Marcos 4:19 - CHUYA QELLQA La Biblia en Quechua de Ayacucho 2012

¹⁹ ichaqa kay pachapi kaqkunamanta preocupakuykunam, qori-qollqella maskaykunam hinaspa tukuy ima munapayaykunam paymanta munaychakuruspan Diospa palabranta chinkarachin, chaynapi mana rurunankupaq.

Quechua Ayacucho Bible 1987

¹⁹ aswanqa kay pachapi kaqkunamanta sinchita preocupakuspam kusikuyta tarinku llapa kapuqninkunallapi, engañasqa kaspankum aswan-aswanraq lliw imakunatapas munanku. Tukuy kaykuna runapa sonqonman yaykuruptinmi Diospa palabranqa mana yanapanñachu.

Chuya Qellqa 1992

¹⁹ ichaqa kay pachapi kaqkunamanta preocupakuykunam, qori-qollqella maskaykunam hinaspa tukuy ima munapayaykunam paymanta munaychakuruspan Diospa palabranta chinkarachin, chaynapi mana rurunankupaq.

Marcos 4:19 Iomraidhean Croise

Proverbios 23:4

Ama apuyayllata maskaychu, aswanqa chaypi yuyarayayta saqey.

Proverbios 23:5

Allinta qawariptikiqa mana kaqllam rikurirun; raprayuqpas kanman hinam ankapa pawakusqanta hina pawarun. -8-

Eclesiastés 4:8

Mana wawqeyuq, mana churiyuq, mana piniyuq runatam rikurqani. Mana samaykuspam llamkan, tukuy imayuq kasqanwanpas manam contentakunchu. Payqa manam tapukunchu: “¿Pipaqtaq kusikuytapas qepancharispay kaynataña llamkani?” nispaqa. Chaypas waspiy hina chinkaruqllam.

Isaías 5:2

Rumicharuspanmi barbecharqa, miski ruruq uvaspa estacantam plantarqa. Cuidananpaqmi chakrapa chawpinpi chukllata ruwarqa, uvasta sarunapaqmi pozota ruwarqa. Miski uvasta rurunantam payqa suyarqa, ichaqa puchqo uvasllatam cosecharurqa.

Isaías 5:4

¿Imakunataraqtaq ruwayman karqa uvas huertaypaq? ¿Icha imaraqmi faltawan ruwanaypaq? Miskita rurunantam ñoqaqa suyarqani, ¿imaynanpimá puchqollatañaqa rururun?

Mateo 13:22

Kichka-kichka ukuman wichiykuq muhuñataqmi rikchakun, Diospa palabranta uyarichkaspan kay pachapi preocupacionkunawan hinaspa qori-qollqe kuyaywan engañarachikuq runaman. Tukuy kaykunam Diospa palabran uyarisqanta pamparuptin mana rurunñachu.

Mateo 19:23

Hinaptinmi discipulonkunata Jesús nirqa: Cheqaptapunim nikichik, apuqa mayna sasatam Diospa munaychakuyninman yaykunqa.

Mateo 3:10

Hachaqa ñam sachakunapa sapinman churasqaña kachkan. Mana allin ruruq sachakunaqa kuchusqa kaspam ninaman wischusqa kanqa.

Marcos 4:18

Kichka-kichka ukuman wichiq muhum, Diospa palabranta uyariqkunaman rikchakun,

Lucas 10:41

Chaymi Jesusñataq nirqa: Marta, Marta, tukuy imapa atipasqanmi muspaypi hinaña kachkanki.

Lucas 21:34

Allintayá cuidakuychik, amayá vicio-kunawan, machakuykunawan hinaspa kay pachapi imamantapas afanakuykunawan sonqoykichikta rumiyarachiychikchu, yanqañataq chay punchawqa qonqayta chayaramusunkichikman.

Juan 15:2

Ñoqapi kaq kallmakuna mana ruruqtaqa paymi kuchurunqa, ruruq kallmatañataqmi aswanraq rurunanpaq rawmapaykunqa.

Romanos 12:2

Kay tiempopi runakunapa ruwasqantaqa ama qatipakuychikchu, aswanqa yuyaymanaynikichiktayá allinmanña tikraychik, chaynapi kawsaynikichik musoqña kananpaq. Chaynata kaw-saspam yachankichik imaynam Diospa munayninman hina hinaspa mana pantaspa paypaq hina kawsayta.

Efesios 2:2

Wañusqa hinaqa karqankichik kay pachapi mana allin ruwaqkunata qatipakuspaykichikmi hinaspa tutayaypi munaychakuq man allin espiritupa kamachisqanta kasukuspaykichikmi. Kunanpas chay mana allin espirituqa Diosta mana kasukuqkunapim munay-chakuchkan.

Efesios 6:12

Peleachkankichikqa manam aychayuq tulluyuq runakunawanchu, aswanqa tutayaypi kamachikuqkunapa, gobernaqkunapa, munayniyuqkunapa hinaspa altokunapi mana allin espiritukunapa contranpim.

Filipenses 4:6

Amayá imamantapas afanakuychikchu, aswanqa Diosta mañakuspayá payman lliwta willakuychik hinaspa graciasta qokuychik.

1~Timoteo 6:17

Llapa apukunata kamachiy ama hatun tukunankupaq nitaq tukuruq-lla kapuqninkupipas hapipakunan-kupaq, paykunaqa kawsaq Dioslla-man hapipakuchunku, payllam chanin-ninpi llapa imakunatapas kusikunan-chikpaq qowaqninchikqa.

2~Timoteo 4:10

Demaspas kay pachapi kaqkunallata kuyaruspanmi saqeruwan, hinaspam Tesalónica llaqtaman ripukun. Crescentem Galacia lawman pasan, Titoñataqmi Dalmacia lawman pasan.

2~Pedro 1:8

Sichum kaykuna qamkunapi kaptinqa, manam qellataqa nitaq yachaynikichikpi mana ruruqtaqa saqesunkichikchu, manataqmi yanqapaqchu Señorninchik Jesucristotapas reqsirqankichik.

Judas 1:12

Paykunaqa kuyanakuy fiestapi convidoykichiktapas qanrachanmi, qamkunawan kuska mikuspankupas mana penqarikuspam mikunku. Mana allin michiq hinam kikillankuta michikunku. Paykunaqa kanku, kayman chayman wayrapa apaykachasqan mana yakuyuq puyu hinam. Paykunaqa chirawpi mana ruruyuq sapinmanta chutasqa sacha hina iskaykama wañusqam kachkanku.