Marcos 8:34 - CHUYA QELLQA La Biblia en Quechua de Ayacucho 2012

³⁴ Chaymantam discipulonkunatawan runakunata qayaykuspan nirqa: Pipas qatiwayta munaspaqa, amaña kikillanpaq kawsaspayá cruzninta qepikuykuspa qatiwachun.

Quechua Ayacucho Bible 1987

³⁴ Hinaspanmi discipulonkunatawan runakunata qayaykuspan nirqa: —Pipas qatiwayta munaspaqa amaña kikillanpaq kawsaspayá ñakaristinpas qatiwachun.

Chuya Qellqa 1992

³⁴ Chaymantam discipulonkunatawan runakunata qayaykuspan nirqa: Pipas qatiwayta munaspaqa, amaña kikillanpaq kawsaspayá cruzninta qepikuykuspa qatiwachun.

Marcos 8:34 Iomraidhean Croise

1~Reyes 14:8

Davidpa mirayninmanta munaychakuyta qechuruspaymi qanman qoykurqayki, ichaqa manam serviqniy David hinachu kamachisqaykunata kasukurqanki; Davidqa tukuy sonqonwanmi munasqayman hina kawsarqa.

Números 14:24

Serviqniy Calebtam ichaqa kallpanchakuspan nisqaykunata kasukusqanrayku, qawamusqan allpaman yaykuchisaq, chay allpam mirayninkunapaq kanqa.

Mateo 10:38

Pipas cruzninta mana qepikuspan qatiwaqniyqa manam ñoqapaq hinachu.

Mateo 16:24

Chaymantam discipulonkunata nirqa: Pipas qatiwayta munaspaqa amaña kikillanpaq kawsaspayá cruzninta qepikuykuspa qatiwachun.

Mateo 27:32

Chaymanta lloqsispankum Cirene llaqtayuq Simonwan tuparurqaku, paytam hapiruspanku Jesuspa cruzninta hombrochirqaku.

Marcos 10:21

Jesusñataqmi kuyakuywan qawarispan nirqa: Chaywanpas kayraqmi faltasunki: Kutispaykiyá tukuy kapuqnikita rantikaramuy hinaspa wakchakunaman qoykamuy, chaynapim hanaq pachapi kapuqniyuq kanki; hinaspaykiyá cruznikita qepikuykuspa qatiway, nispa.

Marcos 7:14

Chaymi runakunata huktawan qayaykuspan Jesús nirqa: Llapallaykichik uyariwaychik hinaspa entiendeychik:

Lucas 13:24

Kichki punkunta yaykunaykichikpaqyá kallpanchakuychik; cheqaptam nikichik, achkaqmi yaykuyta munanqaku, ichaqa manam atinqakuchu.

Lucas 14:33

Chaynaqa, mayqannikichikpas tukuy kapuqninta mana saqeqqa, manam discipuloyqa kanmanchu.

Lucas 18:22

Chayta uyarispanmi Jesusñataq nirqa: Chaywanpas kayraqmi ruwanayki kachkan, rispayki tukuy kapuqnikita rantikaramuy hinaspa chay qollqeta wakchakunaman qoykamuy, chaynapim hanaq pachapi kapuqniyuq kanki, hinaspayá qatiway, nispa.

Lucas 20:45

Llapa runakuna uyarichkaptinkum discipulonkunata Jesús nirqa:

Lucas 9:23

Chaymantam llapallankutaña nirqa: Pipas qatiwayta munaspaqa, kikinpa munasqanman hina amaña kawsaspayá cruzninta qepikuykuspa qatiwachun.

Juan 10:27

Ovejaykunaqa simiytam uyarin, ñoqapas paykunataqa reqsinim, chaymi paykunaqa qatiwanku.

Juan 19:17

Jesusmi lloqsirqa cruzninta hom-brokuykuspa Calaverawan sutichas-qanku sitioman, hebreopi sutinñataqmi Gólgota.

Hechos 14:22

Chay llaqtakunapim Jesucristoman iñikuqkunata imam creesqankupi qaqa hina sayanankupaq kallpancharqaku: Diospa munaychakuyninman yaykuqqa achka sasachakuytam ñakarinan, nispanku.

Romanos 6:6

Kaytapas yachanchikmi: Ñawpaq vidanchikqa Cristowan kuskam chakatasqa karqa, huchallikuq sonqonchik tuñichisqa kananpaq, chaynapi hucha manaña munaychakuwananchikpaq.

Romanos 8:17

Churinña kaptinchikqa paypa tukuy iman kaqkunapas ñoqanchikpañam, chaynapim Jesucristowan kuska herenciata chaskisun. Cristo hina ñakarispaqa paywan kuskataqmi hatunchasqa kasunchik.

1~Corintios 15:31

Arí wawqe-panikuna, sapa punchawmi wañuypa patanpi hinaña kachkani. Ichaqa Señor Jesucristopi kasqaykichikwanmi kusisqa kachkani.

1~Corintios 8:13

Sichum mikusqaywan wawqeyta huchallichinay kaptinqa, manachá haykapipas aychata mikusaqchu, chaynapi wawqeyta mana huchallichinaypaq.

1~Corintios 9:19

Mana pipa esclavon kachkaspaymi, esclavo hina churakuykurqani llapallanta servinaypaq, chaynapi achka runakunata Cristoman pusanaypaq.

Gálatas 2:20

Jesucristowan kuskam chakatasqa kachkani, manam ñoqañachu kawsani, aswanqa Cristoñam ñoqapi kawsachkan, kay pachapi kawsaspayqa Diospa Churinman iñikuspallam kawsachkani, paymi kuyawaspan ñoqapa rantiypi wañupuwarqa.

Gálatas 5:24

Haykam Jesucristopiña kaqkunaqa aychapa munasqantaqa, munapayayninkunatawan kuskatam chakatarunchikña.

Gálatas 6:14

Ñoqam ichaqa imamanta alabakuytapas mana munanichu, aswanqa Señorninchik Jesucristopa cruzpi wañusqallanmantam. Cruzpi Cristopa wañusqanraykum kay pachapi mana allin ruwaykunataqa wañusqata hinaña saqeruni, chayna-taqmi ñoqatapas kay pachapi mana allin ruwaykunaqa wañusqata hinaña saqeruwan.

Filipenses 3:10

Cristotam reqsiykuyta munachkani chaynataq kawsarimusqanpa atiynintapas, ñakarisqanman hina ñakarinaypaq, wañukuspaypas payman rikchakuq kanaypaq,

Filipenses 3:7

Kunanmi ichaqa ñawpaqpi allinpaq hapisqaykunatapas Cristorayku mana valeqpaqña hapini.

Colosenses 1:24

Kunanqa llumpaytam kusikuni qamkunarayku ñakarisqaywan, chaynapim llapa iñiqkunarayku Cristopa ñakarisqanta kikiypa cuerpoypiña tukupachkani, llapa iñiqkunaqa Cristopa cuerponmi.

Colosenses 3:5

Chaynaqa, aychapa mana allin ruway munayninkunatayá wañuchiychik: Amayá huchapakuychikchu, amayá millakuypaq kaqkunataqa ruwaychikchu, amayá mana allin munaywanqa aysachikuychikchu nitaq intuchikuychikchu, amataqyá qollqella kuyaqqa kaychikchu, (qollqe kuyayqa idolokuna yupaychay hinam).

2~Tesalonicenses 3:11

Uyarinikum, qamkuna ukupis qella-kuna kachkanraq, mana imapipas llamkaspas runakunapa asuntonman chapukuchkanku.

Tito 2:12

Diospa kuyakuyninmi yachachiwanchik, mana allinkunata saqespa hinaspa aychapa munayninta saqespa, chaynapi allin yuyaymanaywan, allin ruwaywan hinaspa Diospa munasqanman hinaña kay pachapi kawsananchikpaq.

Hebreos 13:13

Chaynayá ñoqanchikpas campamentomanta lloq-sispa Jesusta qatisunchik payta imayna kamisqankuta hina kamiwaptinchik ñakarispapas.

1~Pedro 4:1

Imaynam Cristopas ñoqanchikrayku cuerponpi ñakarirqa, chaynayá qamkunapas pay hina ñakarinaykichikpaq listolla kaychik, pipas cuerponpi ñakariqqa huchamantam rakikurunña,

1~Pedro 4:13

Aswanqa Cristopa ñakariqmasin kasqaykichikraykuyá kusikuychik, chaynapi hanaq pachamanta suma-sumaq kanchariyninta qawaspa aswanraq kusikunaykichikpaq.

2~Pedro 1:14

Señorninchik Jesucristoqa ñam chaylla wañukunaymanta niykuwanña.

1~Juan 3:16

Kaywanmi yachanchik imaynam kuyakuy kasqanta, Jesucristom vidanta qorqa ñoqanchikrayku, chaynam ñoqanchikpas runamasinchikrayku vidanchikta qonanchik.

Apocalipsis 2:10

Amayá manchakuychu ñakarinaykimantaqa, wakiqnikichiktam pruebasqa kanaykichikpaq carcelman diablo wichqachisunkichik; chunka punchawmi ñaka-rinkichik. ¡Wañukunaykikamayá qaqa hina sayay! Hinaptinqa ñoqam qosqayki kawsay coronata.