Marcos 5:23 - CHUYA QELLQA La Biblia en Quechua de Ayacucho 2012

²³ Hinaspanmi Jesusta ruegakuspan nirqa: Warmi churiymi wañuruchkanña, ama hina kaspa wasiyta hakuchik, makikita churaykamuptikiqa sanoyaspam kawsanqa, nispan.

Quechua Ayacucho Bible 1987

²³ Paymá Jesusta ruegakurqa: —Warmi churiymi wañuruchkanña, hakuchik wasiyman payta hapiykuptiki sanoyaruspan kawsananpaq —nispa.

Chuya Qellqa 1992

²³ Hinaspanmi Jesusta ruegakuspan nirqa: Warmi churiymi wañuruchkanña, ama hina kaspa wasiyta hakuchik, makikita churaykamuptikiqa sanoyaspam kawsanqa, nispan.

Marcos 5:23 Iomraidhean Croise

2~Reyes 5:11

Naamanñataqmi piñasqa kutikurqa kaynata nistin: Ñoqaqa nirqani: “Lloqsiykamuspanchiki yupaychasqan Tayta Diospa sutinta qayllaypi rimarinqa, hinaspachiki nanayniyta llapchaykuspan kay lepra onqoyniyta sanoyarachinqa”, nispaymi.

Mateo 8:3

Hinaptinmi llapchaykuspan Jesús nirqa: Arí, sanoyanaykitam munani, nispa. Hinaptinmi chay lepra onqoynin chaylla chinkarurqa.

Marcos 16:18

maqta urukunatam hapinqaku; imataña venenoyuqta tomaruptinkupas manam imananqachu; onqoqkunamanmi makinkuta churanqaku, hinaptinmi sanoyanqaku, nispan.

Marcos 5:24

Jairowan Jesús pasaptinmi achkallaña runakuna ñitinakustin qatirqaku.

Marcos 6:13

Demoniokunatapas achkallatañam qarqorqaku, chaynataqmi onqoqkunatapas aceitewan untaspanku sanoyachirqaku.

Marcos 7:32

Chaymanmi mana uyarikuq wata-wata rimaq runata aparamuspanku makinta churaykunanpaq ruegakurqaku.

Marcos 8:23

Chaymi Jesusñataq ñawsata makinmanta aysarikuspan llaqtamanta hawanman pusarurqa, hinaspanmi ñawinman toqaykuspan makinta hawanman churaykuspan tapurqa: ¿Yaqachu rikukuchkankiña? nispa.

Lucas 13:13

Warmipa hawanman makinta chu-raykuptillanmi chay warmiqa dere-chakuruspan Diosta hatuncharqa.

Lucas 4:38

Jesusmi sinagogamanta lloqsiruspan Simonpa wasinman rirqa. Simonpa suegranñataqmi llumpay calenturawan kachkarqa, chaymi Jesusta paypaq valekurqa.

Lucas 4:40

Inti seqaykuchkaptinmi, tukuy rikchaq onqoyniyuqkunata Jesusman pusamurqaku, hinaptinmi sapakamaman makinta churaykuspan sanoyachirqa.

Lucas 7:12

Llaqtapa punkunman hichpaykuchkaptinkum, huk viudapa sapallan qari wawan wañuruptin pampaq apachkarqaku. Llaqta runakunapas achkallañam pampaysiq rirqaku.

Juan 11:3

Lazaropa paninkunam Señor Jesusman willachiq kacharqaku: Señorlláy, amistadniki Lazarom onqochkan, nispanku.

Hechos 28:8

Publiopa taytanmi camapi calenturawan hinaspa diarreawan kachkarqa. Pablom watukuspan Diosta mañapurqa, paypa umanman makinta churaykuptinmi sanoyarurqa.

Hechos 6:6

Paykunatam apostolkunaman pusamurqaku, apostolkunañataqmi paykunapa hawanman makinkuta churaykuspanku Diosta mañakurqaku.

Hechos 8:17

Chaymi iñiqkunaman Pedrowan Juan makinkuta churaykuptinku Chuya Espirituta chaskirqaku.

Hechos 9:12

hinaspam visionpi rikurqa Ananías sutiyuq runata, yaykuspan paypa hawanman makin churaykuqta, chaynapi musoqmanta qawarikunanpaq, nispa.

Hechos 9:17

Chaymi Ananías pasarqa Saulopa kasqan wasiman, hinaspam yaykuruspan Saulopa hawanman makinta churaykuspan nirqa: Wawqey Saulo, chay hamusqayki ñanpi rikurisuqniki Señor Jesusmi kachamuwarqa qamta qawarichinaypaq, hinaspa Chuya Espiritupa huntasqan kanaykipaq, nispa.