Marcos 9:44 - CHUYA QELLQA La Biblia en Quechua de Ayacucho 2012

⁴⁴ [Chaypiqa manam urunkupas wañunchu nitaq ninapas wañunchu].

Quechua Ayacucho Bible 1987

⁴⁴ Chaypiqa manamá aycha urupas nitaq ninapas wañunchu.]

Chuya Qellqa 1992

⁴⁴ [Chaypiqa manam urunkupas wañunchu nitaq ninapas taninchu].

Marcos 9:44 Iomraidhean Croise

Isaías 33:14

Sión llaqtapi huchasapakunam paqway mancharisqa kachkanku, Diosta mana yupaychaqkunam pasaypaqta katkatataspa ninku: ¿Mayqanninchiktaq rupakuq nina ukupi yachachwan? ¿Mayqanninchiktaq wiña-wiñaypaq rupakuq nina ukupi yachachwan? nispanku.

Isaías 66:24

Lloqsimuspankum contraypi hoqarikuq runakunapa ayankunata qawanqaku. Aychankuta mikuq urukunapas manam wañunqachu, cuerponkuta rupaq ninapas manam tukunqachu. Chaykunaqa llapallan runakunapa millakusqanmi kanqa, nispa. Ñoqa Tayta Diosmi chaynata nini.

Mateo 25:41

Ichoqninpi kaqkunatañataqmi ninqa: “Llapa ñakasqakuna ñoqamanta anchuychik, diablopaqwan angelninkunapaq alistasqa wiña-wiñaypaq rawrachkaq ninaman.

Mateo 25:46

Paykunam wiña-wiñaypaq castigoman rinqaku, allin ruwaqkunañataqmi wiña-wiñay kawsakuyman rinqaku, nispan.

Mateo 3:12

Payqa makinpim hurkitanta apamuchkan, chaywanmi trigota pajanmanta rakinanqa; trigotam taqeman apaykunqa, pajatañataqmi mana amachay atina ninapi kañanqa, nispa.

Marcos 9:43

Sichum makiki huchallichisuptikiqa kuchukuruy, allin-qa kanman huknin makiyuqllañapas wiñaypaq kawsakuynikim, iskaynin makintin wiñaypaq rawrachkaq infier-noman wischusqa kanaykimantaqa.

Marcos 9:45

Sichum chakiki huchallichisuptikiqa qorukuruy, allinqa kanman huknin chakillañapas wiñaypaq kawsakuynikim, iskaynin chakintin wiñaypaq rawrachkaq infiernoman wischusqa kanaykiman-taqa.

Marcos 9:48

Chaypiqa manam urukunapas wañunchu nitaqmi ninapas wañunchu.

2~Tesalonicenses 1:9

Paykunaqa wiñaypaq castigasqa kaspankum Señorpa qayllanmanta hinaspa suma-sumaq atiyninmanta qarqosqa kanqaku.

Apocalipsis 14:10

Diospa piñakuynin vinotam paypas upyanqa. Chay piñakuyninqa mana chaqrusqa vino hinam kachkan Diospa piñakuynin sutiyuq vasopi. Chay upyaqkunaqa ninapiwan azufrepim Corderopa qayllanpi hinaspa chuya angelkunapa qayllanpi ñakarichisqa kanqaku.

Apocalipsis 20:10

Engañaqninku diabloñataqmi azufreyuq rupachkaq qochaman wischusqa karqa, manchakuypaq animalpa hinaspa pantachikuq profetapa kasqanman, chaypim tuta punchaw wiña-wiñaypaq ñakarinqaku.

Apocalipsis 20:15

Kawsay libropi sutinku mana qellqasqa kaqkunapas chay rupachkaq qochamanmi wischusqa karqaku.

Apocalipsis 21:8

Manchatikunaqa, mana iñiqkunaqa, aychanwan millakuypaq kaq ruwaqkunaqa, runa wañuchiqkunaqa, huchapakuqkunaqa, layqakunaqa, idolokuna yupaychaqkunaqa hinaspa llullakuqkunaqa, azufreyuq nina lenwachkaq qochamanmi wischusqa kanqaku. Kayqa iskay kaq wañuymi, nispa.