Marcos 5:36 - CHUYA QELLQA La Biblia en Quechua de Ayacucho 2012

³⁶ Jesusñataqmi chay nisqankuta mana uyariqpas tukuspan Jairota nirqa: Ama manchakuychu, iñiy hinalla, nispa.

Quechua Ayacucho Bible 1987

³⁶ Jesusñataqmi mana caso-preciotapas churaspan Jairota nirqa: —Ama llakikuychu, confiakuy ñoqapi —nispa.

Chuya Qellqa 1992

³⁶ Jesusñataqmi chay nisqankuta mana uyariqpas tukuspan Jairota nirqa: Ama manchakuychu, iñiy hinalla, nispa.

Marcos 5:36 Iomraidhean Croise

2~Crónicas 20:20

Paqarinnintinmi Tecoa chunniqman lloqsirqaku, chaymi lloqsichkaptinku rey Josafat sayarispan nirqa: Judá runakuna hinaspa Jerusalenpi kaqkuna uyariwaychik: Tayta Diosman hapipakuptikichikqa yanapawasunmi, profetakunapipas hapipakuychiktaq, hinaptinqa imapas allinmi lloqsisunkichik, nispa.

Mateo 17:20

Chaymi Jesusñataq nirqa: Pisi iñiyniyuq kasqaykichikraykum. Cheqaptapunim nikichik, sichum iñiyni-kichik huk mostazapa muhun hinallapas kaptinqa, kay orqotam niwaqchik: “Kaymanta waklawman suchuy” nispa, hinaptinqa pasanmanmi. Manam imapas sasaqa kanmanchu, nispan.

Mateo 9:18

Chaykunata Jesús rimachkaptinmi judiokunapa kamachiqnin chayaramuspan Jesuspa qayllanpi qonqorakuykuspan nirqa: Warmi churiymi kunallan wañukun, sichum rispayki llapchaykamuptikiqa kawsarirunqam, nispan.

Marcos 5:22

Chayllamanmi sinagogapi kamachikuq Jairo hamuruspan Jesuspa ñawpaqninpi qonqorakuykurqa.

Marcos 5:34

Hinaptinmi chay warmita Jesús nirqa: Churilláy, iñiynikiman hinam sanoyarunki, kunanqa hawkañayá pasakuy, onqoynikimantaqa sanoyarunkiñam, nispa.

Marcos 9:23

Jesusñataqmi nirqa: Sichum creeptikiqa, haykam creeqpaqqa manam imapas sasachu, nispa.

Lucas 8:50

Chayta uyariykuspanmi Jesusñataq nirqa: Ama manchakuychu, iñiy hinalla churikiqa sanoyanqam, nispa.

Juan 11:40

Jesusñataqmi nirqa: ¿Manachu nirqayki: “Creespaykiqa rikunkim Diospa atiyninta”, nispay?