Marcos 8:2 - CHUYA QELLQA La Biblia en Quechua de Ayacucho 2012

² Kay runakunamantam llakipayarikuni, paykunaqa kimsa punchawñam ñoqawan kachkanku, manam imapas mikunankupaq kanchu,

Quechua Ayacucho Bible 1987

² —Kay runakunamantam llakipayarikuni, ñam kimsa punchawña ñoqawan kachkanku, manam mikunankupaqqa imapas kanchu,

Chuya Qellqa 1992

² Kay runakunamantam llakipayarikuni, paykunaqa kimsa punchawñam ñoqawan kachkanku, manam imapas mikunankupaq kanchu,

Marcos 8:2 Iomraidhean Croise

1~Reyes 19:6

Eliasñataqmi puñusqanmanta rikchariruspan sawnanpa waqtanpi rikururqa sansapa hawanpi ruwasqa tortillata hinaspa aysakupi yakuta; chayta mikuruspan tomaruspanmi kasqallan puñuykurqa.

Miqueas 7:19

Huktawanyá llakipayariykullawayku, hinaspayá huchallaykutapas pamparuy, lamar qocha ukunmanñayá wischuykuy.

Mateo 14:14

Jesusñataqmi barcamanta uraykuspan chay achkallaña runakunata qawaykurqa, chaymi llakipayarikuspan paykuna ukupi kaq onqoqkunata sanoyachirqa.

Mateo 20:34

Jesusñataqmi paykunata llakipayarispan ñawinkuta llapchaykurqa, hinaptinmi chaypunilla qawarikuruspanku Jesuswan pasakurqaku.

Mateo 9:36

Chaymi achkallaña runakunata qawaykuspan paykunamanta llakipayarikurqa, mana michiqniyuq wischusqa ovejakuna hina cheqesqa kasqankumanta.

Marcos 1:41

Jesusñataqmi paymanta llakipayarikuspa makinta haywarispa llapchaykurqa, hinaspam kaynata nirqa: Arí, munanim, Sanoña kay, nispa.

Marcos 5:19

Jesusñataqmi mana munaspan nirqa: Wasikiman rispayki aylluykikunaman willakamuy, Diospa qanwan imam ruwasqanmantawan imaynam llakipayasusqaykimanta, nispa.

Marcos 6:32

Chayraykum Jesusqa apostolninkunawan kuska chunniqman huk barcapi pasakurqaku.

Marcos 6:34

Jesusñataqmi barcamanta uraykamuspan chay achkallaña runakunata qawaykurqa, hinaspam paykunamanta llakipayarikurqa mana michiqniyuq ovejakuna hina kasqankurayku, chaymi tukuy imamanta yachachiyta qallaykurqa.

Marcos 8:3

mana mikusqata wasinkuman kachaykuptiyqa ripusqan ñankunapichá desmayarunqaku, wakiqninkuqa karukunamantaraqmi hamurqaku, nispa.

Marcos 9:22

Kay mana allin espirituqa achka kutipim wañurachinanpaq ninamanpas otaq yakumanpas wischuykun. Sichum ima ruwaytapas atispaykiqa, ñoqaykumanta llakipayarikuspayá yanapaykullawayku, nispa.

Lucas 15:20

Hinaspanmi hatarispan taytanpa kasqanman kutirqa. Taytanñataqmi karullataraq hamuchkaqta rikuruspan sinchita paymanta llakirikuspan chaskiqnin kallparqa, hinaspam muchaykuspan abrazaykurqa.

Lucas 7:13

Chayta qawaykuspanmi Jesusñataq chay viudata llakipayarispan nirqa: Ama waqaychu, nispa.

Hebreos 2:17

Chayraykum wawqenkunaman tukuy imapi rikchakurqa chaynapi llakipayakuq hinaspa hapipakunapaq kasqanrayku Diospa qayllanpi sacerdotekunapa kamachiqnin kananpaq hinaspa runakunapa huchanrayku wañuspan, paykunapaq Diospa pampachakuyninta haypananpaq.

Hebreos 4:15

Sumo sacerdotenchik Jesusqa huchaman urmaqlla kayninchikmanta llakipayawaqninchikmi. Paypas ñoqanchik hinam tukuypi tentasqa karqa, ichaqa manam huchallikurqachu.

Hebreos 5:2

Sumo sacerdoteqa Diosta mana kasukuqkunamanta hinaspa huchapi kaq runamasinkunamantam llakipayarikun, paypas runa kayninpi pantaruq kasqanrayku.