Marcos 4:15 - CHUYA QELLQA La Biblia en Quechua de Ayacucho 2012

¹⁵ Ñanman wichiq muhuñataqmi allin noticiata uyariq runaman rikchakun, ichaqa Satanasmi hamuruspan sonqonpi tarpusqa Diospa palabranta chaylla hurqorun.

Quechua Ayacucho Bible 1987

¹⁵ Wakin runakunaqa rikchakun ñanman muhu wichiqmanmi. Diospa palabranta uyariruptinkum *f**Satanas chaylla hamuruspan horqorun sonqonpi tarpusqa Diospa palabranta.

Chuya Qellqa 1992

¹⁵ Ñanman wichiq muhuñataqmi allin noticiata uyariq runaman rikchakun, ichaqa Satanasmi hamuruspan sonqonpi tarpusqa Diospa palabranta chaylla hurqorun.

Marcos 4:15 Iomraidhean Croise

Génesis 19:14

Chaymi wasinmanta Lot lloqsispan warmi churinkuna casaray munaqkunata nimurqa: Kay llaqtamanta utqayman lloqsiychik, Diosmi kay llaqtata puchukachinqa, nispa. Chay runakunam ichaqa burlapaq hapirurqaku.

Isaías 53:1

¿Pitaq willakusqaykuta cheqapmi nirqa? ¿Pimantaq atiyninta Tayta Dios rikuchirqa?

Zacarías 3:1

Chaymantam sumo sacerdote Josueyta visionpi rikurqani, Tayta Diospa angelninpa ñawpaqninpi sayachkaqta. Josueypa alleq lawninpiñataqmi Satanás sayachkasqa acusananpaq.

Mateo 13:19

Ñanman wichiykuq muhum Diospa munaychakuyninmanta palabrata uyarichkaspan mana entiendeq runaman rikchakun, paypa sonqonpi tarpusqa muhuta supay hamuruspa qechurusqanrayku.

Mateo 22:5

Convidasqankunañataqmi mana kasukuspanku huknin pasakurqa chakranman, hukninñataq negocionman.

Mateo 4:10

Jesusñataqmi nirqa: ¡Kaymanta anchuriy Satanás! Qellqasqam kachkan: “Señor Diosllaykitam hatunchanki, payllatataqmi servinkipas”, nispa.

Marcos 4:14

Chay tarpuqqa Diospa palabran willakuqmi.

Marcos 4:16

Pisi allpayuq ranraman wichiq muhuñataqmi Diospa palabranta uyariykuspa kusikuyllawanña chaskikuq runaman rikchakun,

Marcos 4:4

Muhuta machqeptinmi, ñanman wakin wichirqa, hinaptinmi urpitukuna hamuruspa mikururqaku.

Lucas 8:12

Ñanman wichiq muhum rikchakun Diospa palabranta uyariq runakunaman, ichaqa diablom hamuruspan sonqonkumanta hurqorun, chaynapi mana creenankupaq hinaspa mana salvakunankupaq.

Hechos 17:32

Wañusqakunapa kawsarimunanmanta uyariruspankum, wakin uyariqkuna asipayarqaku, wakinñataqmi nirqaku: Yapapiña chaykunamantaqa willawankiku, nispanku.

Hechos 5:3

Hinaptinmi Pedro nirqa: Ananías, ¿imanasqamá Satanasqa sonqoykita munaychakurun, chaynapi chakra rantikusqayki qollqeta raki-kuykuspayki Chuya Espirituta llulla-kunaykipaqqa?

2~Corintios 2:11

chaynapi Satanaspas mana vencewananchikpaq, ñoqanchikqa yachanchikmi payqa pantachikuqllaña kasqanta.

2~Tesalonicenses 2:9

Chay millay runaqa hatun atiywan hinaspa Satanaspa kallpanchasqanmi hamunqa, chaymi admirakuypaq llulla milagrokunata ruwanqa.

Hebreos 12:16

Amayá pipas huchapakuchunchu nitaq Diospa kaqninkunatapas despreciachunchu, imaynam Esaú huk plato mikuyllapaq piwi kayninta rantikusqanta hinaqa.

Hebreos 2:1

Chayraykum uyarisqanchikkunataqa hatun yuyaywan kasukunanchik, yanqañataq Señorpa ñanninmanta rakikuruchwan.

1~Pedro 5:8

Allin yuyayniyuq hinaspa rikchapallayá kaychik, enemigoykichik diabloqa yarqasqa león hinam mu-yuriqnikichikpi purichkan pitapas millpurunanpaq.

Apocalipsis 12:9

Chaynapim chay hatun dragonqa wischumusqa karqa. Payqa ñawpaqmantaraq Diablowan hinaspa Satanaswan sutichasqa maqta urum. Paymi kay pachapi llapallan runakunata engañan. Paymi angelninkunapiwan kay pachaman wischumusqa karqa.

Apocalipsis 20:10

Engañaqninku diabloñataqmi azufreyuq rupachkaq qochaman wischusqa karqa, manchakuypaq animalpa hinaspa pantachikuq profetapa kasqanman, chaypim tuta punchaw wiña-wiñaypaq ñakarinqaku.

Apocalipsis 20:7

Waranqa wata pasaruptinñataqmi Sata-nasqa preso kayninmanta kacharisqa kanqa,