Marcos 7:2 - CHUYA QELLQA La Biblia en Quechua de Ayacucho 2012

² Paykunam Jesuspa wakin discipulonkunata makinkuta mana mayllakuspa mikuchkaqta rikurur-qaku, chayraykum paykunapa contranpi rimarqaku.

Quechua Ayacucho Bible 1987

² Paykunam rikururqaku Jesuspa wakin discipulonkunata makinkuta mana mayllakuspa mikuchkaqta chaymi paykunamanta rimarqaku.

Chuya Qellqa 1992

² Paykunam Jesuspa wakin discipulonkunata makinkuta mana mayllakuspa mikuchkaqta rikururqaku, chayraykum paykunapa contranpi rimarqaku.

Marcos 7:2 Iomraidhean Croise

Mateo 15:2

¿Imanasqataq discipuloykikuna ñawpaq taytanchikkunapa costumbrenta mana kasukunkuchu? Paykunaqa mikunankupaqpas manam makinkuta mayllakunkuchu, nispanku.

Marcos 7:5

Chaymi fariseokunawan Diospa leynin yachachiqkunaqa, Jesusta tapurqaku: ¿Imanasqataq discipuloykikunaqa ñawpaq taytanchikkunapa costumbrenkuta ruwayman mana churankuchu hinaspa qacha makintillan mikuchkanku? nispanku.

Lucas 11:38

Ichaqa paykunapa costumbrenman hina makinta Jesús mana mayllakuptinmi chay fariseoqa hukmanyasqallaña qawarayarqa.

Hechos 10:28

Chaymi paykunata Pedro nirqa: Qamkunaqa yachankichikmi judiokunaqa mana judío kaqkunawanqa manam hukllawakuymankuchu, manataqmi wasinmanpas yaykuymankuchu leyniyku harkawasqankurayku. Ichaqa Diosmi qawaykachiwan amaña pitapas “kayqa millakuypaqmi otaq huchasapa runam” nispa ninaypaq.

Hechos 11:8

Chaymi ñoqañataq nirqani: “Señor manapunim mikuymanchu, ñoqaqa haykapipas manam mikurqanichu mana mikuna kaqkunataqa”, nispay.

Romanos 14:14

Señor Jesuswan huklla kaspaymi yachani ima mikuypas chuya kasqanta, aswanqa pipas chay mikuy millakuypaq kasqanta piensaptinqa paypaqchá millakuypaq kanqa.

Hebreos 10:29

Chaynaqa, ¡mayna castigasqaraqmi kanqa! Diospa Churinta sarutyaq runaqa, Diosllapaqña sapaqchaqnin musoq pacto yawartapas despreciaq runaqa hinaspa Diospa kuyapayakuynin qokuq Chuya Espiritutapas kamiq runaqa.

Apocalipsis 21:27

Chay llaqtamanqa manam ima qachapas, millakuypaq kaqkuna ruwaqkunapas nitaq llullakunapas yaykunqachu. Chaymanqa yaykunqaku Corderopa wiñay kawsay libronpi sutinku qellqasqa kaqkunallam.