Marcos 4:24 - CHUYA QELLQA La Biblia en Quechua de Ayacucho 2012

²⁴ Allintayá uyariychik. Imaynam runamasikichikwan ruwasqaykichikman hinam Diospas qamkunawan ruwanqa; qamkunawanqa aswantaraqmi ruwanqa.

Quechua Ayacucho Bible 1987

²⁴ —Uyarisqaykichikpiyá yuyaymanaychik. Runakunapaq imam rurasqaykichikman hinam Diospas aswanraq qamkunapaq ruranqa.

Chuya Qellqa 1992

²⁴ Allintayá uyariychik. Imaynam runamasikichikwan ruwasqaykichikman hinam Diospas qamkunawan ruwanqa; qamkunawanqa aswantaraqmi ruwanqa.

Marcos 4:24 Iomraidhean Croise

Proverbios 19:27

Churilláy, corregisqa kayta mana munaspaykiqa allin yachachikuykunamantapas sapaqchakurunkim.

Isaías 55:3

Ñoqaman asuykamuspa uyariwaychik, uyariwaspaykichikqa kawsankichikmi. Qamkunawanmi pactota wiñaypaq ruwasaq, rey Davidta kuyasqayraykum payman prometesqaykunata cumplisaq.

Jeremías 17:21

Tayta Diosmi kaynata nin: Viday-kichikraykuyá waqaychakuychik. Amayá samana punchawpiqa Jerusalén llaqtapa punkuntaqa cargakunata apaykuychikchu.

Mateo 7:2

Imaynam juzgas-qaykichikman hinam Diospas juzga-sunkichik, imaynam ruwasqaykichikman hinataqmi Diospas qamkunawan ruwanqa.

Marcos 9:7

Hinaptinmi puyu rikuriykamuspa paykunata pampaykurqa, chay puyu ukumantam huk rimay uyarikamurqa: Paymi kuyasqay Churiy, payta uyariy-chik, nispa.

Lucas 8:18

Chaynaqa, sumaqtayá uyariychik: Kapuqniyuqmanqa masraqmi qosqa kanqa, aslla kapuqniyuqmantam ichaqa, “kayqa ñoqapam” nisqanpas qechusqa kanqa.

Juan 10:16

Kachkantaqmi kay corralpi kaqkunamanta sapaq ovejaykunapas. Paykunatapas pusamuptiymi qayakuyniyta uyarinqaku, chaynapim huk kanchallaña kanqaku, michiqninkupas hukllañam kanqa.

Juan 10:27

Ovejaykunaqa simiytam uyarin, ñoqapas paykunataqa reqsinim, chaymi paykunaqa qatiwanku.

Juan 5:25

Cheqaptapunim nikichik, hamuchkanmi punchaw, ñam chayaramunña, wañuqkunam Diospa Churinpa qayakuyninta uyarinqaku, hinaspam uyariqninkunaqa kawsarimunqaku.

Hechos 17:11

Chay Berea llaqtapi kaq judiokunaqa Tesalonicapi kaqkunamantapas allin yuyayniyuq runakunam karqaku. Paykunam kusikuyllawanña Diospa palabranta uyarispanku Chuya Qellqata sapa punchaw allinta qatiparqaku, cheqap kasqanta otaq mana cheqap kasqanta yachanankupaq.

2~Corintios 9:6

Kaytam nikichik: Pipas aslla tarpuqqa asllatam cosechanqa, achka tarpuqñataqmi achkata cosechanqa.

Hebreos 2:1

Chayraykum uyarisqanchikkunataqa hatun yuyaywan kasukunanchik, yanqañataq Señorpa ñanninmanta rakikuruchwan.

1~Pedro 2:2

Imaynam naceq wawakuna ñuñuta maskachkaq hinayá Diospa cheqap palabranta maskaychik, chaywan wiñaspa salvo kanaykichikpaq.

1~Juan 4:1

Kuyasqallaykuna, amayá Diospa espiritunpa huntasqanmi kani niqkunapiqa creeychikchu, aswanqa allintayá qatipaykuychik Diospa otaq Satanaspa kasqanta yachanaykichikpaq. Achkallañam kay pachapi pantachikuq profetakuna rikuriramunku.