Marcos 2:5 - CHUYA QELLQA La Biblia en Quechua de Ayacucho 2012

⁵ Jesusñataqmi apamuqkunapa iñiyninkuta qawaykuspan chay suchuta nirqa: Churilláy, huchaykikunaqa pampachasqañam, nispa.

Quechua Ayacucho Bible 1987

⁵ Chay apamuqkunapa confiakusqankuta Jesus yacharuspanmi suchuta nirqa: —Yaw Tayta, pampachaykim huchaykikunata —nispa.

Chuya Qellqa 1992

⁵ Jesusñataqmi apamuqkunapa iñiyninkuta qawaykuspan chay suchuta nirqa: Churilláy, huchaykikunaqa pampachasqañam, nispa.

Marcos 2:5 Iomraidhean Croise

Génesis 22:12

Angelñataqmi nirqa: Ama imanaychu chay warmata, ñam yachaniña Dios manchakusqaykita, kuyasqayki sapallan churiki kachkaptinpas manam negakurqankichu Diospaq ofreceyta, nispa.

Isaías 38:17

Llumpay llakiymi kusikuymanña tikrakurun, qamqa kuyawaspaykim wañuchiqniy pozomanta hurqoykuwarqanki, tukuy huchaykunatam pampachaykunki.

Isaías 53:11

Ñakarisqanpa rurunta qawaspam sinchita kusikunqa; Tayta Diospa serviqninmi achkaqta mana huchayuqtaña ruwanqa, paykunapa mana allin ruwasqankutam apanqa.

Mateo 9:2

Hinaptinmi suchu runata chakanapi wantumurqaku, chaymi Jesusñataq paykunapa iñiyninta qawaykuspan chay suchuta nirqa: Churilláy kallpanchakuy, huchaykikunaqa pampachasqañam, nispan.

Mateo 9:22

Jesusñataqmi muyuriykuspan payta rikururqa, hinaspam nirqa: Churilláy kallpanchakuy, iñiynikiman hinam allinyarunki, nispan. Hinaptinmi chaylla allinyarurqa.

Mateo 9:5

Mayqantaq fácil kanman: ¿Huchaykikunaqa pampachasqañam niychu, icha hatarispayki “puriy” niychu?

Marcos 2:6

Chaypitaqmi tiyachkarqaku Diospa leynin yachachiqkunapas, paykunam kaynata yuyaymanarqaku:

Marcos 5:34

Hinaptinmi chay warmita Jesús nirqa: Churilláy, iñiynikiman hinam sanoyarunki, kunanqa hawkañayá pasakuy, onqoynikimantaqa sanoyarunkiñam, nispa.

Lucas 5:20

Chaymi Jesusñataq paykunapa iñiyninta qawaykuspan chay suchuta nirqa: Huchaykikunaqa pampachasqañam, nispa.

Lucas 8:48

Chaymi Jesusñataq nirqa: Churilláy, iñiynikiraykum sanoyarunki, hawkañayá pasakuy, nispa.

Juan 2:25

Manataqmi pitapas necesitarqachu chay runakuna imaynam kasqanmanta willananpaqqa, kikin Jesusmi sapakamapa sonqonta allinta reqsirqa.

Juan 5:14

Jesusmi tumpa unaymanta chay runawan templopi tuparurqa, hinaspam nirqa: Sanoyaruchkaspaykiqa amañam hucha-llikunkiñachu, yanqañataq imapas aswanraq hamusunkiman, nispa.

Hechos 11:23

Chayaruspanmi chay llaqtapi iñiqkunapaq Diospa kuyakuyninta qawaykuspan llumpayta kusikurqa, hinaspanmi paykunata kallpancharqa qaqa hina sayaspanku tukuy sonqowan Señorta qatinankupaq.

Hechos 14:9

Paymi Pablopa rimasqanta uyarichkarqa, hinaptinmi Pablo qawariykuspan musyarurqa sanoyananpaq iñiyniyuq kasqanta.

Hechos 5:31

Paytam hatunchaspan alleq lawninman Dios churarqa, chaynapi munaychakuq hinaspa salvaqninchik kananpaq chaynataq Israelpa mirayninkuna huchankumanta wanakuspa pampachasqa kanankupaq.

1~Corintios 11:30

Chayraykum qamkuna ukupiqa achkaq onqoqkuna hinaspa eqoyasqakuna kachkan, wakinqa wañukunkuñam kanpas.

2~Corintios 2:10

Pitapas pampachasqaykichiktaqa ñoqapas pampachanim, pitapas pampachaspayqa Cristopa qayllanpim qamkunarayku pampacharqani,

Efesios 2:8

Kuyakuyninraykulla iñiptikichikmi Diosqa salvaykusurqankichik, chayqa manam qamkunamantachu aswanqa Diospa mana imallapaq qosusqaykichikmi.

Colosenses 3:13

Huknikichikmanta huknikichikkamayá aguantanakuychik pipapas quejan kaptinqa pampachanakuykuychikyá, imaynam Señorpas pampachasusqaykichikman hinayá qamkunapas ruwaychik.

Santiago 5:15

Iñiywan Diosta mañakuyqa onqoqtam sanoyachin, Señormi sayarichinqa, huchapi kaptinpas pampachaykunqam.