Marcos 3:8 - CHUYA QELLQA La Biblia en Quechua de Ayacucho 2012

⁸ Jesuspa tukuy ima ruwasqanta yacharuspankum qawaq rirqaku Judea lawmanta, Jeru-salenmanta, Idumeamanta, Jordán mayupa waklawninmanta, Tiro hinaspa Sidón llaqtakunapa muyuriqninkunamantapas.

Quechua Ayacucho Bible 1987

⁸ Jesuspa tukuy imakuna rurasqanta yacharuspankum rirqaku qawaq Judea lawmanta, Jerusalen llaqtamanta, Idumea lawmanta, Jordan Mayupa waklawninmanta. Rirqakutaqmi Tiro hinaspa Sidon llaqtakunapa muyuriqninmantapas.

Chuya Qellqa 1992

⁸ Jesuspa tukuy ima ruwasqanta yacharuspankum qawaq rirqaku Judea lawmanta, Jerusalenmanta, Idumeamanta, Jordán mayupa waklawninmanta, Tiro hinaspa Sidón llaqtakunapa muyuriqninkunamantapas.

Marcos 3:8 Iomraidhean Croise

Isaías 34:5

Hanaq pachapim espaday sinkarunqa, Edomta juzganapaqmi uraykamunqa, wañuypaq ñakasqay llaqtamanmi uraykamunqa. Diospa espadanmi cielomanta Edom nacionpa hawanman wichiykamunqa, ñakasqay llaqtata chinkachinanpaqmi uraykamunqa.

Ezequiel 35:15

Israelpa mirayninkunapa herencianku allpa purmachisqa kaptinmi kusikurqanki, chaynatapunim qanwanpas ruwasaq: Seir orqom purmachisqa kanqa, Edom nacionmi purmachisqa kanqa. Chaynapim Tayta Dios kasqayta yachanqaku.

Ezequiel 36:5

Ñoqaqa cheqaptapunim llapa nacionkunapa contranpi piñakuruni, Edompaqmi mastaqa piñasqa kachkani. Paykunaqa kusikuywan hinaspa hatun despreciowanraqmi allpayta hapikuykuspanku chakraykunatapas saquearqaku.

Mateo 11:21

¡Ay, Corazín llaqta, imaynaraq kanki! ¡Ay, Betsaida llaqta, imaynaraq kanki! Sichum qamkuna ukupi ruwasqay milagrokunata Tiro llaqtapi hinaspa Sidón llaqtapi ruwaptiyqa, chayllachá qachqa pachawan churakuykuspa, uchpawan machqekuspa wanakurunmankuña karqa.

Mateo 4:25

Achkallaña runakunam qatir-qaku Galileamanta, Decapolismanta Jerusalenmanta, Judeamanta chaynataq Jordán mayupa waklawninpi kaqkunamantapas.

Marcos 7:24

Jesusmi chaymanta lloqsiruspan Tiro lawman rirqa. Chay llaqtapi kasqanta mana pipas yachananta munaspanmi huk wasiman yaykururqa, ichaqa manam imayna pakakuyta atirqachu.

Marcos 7:31

Jesusmi Tiro lawmanta lloqsiruspan Sidón lawninta rispan Decápolis lawpi Galilea qochaman chayarurqa.

Lucas 6:17

Jesusmi paykunawan orqomanta uraykamuspan huk pampapi sayaykurqa. Chaypim llapa discipulonkunawan achkallaña runakuna huñunakururqaku, chay runakunam Judea lawmanta, Jerusalenmanta hinaspa lamar qochapa patanpi kaq Tiro llaqtamantawan Sidón llaqtamanta hamurqaku. Hamurqakuqa Jesuspa yachachisqanta uyarinankupaq hinaspa onqoyninkumanta sanoyachisqa kanankupaqmi.

Josué 15:1

Tupasqanman hinam, Judá ayllukunapa allpan karqa, haykam kasqankuman hina, Edom castakunapa allpanwan tupanakuqmanta qallarispa sur lawpi Zin sutiyuq chunniqkama.

Josué 15:21

Judá castakunaman tupaq llaqtakunam kaykuna karqa: Sur lawmanmi karqa, Edom nacionwan tupanakuqkama: Cabseel, Edar, Jagur,