Marcos 6:21 - CHUYA QELLQA La Biblia en Quechua de Ayacucho 2012

²¹ Herodías warmipaqmi suyasqan punchaw chayamurqa. Rey Herodesmi santon punchaw chayaramuptin hatun convidota ruwachirqa, hinaspam qayachirqa llapa kamachikuqkunata, tropakunapa capitanninkunata hinaspa Galileapi ancha reqsisqa runakunata.

Quechua Ayacucho Bible 1987

²¹ Ichaqa huk punchawmi Herodias munasqanta tarirurqa. Rey Herodespa santon chayaramuptinmi convidopaq qayachirqa soldadokunapa kamachiqninkunata hinaspa gobiernaqkunata, qayachirqataqmi Galilea lawpi allin reqsisqa runakunatapas.

Chuya Qellqa 1992

²¹ Herodías warmipaqmi suyasqan punchaw chayamurqa. Rey Herodesmi santon punchaw chayaramuptin hatun convidota ruwachirqa, hinaspam qayachirqa llapa kamachikuqkunata, tropakunapa capitanninkunata hinaspa Galileapi ancha reqsisqa runakunata.

Marcos 6:21 Iomraidhean Croise

Génesis 27:41

Jacobta taytan bendeciykusqanraykum Esaú llumpayta cheqnikuruspan kaynata tantearqa: “Taytay wañuruptinmi wawqey Jacobta wañurachisaq”, nispa.

Génesis 40:20

Kimsa punchawmantam santonpi Faraón convidota ruwarqa llapallan serviqninkunapaq, hinaspam carcelmanta vino serviqkunapa kamachiqninta chaynataq panaderokunapa kamachiqnintapas hurqochimurqa.

Ester 2:18

Chaymantam Esterpa sutinpi hatun convidota ruwachispan llapa kamachiqkunatawan serviqninkunata qayachirqa. Impuestotapas provinciankunapi menosyaykachispanmi, sonqonman hina regalokunatapas aypurqa.

Ester 3:7

Rey Asuero chunka iskayniyuq wataña munaychakuchkaptinmi, Nisán sutiyuq punta kaq killapi, Amanpa ñawpaqninpi suerteta qawarqaku, ima killapim hinaspa ima punchawpim chay tanteasqanta ruwayman churananta yachananpaq. Chaymi Adarwan sutichasqa chunka iskayniyuq kaq killapi ruwananpaq lloqsirurqa.

Oseas 7:5

Reypa fiestan punchawpim llapa kamachikuqkuna reyta llumpayta upyarachispa onqorachirqaku, burlakuqnin runakunamanraqmi reyqa makintapas haywarirqa.

Lucas 3:1

Rey Tiberio César, chunka pichqayuq wataña munaychakuchkaptinmi, Poncio Pilato Judea lawpi gobernador karqa, Herodesñataqmi Galilea lawpi munaychakurqa, wawqen Felipem Iturea hinaspa Traconite lawpi, Lisaniasñataqmi Abilinia lawpi.

Hechos 25:23

Paqarinnintinñataqmi rey Agripawan warmin Berenice sumaqta allichapakuruspanku corteman rirqaku. Soldadokunapa kamachiqninwan chay llaqtapi ancha reqsisqa runakunam riysirqaku. Fes-toñataqmi Pablota pusanankupaq kamachikurqa.

1~Pedro 4:3

Qamkunaqa unay tiempoñam huchallikurqankichik Diospi mana iñiqkunapa munasqan-ta ruwaspaykichik, kawsaynikichikpi mana controlakuspa, mana allin munaykunapi, upyakuykunapi, fiesta ruwaykunapi hinaspa leypa contranpi millakuypaq idolokuna yupaychaykunapi purispaykichik.

Apocalipsis 11:10

Kay pachapi kawsaqkunañataqmi chay wañuqkunamanta kusikunqaku, hinaspam kusikuymanta regalokunatapas apachinakunqaku, chaynataqa ruwanqaku chay iskay profetakuna kay pachapi yachaqkunata manaña ñakarichisqankuraykum.