Marcos 3:7 - CHUYA QELLQA La Biblia en Quechua de Ayacucho 2012

⁷ Jesusñataqmi discipulonkunapiwan qochapa patanman pasakurqaku, hinaptinmi achkallaña runakuna Galilea lawmanta qatirqaku.

Quechua Ayacucho Bible 1987

⁷ Jesusñataqmi discipulonkunapiwan qochapa patanman pasakurqa hinaptinmi achka runakuna Jesusta qatirqaku Galilea lawmanta.

Chuya Qellqa 1992

⁷ Jesusñataqmi discipulonkunapiwan qochapa patanman pasakurqaku, hinaptinmi achkallaña runakuna Galilea lawmanta qatirqaku.

Marcos 3:7 Iomraidhean Croise

Mateo 10:23

Sichum hukkaqnin llaqtapi qatikachasuptikichikqa huklaw llaqtaman ayqekuychik. Cheqaptapunim nikichik, runapa Churinqa hamunqa Israelpi llaqtan-llaqtan puriyta manaraq tukuchkaptikichikmi.

Mateo 12:15

Jesusmi chayta yacharuspan chaymanta pasakurqa, hinaptinmi achkallaña runakuna qatikurqaku. Payñataqmi onqoqkunata sanoyachispan,

Mateo 12:16

paymanta ama pimanpas willakunankupaq kamachirqa.

Mateo 4:25

Achkallaña runakunam qatir-qaku Galileamanta, Decapolismanta Jerusalenmanta, Judeamanta chaynataq Jordán mayupa waklawninpi kaqkunamantapas.

Marcos 1:39

Chaynapim Jesusqa tukuy Galilea lawkunapi purirqa, sinagogakunapi willakustin chaynataq runakunamanta demoniokunata qarqostin.

Marcos 1:45

Chay runam pasaspan Jesuspa sanoyachisqanmanta llapa runaman willakachakuyta qallaykurqa, chaynapim Jesusqa maylaw llaqtamanpas mana rikuchikuspallaña yaykuq, payqa chunniqllantañam puriq. Chaywanpas tukuy hinastinmantam runakunaqa Jesusman hamurqaku.

Marcos 3:20

Chaymantam Jesuswan discipulonkuna wasiman kutimurqaku, hinaptinmi huktawan achkallaña runakuna huñunakaramurqaku, chaymi Jesuspas nitaq discipulonkunapas manaña mikuytapas atirqakuñachu.

Marcos 4:1

Jesusmi qochapa patanpi huktawan yachachiyta qallaykurqa. Achkallaña runakuna huñunakaramuptinmi, qochapi barcaman qespispan Jesús tiyaykurqa, llapa runañataqmi qochapa patallanpi karqaku.

Lucas 23:5

Paykunañataqmi astawanraq hikutakuspanku nirqaku: Kay runaqa yachachikuyninwanmi lliw Judeapi chaqwata hatarichichkan, Galileamanta qallaykuspa kay llaqtakama, nispanku.

Lucas 6:12

Chay punchawkunapim Jesusqa orqoman qespirqa Taytanta mañakunanpaq, hinaspam chaypi tukuy tuta mañakurqa.

Lucas 6:17

Jesusmi paykunawan orqomanta uraykamuspan huk pampapi sayaykurqa. Chaypim llapa discipulonkunawan achkallaña runakuna huñunakururqaku, chay runakunam Judea lawmanta, Jerusalenmanta hinaspa lamar qochapa patanpi kaq Tiro llaqtamantawan Sidón llaqtamanta hamurqaku. Hamurqakuqa Jesuspa yachachisqanta uyarinankupaq hinaspa onqoyninkumanta sanoyachisqa kanankupaqmi.

Juan 7:41

Wakiqninñataqmi nirqaku: Payqa Cristom, nispanku. Wakinñataqmi nirqaku: ¿Imaynataqsi Galileamanta Cristo hamunman?

Juan 7:52

Chaymi paykunañataq nirqaku: ¿Qampas Galilea llaqtayuqchu kanki? Qellqata qatipaspayá yachay, Galilea lawmantaqa manam ima profetapas hatarirqachu, nispanku.

Hechos 17:10

Iñiqkunañataqmi, chay tutalla Pablotawan Silasta Berea llaqtaman ayqechirqaku. Berea llaqtaman chayaruspankum judiokunapa sinagoganman yaykurqaku.

Hechos 17:14

Hinaptinmi llapa iñiqkuna Pablota lamar qochapa patanman ayqechirqaku, Silaswan Timoteom ichaqa hina Berea llaqtallapi qeparurqaku.

Josué 20:7

Chaynapim Israelpa mirayninkunaqa akllarqaku, Neftalí ayllupa orqonkunapi kaq Galilea lawpi Cedes llaqtata, Efraín ayllupa orqonkunapi kaq Siquem llaqtata hinaspa Judá ayllupa orqonkunapi kaq Quiriat-arba otaq Hebrón llaqtata,

Josué 21:32

Neftalí ayllupa allpanpim qorqaku Galilea lawpi Cedes llaqtata, Cadesqa karqa amparakuna llaqtam. Qorqakutaqmi Hamot-dor chaynataq Cartán llaqtakunatapas. Kay kimsa llaqtakunatam echaderontintakama qorqaku.