Marcos 7:9 - CHUYA QELLQA La Biblia en Quechua de Ayacucho 2012

⁹ Qamkunaqa Diospa kamachikuy-ninkunata mana kasukuspam costumbrekunallataña qatinkichik.

Quechua Ayacucho Bible 1987

⁹ —Qamkunaqa Diospa kamachikuyninkunata mana kasuspam costumbrekichikkunallata qatinkichik.

Chuya Qellqa 1992

⁹ Qamkunaqa Diospa kamachikuyninkunata mana kasukuspam costumbrekunallataña qatinkichik.

Marcos 7:9 Iomraidhean Croise

Isaías 24:5

Kay pachatam llapa runa millakuypaqta ruwarunku, kamachikuykunata mana kasukuspanku, allin ruwayta saqeruspanku, wiña-wiñaypaq pacto ruwasqankuta saqeruspanku.

Isaías 29:13

Señormi nin: Kay runakunaqa hawa sonqollam asuykamuwanku, simillankumantam yupaychamuwanku, sonqonkum ichaqa ñoqamanta karupi kachkan. Paykunaqa runapa yachachisqanman hinallam yupaychawanku.

Daniel 11:36

Norte nacionniyuq reymi tukuy imam munasqanta ruwanqa, hatun tukuspanmi kaynata ninqa: “Ñoqaqa llapallan dioskunapapas hawanpim kachkani”, nispa. Payqa Diospa contranpipas millakuypaq mana allinkunatam rimanqa. Payqa tukuy imapim allinllaña lloqsinqa Diospa piñakuynin payta hayparunankama. Diosqa imam tanteasqantaqa ruwanqapunim.

Daniel 7:25

Chay reyqa tukuy imapa hawanpi munaychakuq Diostam kaminqa, Diospa llaqtantam ñakarichinqa, costumbrekunatawan Diospa kamachikuynintam tikraruyta munanqa, Diospaq sapaqchasqa kaqkunapim munaychakunqa, chaynataqa kimsa wata partenmi munaychakunqa.

Marcos 7:13

Ñawpaq costumbrekuna chaskisqaykichikta ruwaspaykichikmi Diospa kamachikuyninta yanqachankichik. Qamkunaqa imatapas costumbreman hinallam ruwankichik, nispan.

Marcos 7:3

(Fariseokunawan judiokunaqa ñawpaq taytankupa costumbrenta qatispankum, makinkuta manaraq mayllakuchkaspaqa imatapas mana mikuqkuchu.

Marcos 7:5

Chaymi fariseokunawan Diospa leynin yachachiqkunaqa, Jesusta tapurqaku: ¿Imanasqataq discipuloykikunaqa ñawpaq taytanchikkunapa costumbrenkuta ruwayman mana churankuchu hinaspa qacha makintillan mikuchkanku? nispanku.

Romanos 3:31

Chaynaqa, iñispallanchik salvakuspaqa, ¿mana valeqpaqñachu leyta hapichwan? ¡Manapunim! Aswanqa valorninta reqsispam allinpaq hapinchik.

2~Corintios 11:4

Ichapas hukkaqnin hamuspan willasunkichikman mana ñoqaykupa willasqayku Jesusmanta otaq mana chaskisqaykichik espiritumanta otaq hukpa sutinpi salvakuymanta hinaptinqa qamkunaqa chayllachusmi chaskikuykuwaqchik.

Gálatas 1:14

Judiokunapa yachachikuyninkunata kasukuypiqa wiñaymasiykunatapas llalliqraqmi kani. Allinpaq hapispaymi ñawpaq taytaykunapa costumbrenkunatapas cumpliq kani.

Gálatas 2:21

Chaynaqa, manam wischupakuymanchu Diospa kuyawasqantaqa, sichum kamachikuykunallata kasukuspa mana huchayuqpaqña chaskisqa kachwan, hinaptinqa yanqapaqchiki Jesucristopas wañurqa.

2~Tesalonicenses 2:4

Paymi Diospa sutinwan sutichakuqkunapa contranpi chaynataq yupaychana kaqkunapa contranpi hatarinqa. Diospa templonpi tiyaykusparaqmi “Diosmi kani” nispa Dios tukunqa.