Marcos 8:13 - CHUYA QELLQA La Biblia en Quechua de Ayacucho 2012

¹³ Hinaspanmi chay runakunata saqeruspan barcaman qespiykuspan qochapa waklaw chimpanman pasakurqa.

Quechua Ayacucho Bible 1987

¹³ Chaynata Jesus niruspanmi chay runakunata saqeruspan boteman huktawan seqarurqa hinaspam pasakurqa qochapa huklaw patanman.

Chuya Qellqa 1992

¹³ Hinaspanmi chay runakunata saqeruspan barcaman qespiykuspan qochapa waklaw chimpanman pasakurqa.

Marcos 8:13 Iomraidhean Croise

Jeremías 23:33

Jeremías, sichum kay runakuna, llapa profetakuna otaq sacerdotekunapas tapusunkiman: ¿Imatataq Tayta Dios nisurqanki? nispanku, hinaptinqa paykunatam ninki, Tayta Diosmi kaynata nin: Qamkunaqa llasaq qepi hinam ñoqapaq kankichik, chayraykum saqerusqaykichik, nispa.

Oseas 4:17

Efrainmi idolokunaman qokurun, ¡hinayá chayna kawsachun!

Oseas 9:12

Wachakuruspanku uywachkaptinkupas qechuruspaymi wañurachisaq. ¡Ay, imaynaraq kanqaku saqeruptiyqa!

Mateo 15:14

Fariseokunataqa ama kasuychikchu. Paykunaqa ñawsakunam kanku, ñawsamasinku pusaqkunam. Ñawsapura pusanakuspaqa iskayninkum uchkuman wichiykunqaku, nispan.

Mateo 7:6

Diospa kaqninkunataqa amayá allqokunamanqa qoychikchu, yanqañataq kutiriykuspa llikiparusunkichikman. Amataqyá perlaskunatapas kuchiku-namanqa qoychikchu, yanqam sarutyarunmanku.

Marcos 8:12

Jesusñataqmi llakirikuspan paykunata nirqa: ¿Imanasqataq kay runakunaqa señaltaraq mañawanku? Cheqaptam nikichik, manam ima señalpas ruwasqachu kanqa, nispa.

Marcos 8:14

Discipulonkunam tanta apayta qonqarurqaku, aswanpas huk tantallam barcapi karqa.

Lucas 8:37

Chaymi Gadara lawpi runakuna mancharikuspanku Jesusta ruegarqaku, paykunapa kasqanmanta huklawman pasakunanpaq. Hinaptinmi Jesusqa barcaman qespiykuspan pasakurqa.

Juan 12:36

Qamkunawanraq achkiy kachkaptinqa achkiymanyá iñiychik, chaynapi achkiypa churinkuna kanaykichikpaq. Kaykunata niruspanmi pasakuspan Jesús paykunamanta pakakururqa.

Juan 8:21

Jesusmi huktawan nirqa: Ñoqa pasakuptiymi qamkuna maskawankichik, ichaqa huchaykichikpim wañunkichik. Ñoqapa risqaymanqa qamkunaqa manam riyta atiwaqchikchu, nispa.

Hechos 18:6

Chay judiokunam ichaqa Pablopa contranpi hatarispanku imaymanata rimarqaku, hinaptinmi Pabloñataq pachantapas taspispanraq nirqa: Wiñaypaq wañuyman wichispaqa kikikichikmi huchayuq kankichik, manam ñoqachu. Kunanmantaqa mana judío kaqkunamanñam willakuq risaq, nispa.

Hechos 27:2

Adramitio llaqtamanta barco Asia lawpi llaqtakunaman pasananpaq kaptinmi chay barcopi rirqaniku. Ñoqaykuwantaqmi rirqa Macedonia lawpi Tesalónica llaqtayuq Aristarcopas.