Marcos 9:12 - CHUYA QELLQA La Biblia en Quechua de Ayacucho 2012

¹² Hinaptinmi Jesusñataq nirqa: Arí, Eliasmi puntamunqa hinaspam tukuy imata allichanqa. ¿Manachu Diospa Qellqanpi nin: “Runapa Churinqa ñakarichisqa kaspam despreciasqa kanqa”, nispan?

Quechua Ayacucho Bible 1987

¹² Hinaptinmi Jesusñataq nirqa: —Arí Eliasmi puntamunan karqa tukuy imata allichananpaq. ¿Manachum Diosmanta Hamuq Runamantaqa Biblia nin: “Ñakarispanmi pasaypaq despreciasqa kanqa” nispa?

Chuya Qellqa 1992

¹² Hinaptinmi Jesusñataq nirqa: Arí, Eliasmi puntamunqa hinaspam tukuy imata allichanqa. ¿Manachu Diospa Qellqanpi nin: “Runapa Churinqa ñakarichisqa kaspam despreciasqa kanqa”, nispan?

Marcos 9:12 Iomraidhean Croise

Isaías 49:7

Israelta libraq Tayta Diosmi nin, Israelpa chuya Diosninmi nin, wakin runakunapa usuchisqan runata, nacionkunapa cheqnisqan runata, kamachikuqkunapa serviqninmanmi nin: Reykunawan kamachikuqkunam qawasuspayki sayarispanku qayllaykipi kumuykunqaku. Chaynataqa ruwanqaku Israelpa ñoqa Tayta Diosnin akllaqniki kasqayraykum.

Isaías 50:6

Wasaytam azoteqkunaman qorqani, barbayta chutapaptinkupas manam kutichikurqanichu, cheqniwaspa toqawaqniykunamantapas manam uyayta asurichirqanichu.

Isaías 52:14

Uyallanpas pasaypaq manaña reqsipay kasqanta qawaspankum, manaña runamanpas rikchakusqanta qawaykuspankum achkaq admirakurqaku,

Zacarías 11:13

Hinaptinmi Tayta Dios niwarqa: Chay qollqe hinallam kay runakunapa ñoqapaq kuyakuyninpas, chaytayá ofrenda huñunankuman wischuykamuy, nispa. Chaynapim chay qollqeta ofrenda huñunankuman wischuykamurqani.

Zacarías 13:7

Tukuy Atiyniyuq Tayta Diosmi kaynata nin: Espada, michiqniypa contranpi hatariy, yanapaqniypa contranpi hoqarikuy, michiqta wañuchiptikim llapa ovejakuna cheqenqa. Ñoqañataqmi uñachakunapa contranpi makiyta hoqarisaq, nispa.

Malaquías 4:6

Paymi tayta-mamakunata wawa-churinkuwan allinyanachinqa, mana chayqa ñoqa hamuruspaymi kay pachata pasaypaqta puchukarachisaq, nispa.

Mateo 16:21

Chaymantapunim discipulonkunaman Jesús willakurqa Jerusalenman riptin judiokunapa chaynataq sacerdotekunapa kamachiqninkuna hinaspa Diospa leynin yachachiqkuna ñakari-chinankumanta. Willakurqataqmi wañu-rachiptinku kimsa punchawninman kawsarimunantapas.

Mateo 26:24

Cheqaptapunim runapa Churinqa Qellqapa nisqanman hina ruwasqa kanqa, ichaqa, ¡imaynaraq traicionaqnin runa kanqa! Amapas nacenmanchu karqa, nispa.

Marcos 10:33

Jerusalén llaqtamanmi qespichkanchik, chaypim runapa Churinta sacerdotekunapa kamachiqninkunaman hinaspa Diospa leynin yachachiqkunaman entreganqaku, paykunam wañunanpaq sentenciaspanku Diosta mana reqsiq runakunaman entreganqaku.

Marcos 9:13

Ichaqa nikichikmi, Eliasqa ñam hamurunña, aswanqa paymanta Qellqapa nisqanman hinam munasqankuta payta ruwarqaku, nispa.

Marcos 9:31

discipulonkunata yachachisqanrayku. Jesusmi discipulonkunata nirqa: Runapa Churinqa runakunapa makin-man entregasqam kanqa, hinaptinmi wañuchinqaku, ichaqa kimsa punchawmantam kawsarimunqa, nispa.

Lucas 1:76

Churilláy, qamñataqmi tukuy imapi munaychakuq Diospa profetanwan sutichasqa kanki, qanmi ñanta allichastin Señorpa ñawpaqninta rinki.

Lucas 23:11

Herodesmi soldadon-kunapiwan Jesusta despreciarqaku, hinaspam reyta hinaraq burlakunankupaq suma-sumaq pachawan pacharachirqaku. Chaymantam Pilatoman kutirichirqa.

Lucas 23:39

Jesuswan kuska chakatasqanku suwakunamantam huknin kamispan nirqa: Sichum Cristo kaspaykiqa salvakuspaykiyá ñoqaykutapas salvawayku, nispa.

Hechos 1:6

Huñunasqa kachkaptinkum apostolninkuna Jesusta tapurqaku: Señorllayku, ¿kunanpunichu Israel nacionta musoqmanta hatarichinki? nispanku.

Hechos 4:11

Qamkunaqa wasi perqaqkuna hinam huk rumita wischupakurqankichik, chay rumiqa Jesusmi. Paymi kunanqa wasipa cimientonpi esquinan hapiq rumiña rikurirun.