Marcos 6:3 - CHUYA QELLQA La Biblia en Quechua de Ayacucho 2012

³ ¿Manachum kay runaqa Mariapa wawan carpintero? ¿Manachum wawqenkunapas Jacobowan, José, Judas hinaspa Simón? ¿Manachum paninkunapas ñoqanchikwan kachkanku? nispanku. Chaynata nispankum Jesusta mana kaqpaqpas hapirqakuchu.

Quechua Ayacucho Bible 1987

³ ¿Manachum payqa Mariapa wawan carpintero? Kay llaqtanchikpim *f**yachan paypa wawqen Jacobopas, Joseypas, Judaspas, Simonpas chaynataq paninkunapas —nispa. Chaynata nispamá Jesuspaq piñakururqaku.

Chuya Qellqa 1992

³ ¿Manachum kay runaqa Mariapa wawan carpintero? ¿Manachum wawqenkunapas Jacobowan, José, Judas hinaspa Simón? ¿Manachum paninkunapas ñoqanchikwan kachkanku? nispanku. Chaynata nispankum Jesusta mana kaqpaqpas hapirqakuchu.

Marcos 6:3 Iomraidhean Croise

Isaías 49:7

Israelta libraq Tayta Diosmi nin, Israelpa chuya Diosninmi nin, wakin runakunapa usuchisqan runata, nacionkunapa cheqnisqan runata, kamachikuqkunapa serviqninmanmi nin: Reykunawan kamachikuqkunam qawasuspayki sayarispanku qayllaykipi kumuykunqaku. Chaynataqa ruwanqaku Israelpa ñoqa Tayta Diosnin akllaqniki kasqayraykum.

Mateo 11:6

¡Mayna kusisqam ñoqamanta mana iskayrayaqkunaqa! nispan.

Mateo 12:46

Runakunata Jesús rimapayachkaptinmi, mamanwan wawqenkuna chayaramurqaku, hinaspam Jesuswan rimayta munaspanku hawallapi suyarqaku.

Marcos 15:40

Chaypitaqmi kachkarqaku wakiqnin warmikunapas karullamanta qawaspanku. Paykunawanmi kachkarqa Magdala llaqtayuq Mariawan sullka kaq Jacobopa, Joseypa hinaspa Salomeypa mamanku Mariapas.

Marcos 3:18

Wakinñataq Andrés, Felipe, Bartolomé, Mateo, Tomás, Alfeopa churin Jacobo, Tadeo, cananista Simón,

Lucas 2:34

Simeonñataqmi paykunata bendeciykuspan Jesuspa maman Mariata nirqa: Kay wawam Israelpi runakunapaq kanqa wakinpaq urmachiqnin, wakin-paqñataq hatarichiqnin. Paymi huk señal kanqa, achkaqmi contranpi hatarinqaku.

Lucas 7:23

Mayna kusisqam mana iskayrayaspa ñoqapi hapipakuqkunaqa, nispa.

Lucas 8:20

Chaymi hukkaqninña Jesusman willaykurqa: Mamaykiwan wawqekikunam qanwan tupaykuyta munaspanku hawapi suyasuchkanki, nispa.

Juan 14:22

Chaymi Judas (mana Iscariote kaqchu) nirqa: Señorlláy, ¿imanasqataq ñoqaykumanqa reqsichikunki aswanqa mana wakin runakunamanchu? nispa.

Juan 6:42

¿Manachum kay Jesusqa Joseypa churin? Tayta-mamantapas reqsinchikmi, ¿imaynamá hanaq pachamantam uraykamurqani nichkanqa? nispanku.

Hechos 1:13

Llaqtaman chayaramuspankum samasqanku wasipa altosninman qespirqaku. Paykunam karqaku: Pedro, Jacobo, Juan, Andrés, Felipe, Tomás, Bartolomé, Mateo, Alfeopa churin Jacobo, Zelote cananista partidomanta Simón hinaspa Jacobopa churin Judas.

Hechos 12:17

Pedroñataqmi makinwan señaschaspan upallachirqa, hinaspam paykunaman willarqa, Señorpa imaynam carcelmanta hurqomusqanta. Nirqataqmi: Kaytayá willaychik Jacobomanwan iñiqmasinchikkunaman, nispa. Chaymantam lloqsiruspan huklawman pasakurqa.

1~Corintios 1:23

ñoqanchikmi ichaqa chakatasqa Cristomanta willakunchik. Judiokunapaqmi kay willakuyqa urmachiqninku hina, mana judío kaqkunapaqñataqmi mana valeqman rikchakun.

1~Corintios 9:4

¿Manachum kan derechoyku mikunaykupaq hinaspa tomanaykupaq?

Gálatas 1:19

Wakin apostolkunawanmi ichaqa mana tuparqanichu, aswanqa Jesuspa wawqen Jacobollawanmi.

1~Pedro 2:4

Señorninchikmanyá asuykuychik, payqa kawsaq rumim, paytam runakuna wischupakurqaku, Diospaqmi ichaqa akllasqa ancha valorniyuq sumaq kawsaq rumi.

Judas 1:1

Jesucristo serviq hinaspa Jacobopa wawqen ñoqa Judasmi Dios Taytapa kuyasqankunaman hinaspa qayasqan-kunaman qellqamuykichik. Qamku-naqa Jesucristopa waqaychasqanmi kachkankichik.