Marcos 8:23 - CHUYA QELLQA La Biblia en Quechua de Ayacucho 2012

²³ Chaymi Jesusñataq ñawsata makinmanta aysarikuspan llaqtamanta hawanman pusarurqa, hinaspanmi ñawinman toqaykuspan makinta hawanman churaykuspan tapurqa: ¿Yaqachu rikukuchkankiña? nispa.

Quechua Ayacucho Bible 1987

²³ Chaymi ñawsata Jesus makinmanta pusarurqa llaqtapa cantonman hinaspam toqayninwan ñawinta llusiykuspa hinaspa makinta umanman churaykuspan tapurqa: —¿Yaqachum rikukunki? —nispa.

Chuya Qellqa 1992

²³ Chaymi Jesusñataq ñawsata makinmanta aysarikuspan llaqtamanta hawanman pusarurqa, hinaspanmi ñawinman toqaykuspan makinta hawanman churaykuspan tapurqa: ¿Yaqachu rikukuchkankiña? nispa.

Marcos 8:23 Iomraidhean Croise

Isaías 44:2

Mamaykipa wiksanpi paqarichisuqnikim, unanchasuspayki yanapaqniki Tayta Diosmi kaynata nin: Serviqniy Jacobpa mirayninkuna, akllakusqay Jesurún llaqta, ama manchakuychu.

Isaías 51:18

Llapallan wachakusqayki wawaykikunamantapas manam mayqanpas makikimanta pusasuqniki kanchu, lliw uywasqayki warmakunamantapas manam hukllapas makikimanta pusasuqniki kanchu.

Jeremías 31:32

Ichaqa manam Egipto nacionmanta hurqomuspay taytankuwan pacto ruwasqayta hinachu; paykunaqa chay pactotam yanqacharurqaku, qosanku hina kachkaptiypas manam kasukurqakuchu.

Marcos 5:23

Hinaspanmi Jesusta ruegakuspan nirqa: Warmi churiymi wañuruchkanña, ama hina kaspa wasiyta hakuchik, makikita churaykamuptikiqa sanoyaspam kawsanqa, nispan.

Marcos 7:33

Jesusñataqmi runakunamanta sapaqman pusaruspan dedonkunawan chay runapa rinrinta wiqorurqa, hinaspam toqayninwan qallunta tupaykachirqa.

Marcos 8:24

Ñawsañataqmi qawaykachakuspan nirqa: Runakunatam sachakunata hina rikuchkani, ichaqa purichkaqta, nispa.

Marcos 8:26

Jesusñataqmi wasinman ripunanpaq kamachispan nirqa: Amam llaqtamanqa yaykunkichu, nispa.

Hechos 23:19

Chaynata willaykuptinmi Pablopa sobrinonta chay capitanpa kamachiqnin makinmanta hapiykuspa huklawman pusaruspa tapurqa: ¿Imataq willawanayki kachkan? nispa.

Hechos 9:8

Sauloñataqmi pampamanta hatarispan ñawsayarusqanrayku manaña imatapas rikurqachu. Chaymi makinmanta aysaspanku Damascoman pusaykurqaku.

Hebreos 8:9

Ichaqa manam ñawpaq taytaykichikkunawan pacto ruwasqayta hinachu ruwasaq. Paykunatam Egipto nacionmanta, makinkumanta aysamuchkaq hina hurqomurqani. Paykuna mana kasukuptinmi ñoqatapas manaña imapas qokuwarqachu. Señormi chaynata nin.

Apocalipsis 3:18

Chaynaqa, ñoqam consejayki ninapi chuyanchasqa qorita rantiwaspayki cheqapta apu kanaykipaq, yuraq pachatapas rantiway penqaynikita tapakunaykipaq, rantiwaytaqyá coliriotapas ñawikiman sutuchispa allinta qawakunaykipaq.