Marcos 6:14 - CHUYA QELLQA La Biblia en Quechua de Ayacucho 2012

¹⁴ Rey Herodesmi Jesuspa tukuy ima ruwasqanmanta rimasqankuta uyariruspan nirqa: Bautizaq Juanmi wañusqanmanta kawsariramun, chayraykum milagrokunata ruwananpaq atiyniyuqqa, nispa.

Quechua Ayacucho Bible 1987

¹⁴ Tukuy kaykunatam Rey Herodes uyarirqa Jesusmanta runakuna rimasqanrayku. Wakin runakunam nirqaku: —Bautizaq Juanmi kawsariramuspan kaynaña atiyniyoqqa —nispa.

Chuya Qellqa 1992

¹⁴ Rey Herodesmi Jesuspa tukuy ima ruwasqanmanta rimasqankuta uyariruspan nirqa: Bautizaq Juanmi wañusqanmanta kawsariramun, chayraykum milagrokunata ruwananpaq atiyniyuqqa, nispa.

Marcos 6:14 Iomraidhean Croise

2~Crónicas 26:15

Jerusalén llaqtapim, torrekunapa hinaspa murallakunapa esquinankunapi kananpaq, yachayniyuq runakunawan guerrapaq maquinakunata ruwachirqa, chaymanta flechakunawan flechanankupaq hinaspa hatun rumikunawan chamqanankupaq. Chay ruwasqankunawanmi karu llaqtakunapipas ancha reqsisqa rikurirurqa, Admirakuypaqta Dios yanapasqanraykum ancha atiyniyuq rikurirurqa.

2~Crónicas 26:8

Amón runakunam rey Uziasman impuestota pagarqaku, hinaptinmi ancha reqsisqa kayninpas Egipto nacionpa linderonkamaraq chayarqa, payqa llumpay atiyniyuqmi rikurirurqa.

Mateo 9:31

Paykunam ichaqa lloqsiruspanku Jesuspa ruwasqankunamanta tukuy hinastin llaqtakunapi willakurqaku.

Marcos 1:28

Jesuspa tukuy chaykuna ruwasqantam tukuy Galilea lawpa muyuriqninpi kaqkuna chaylla yacharurqaku.

Marcos 1:45

Chay runam pasaspan Jesuspa sanoyachisqanmanta llapa runaman willakachakuyta qallaykurqa, chaynapim Jesusqa maylaw llaqtamanpas mana rikuchikuspallaña yaykuq, payqa chunniqllantañam puriq. Chaywanpas tukuy hinastinmantam runakunaqa Jesusman hamurqaku.

Marcos 8:28

Chaymi paykunañataq nirqaku: Wakinmi ninku Bautizaq Juan kasqaykita, wakinñataqmi Elías kasqaykita, wakinñataqmi ninku hukkaqnin profeta kasqaykita, nispanku.

Lucas 13:31

Chaykunata rimachkaptinmi llapa fariseokuna chayaruspanku Jesusta nirqaku: Herodesmi wañuchiyta munasuchkanki, kaymanta pasakuy, nispanku.

Lucas 3:1

Rey Tiberio César, chunka pichqayuq wataña munaychakuchkaptinmi, Poncio Pilato Judea lawpi gobernador karqa, Herodesñataqmi Galilea lawpi munaychakurqa, wawqen Felipem Iturea hinaspa Traconite lawpi, Lisaniasñataqmi Abilinia lawpi.

Lucas 7:17

Jesuspa kaykuna ruwasqanmi tukuy Judea lawpi chaynataq muyuriqnin llaqtakunapipas willakusqa karqa.

Lucas 9:19

Chaymi paykunañataq nirqaku: Wakinmi ninku, Bautizaq Juan kasqaykita; wakinñataqmi ninku, Elías kasqaykita; otaqmi ñawpaq profetakunamantam hukkaqnin kawsariramun, nispanku.

1~Tesalonicenses 1:8

Qamkunamanta qallaykuspam Señorpa palabranqa willakusqa karqa. Chayqa manam Macedonia lawllapichu nitaq Acaya lawllapichu, aswanqa tukuy hinastinpim. Diosman iñisqaykichikmantaqa lliwñam yacharunku chaymi ñoqaykuqa manaña willakunaykuñachu.

Hebreos 2:4

Diosqa cheqapcharqataqmi señalkunata, tukuy rikchaq admirakuypaq milagrokunata hinaspa munasqanman hina tukuy kay pachapi iñiqkunaman Chuya Espiritunta qowasqanchikwanpas.