Marcos 5:40 - CHUYA QELLQA La Biblia en Quechua de Ayacucho 2012

⁴⁰ Runakunañataqmi Jesusmanta burlakurqaku. Hinaptinmi Jesusqa llapa runakunata hawaman qarqoramuspan, warmapa taytanta, mamanta hinaspa riqmasin discipulonkunata pusarikuspan warmapa kasqanman yaykurqa.

Quechua Ayacucho Bible 1987

⁴⁰ Chaymi asipayarqaku Jesusta. Hinaptinmi Jesusqa lliw runakunata lloqsirachispan yaykurqa warmapa kasqanman, chaymanqa yaykurqa warmapa tayta-mamallanwanmi hinaspa chay pusasqankunallawanmi.

Chuya Qellqa 1992

⁴⁰ Runakunañataqmi Jesusmanta burlakurqaku. Hinaptinmi Jesusqa llapa runakunata hawaman qarqoramuspan, warmapa taytanta, mamanta hinaspa riqmasin discipulonkunata pusarikuspan warmapa kasqanman yaykurqa.

Marcos 5:40 Iomraidhean Croise

Génesis 19:14

Chaymi wasinmanta Lot lloqsispan warmi churinkuna casaray munaqkunata nimurqa: Kay llaqtamanta utqayman lloqsiychik, Diosmi kay llaqtata puchukachinqa, nispa. Chay runakunam ichaqa burlapaq hapirurqaku.

2~Reyes 4:33

Chaymi Eliseoqa yaykuruspan punkuta wichqakaramurqa, hinaspam Tayta Diosta mañakurqa.

Nehemías 2:19

Ichaqa Horón llaqtayuq Sanbalatwan Arabia lawmanta kaq Gesem hinaspa Amón llaqtapi kamachikuq Tobiasmi chayta yacharuspanku, kaynata nispa asipayawarqaku: ¿Imatataq kayta ruwachkankichik? ¿Reypa contranpichu hoqarikuchkankichik? nispanku.

Jobwan Sutichasqa Libro 12:4

Ñoqaqa mana huchayuq kachkaspaypas, Diosta mañakuptiy contestamuwachkaptinpas, ichaqa amigoykunapa asipayananmi kani.

Mateo 15:11

Manam imapas mikusqanchu runataqa huchallichin, aswanqa mana allinkuna rimasqanmi, nispan.

Mateo 7:6

Diospa kaqninkunataqa amayá allqokunamanqa qoychikchu, yanqañataq kutiriykuspa llikiparusunkichikman. Amataqyá perlaskunatapas kuchiku-namanqa qoychikchu, yanqam sarutyarunmanku.

Marcos 5:39

Yaykuruspanmi paykunata nirqa: ¿Imanasqataq qaparillawanña wa-qachkankichik? Warmaqa manam wañusqachu kachkan aswanqa puñuchkanmi, nispa.

Marcos 5:41

Hinaspanmi warmata makinmanta hapiykuspan nirqa: ¡Talita cumi! nispan. Chayqa: “Warma, qamtam niki, hatariy”, ninanmi.

Lucas 16:14

Tukuy chaykunatam qollqella kuyaq fariseokunapas uyarirqaku, hinaspam Jesusmanta burlakurqaku.

Hechos 17:32

Wañusqakunapa kawsarimunanmanta uyariruspankum, wakin uyariqkuna asipayarqaku, wakinñataqmi nirqaku: Yapapiña chaykunamantaqa willawankiku, nispanku.