Mateo 1:12 - CHUYA QELLQA La Biblia en Quechua de Ayacucho 2012

¹² Babiloniaman preso apasqa kas-qankupa qepantam Jeconías churyakurqa Salatielta. Salatielpa churinmi karqa Zorobabel,

Quechua Ayacucho Bible 1987

¹² Chay tiempomantañataqmi Jeconias karqa Salatielpa taytan, Salatielñataq Zorobabelpa taytan.

Chuya Qellqa 1992

¹² Babiloniaman preso apasqa kasqankupa qepantam Jeconías churyakurqa Salatielta. Salatielpa churinmi karqa Zorobabel,

Mateo 1:12 Iomraidhean Croise

2~Reyes 24:14

Chaymantam Jerusalén llaqtapi yachaqkunata, capitankunata, soldadokunata, tukuy oficio yachaq runakunata chaynataq herrerokunatapas presocharuspan aparurqa. Apasqankunaqa chunka waranqa runakunam karqaku. Wakchakunallatañam saqerurqaku.

2~Reyes 25:27

Judá nacionpa reynin Joaquín, Babilonia nacionpi kimsa chunka qanchisniyuq wataña preso kachkaptinmi, chay watapa chunka iskayniyuq killanpa iskay chunka qanchisniyuq punchawninpi, Babiloniapa reynin Evil-merodac, punta kaq wata munaychakuyninpi, rey Joaquinta carcelmanta hurqorurqa.

1~Crónicas 3:17

Preso apasqanku Jeconiaspa churinkunam karqa: Salatiel, Asir,

Esdras 3:2

Chaymi Josadacpa churin Josueywan, paypa sacerdotemasinkuna hinaspa Salatielpa churin Zorobabelwan waw-qenkuna, Tayta Diospa altarninta hata-richirqaku, chaynapi Diospa serviqnin Moisespa kamachisqanman hina lliw kañana sacrificiokunata ofrecenankupaq.

Esdras 5:2

Chaymi Salatielpa churin Zorobabelwan Josadacpa churin Josué, kaqllamanta Jerusalenpi Tayta Diospa templon ruwayta qallaykurqaku, paykunatam llapa profetakunapas yanaparqaku.

Nehemías 12:1

Salatielpa churin Zorobabelwan hinaspa Josueywan kutimuq sacerdotekunawan levitakunam kaykuna karqaku. Sacerdotekunamantam karqaku Seraías, Jeremías, Esdras,

Jeremías 22:24

Judá nacionpa reynin Joacimpa churin Jeconiastam Tayta Dios kaynata nin: Alleq makiypi anillo hinaña kaptikipas chaymanta hurqoruspaymi wikaparuykiman

Jeremías 22:28

Jeconiasqa ¿manaña pipapas munanan pakisqa aysaku hinachu rikurirun? ¿Mana imapaq valeq kallana hinachu rikurirun? ¿Imanasqataq paytapas chaynataq churinkunatapas mana reqsisqanku nacionman qarqorunku?

Jeremías 22:30

Tayta Diosmi kaynata nin: Kay runamanta libropi qellqaychik, qolluq runamanta hina qellqaychik, kawsayninpi mana imapas allin ruwaq kasqanmanta qellqaychik. Judá nacionpiqa, Jeconiaspa mirayninmantaqa manañam rey Davidpa trononpiqa munaychakuqqa kanqañachu, nispa.

Jeremías 27:20

tukuy chaykunataqa manam Babilonia nacionpa reynin Nabucodonosorqa aparqachu, Joacimpa churin rey Jeconiastawan Judá nacionpi chaynataq Jerusalén llaqtapi llapallan kamachikuqkunata Babiloniaman presota apaspanqa.

Hageo 1:1

Rey Darío iskay wataña munaychakuchkaptinmi soqta kaq killapa punta kaq punchawninpi, profeta Hageontakama Tayta Dios rimapayarqa, Judapa kamachiqnin, Salatielpa churin Zorobabelta, chaynallataq Josadacpa churin sumo sacerdote Josueytapas.

Hageo 1:12

Hinaptinmi profeta Hageoman Tayta Diospa nisqanta imam kaqta uyariykuspanku, Salatielpa churin Zorobabelwan, Josadacpa churin sumo sacerdote Josué, chaynallataq puchuq runakunapas, Tayta Diosta kasukurqaku.

Hageo 1:14

Chaynatam Tayta Dios kallpancharqa, Judapi kamachikuq Salatielpa churin Zorobabeltawan Josadacpa churin sumo sacerdote Josueyta, kallpancharqataqmi puchuq runakunatapas. Hinaptinmi paykuna qallaykurqaku Tukuy Atiyniyuq Tayta Diosninkupa templon ruwayta.

Hageo 2:2

Judapi kamachikuq Salatielpa churin Zorobabeltawan Josadacpa churin sumo sacerdote Josueyta, chaynallataq puchuq runakunatapas kaynata nimuy:

Hageo 2:23

Tukuy Atiyniyuq Tayta Diosmi kaynata nin: Salatielpa churin serviqniy Zorobabel, chay punchawpim qamta akllasqayrayku sellona anillota hina ruwasqayki, nispa. Tukuy Atiyniyuq Tayta Diosmi chaynata nin.

Mateo 1:11

Israelpa mirayninkuna Babiloniaman preso apasqa kasqanku tiempopim Josías churyakurqa Jeconiastawan wawqenkunata.

Mateo 1:13

Zorobabelpañataqmi Abiud, Abiudpañataqmi Eliaquim, Eliaquimpañataqmi Azor,

Mateo 1:17

Abrahammanta Davidkamam chunka tawayuq miraykuna karqa, Davidmanta Israelpa mirayninkuna Babiloniaman preso apasqa kasqanku tiempokamapas chunka tawayuq miraykunam karqa, Babiloniaman preso apasqa kasqanku tiempomanta Cristokamapas chunka tawayuqtaqmi karqa.

Lucas 3:27

Juda-ñataqmi Joanapa, Joanañataqmi Resapa, Resañataqmi Zorobabelpa, Zorobabelñataqmi Salatielpa, Sala-tielñataqmi Neripa,