Chaykunapa qepantam llapa runakunaman Espirituyta chaqchurimusaq; churikichikkunam qaripas warmipas profetizanqaku, yuyaqkunam mosqonqaku, jovenkunawan sipaskunapas visionkunatam rikunqaku.

Números 12:6

paykunata nirqa: Kay nisqayta uyariychik: Qamkuna ukupi profeta kaptinqa ñoqam payman visionpi rikurisaq, hinaspam mosqoyninpi rimapayasaq.

Mateo 1:18

Kaykunam Jesuspa nacesqanmanta willakuy: Jesuspa maman Mariam rimapayasqaña karqa Joseywan casarakunanpaq, ichaqa manaraq kuskanchakuchkaptinkum Chuya Espiritupa atiyninwan wiksayuq rikurirurqa.

Mateo 2:12

Ichaqa Diosmi paykunata mosqoyninkupi kamachirqa rey Herodesman amaña kutinankupaq, chaymi huklaw ñannintaña llaqtankuman kutikurqaku.

Mateo 2:13

Yachayniyuqkunapa ripukusqanku qepallantam, Diospa angelninñataq Joseyman mosqoyninpi rikuriykuspan nirqa: Hatarispayki wawatawan mamanta Egiptoman ayqechiy hinaspa ñoqa ninaykama chaypi yachamuy. Herodesmi wañuchinanpaq wawata maskachkan, nispa.

Mateo 2:19

Herodes wañuruptinmi Egipto nacionpi José kachkaptin Diospa angelnin mosqoyninpi rikuriykuspan nirqa:

Mateo 2:22

Ichaqa Herodespa rantinpi churin Arquelaoña Judea nacionpi munaychakusqanta yacharuspanmi, chayman riyta manchakururqa. Hinaspam Dios musqoyninpi kamachiptin Galilea lawmanña pasakurqa.

Mateo 27:19

Tribunalpi Pilato tiyachkaptinmi warmin kaynata willachimurqa: Ama imanaychu chay allin ruwaq runataqa. Payraykum chisi tuta manchapallataña mosqokuruni, nispa.

Mateo 28:5

Chay angelmi warmikunata nirqa: Ama manchakuychikchu, qamkunaqa chakatarusqanku Jesustam maskach-kankichik.

Lucas 1:19

Chaymi angelñataq nirqa: Ñoqaqa Diospa qayllanpi servikuq Gabrielmi kani, paymi kachamuwarqa kay allin noticiata qanman willanaypaq.

Lucas 2:4

Chaymi Davidpa mirayninmanta kaq Joseypas rirqa Galilea lawpi Nazaret llaqtamanta Judea lawpi Belén llaqtaman. Chay llaqtatam “Davidpa Llaqtan” nispa suticharqaku.

Hechos 5:19

Ichaqa chay tutam Señorpa angelnin hamuspan punkuta kicharurqa. Paykunata hurqoruspanmi nirqa:

Apocalipsis 19:7

Llumpayta kusikusunchik, kusikuywanyá hatunchasunchik, Corderopa casarakunan punchawmi chayaramunña, novianpas listollañam kachkan.

Jueces 13:3

Chay warmimanmi Tayta Diospa angelnin rikuriykuspan nirqa: Qamqa mana wachakuq kachkaspapas wiksayakuspaykim qari wawata wachakunki.