Marcos 5:15 - CHUYA QELLQA La Biblia en Quechua de Ayacucho 2012

¹⁵ Jesuspa kasqanman chayaruspankum demoniokunapa huntasqan runataqa allin pachasqata hinaspa yuyayninman kutisqataña tiyachkaqta tariykurqaku; chaymi llumpayta mancharikururqaku.

Quechua Ayacucho Bible 1987

¹⁵ Jesuspa kasqanman chayaramuspankum rikururqaku demoniokunapa ñawpaq ñakarichisqan runata, payqa tiyakuchkasqa pachasqañam hinaspa yuyayninman kutisqañam, chaynata qawaykuspankum mancharikururqaku.

Chuya Qellqa 1992

¹⁵ Jesuspa kasqanman chayaruspankum demoniokunapa huntasqan runataqa allin pachasqata hinaspa yuyayninman kutisqataña tiyachkaqta tariykurqaku; chaymi llumpayta mancharikururqaku.

Marcos 5:15 Iomraidhean Croise

1~Crónicas 13:12

Chay punchawmi Davidqa Tayta Diosta manchakuspan kaynata nirqa: “Diospa Arcantaqa manam apachiymanchu”, nispa.

1~Crónicas 15:13

Puntata apamuptiyku qamkuna mana apamusqaykichikraykum Señorninchik Tayta Dios wakiqninchikta wañurachirqa, chaynataqa ruwarqa Tayta Diospa kamachikuyninman hina mana ruwasqanchikraykum, nispa.

Jobwan Sutichasqa Libro 13:11

Hatu-hatun kayninmi mancharichisunkichik, manchakuypaq kayninmi mancharichisunkichik.

Mateo 12:29

¿Imaynataq kallpasapa runapa wasinman suwananpaq pipas yaykurunman puntata payta mana chaqnaruchkaspaqa? Chaqnaruspallam imantapas suwarunmanqa.

Mateo 26:53

¿Manachu yachanki Taytayta kunan mañakuykuptiy wara-waranqa angelkunata kachamuwananta?

Mateo 4:24

Jesuspa ancha reqsisqa kayninta yacharuspankum Siria lawpi kaqkunapas tukuy rikchaq onqoywan kaqkunata, nanaywan ñakariqkunata, demoniopa ñakarichisqankunata, wañuymañayuqkunata hinaspa suchu-kunata apamurqaku, paykunatam Jesús sanoyachirqa.

Mateo 9:33

Chaymi demoniota qarqoruptin chay runa rima-rirurqa. Llapa runakunañataqmi admirakuspa nirqaku: Israelpiqa manam kaynakunataqa haykapipas rikurqanchikchu, nispanku.

Marcos 5:14

Kuchi michiqkunañataqmi ayqespanku llaqtapi chaynataq chakrakunapipas willakachakururqaku, chaymi llapa runakuna imam pasakusqanta qawanankupaq kallparqaku.

Marcos 5:16

Demoniopa huntasqan runatawan kuchikunata imam pasarusqanta rikuqkunañataqmi llapa runakunaman willarurqaku.

Marcos 5:18

Barcaman Jesús qespichkaptinmi demoniokunapa huntasqanmanta sanoyaq runa ruegakurqa: Qanwan riytam munani, nispa.

Marcos 5:4

Achka kutipim cadenawan watarqaku, ichaqa chayllam tipiparuq, manam pipas sujetayta atiqchu.

Marcos 5:9

Hinaptinmi Jesús tapurqa: ¿Imataq sutiki? nispa. Chaymi payñataq nirqa: Legionmi, ñoqaykuqa achkallañam kaniku, nispan.

Lucas 10:39

Martapa ñañanmi karqa María, paymi Jesuspa ñawpaqninpi tiyaykurqa rimasqanta uyarinanpaq.

Lucas 8:27

Barcamanta Jesús lloqsiykuptinmi demonioyuq runa paywan tupaykunanpaq llaqtamanta lloqsimurqa. Payqa unayñam qalalla karqa, wasipipas manaña yachaspanmi panteonllapiña yachakurqa.

Colosenses 1:13

Diosmi tutayaypa atiyninmanta libraykuwarqanchik, hinaspam kuyasqan Churinpa munaychakusqanmanña churaykuwanchik.

2~Timoteo 1:7

Diosqa manam manchakuy espiritutachu qowarqanchik, aswanqa atiywan, kuyakuywan hinaspa sonqonchik controlakuq kananchikpaqmi.

1~Samuel 16:4

Chaynapim Samuelqa Tayta Diospa kamachisqanman hina ruwarqa. Belén llaqtaman Samuel chayaruptinmi, payta chaskinankupaq ancianokuna mancharisqallaña lloqsimurqaku, hinaspam tapurqaku: Taytáy, ¿allinpaqchu hamuchkanki? nispa.