Marcos 2:22 - CHUYA QELLQA La Biblia en Quechua de Ayacucho 2012

²² Manataqmi pipas mana poqosqa vinotaqa mawka odrekunamanqa hillpunmanchu, yanqañataq chay vino poqoruspan mawka odrekunata lliki-runman, hinaptinñataq vinopas chaynataq odrekunapas yanqachakurunman. Chayraykum mana poqosqa vinotaqa musoq odrekunaman hillpuna.

Quechua Ayacucho Bible 1987

²² Chaynataqmi mana pipas churanmanchu manaraq poqosqa vinotaqa mawka odrepiqa, chay vino poqoruspanqa mawka odretam toqyarachinman hinaptinmi vinopas usunman, odrepas mana valeqñam kanman. Manaraq poqosqa vinotaqa mosoq odrepim churana.

Chuya Qellqa 1992

²² Manataqmi pipas mana poqosqa vinotaqa mawka odrekunamanqa hillpunmanchu, yanqañataq chay vino poqoruspan mawka odrekunata llikirunman, hinaptinñataq vinopas chaynataq odrekunapas yanqachakurunman. Chayraykum mana poqosqa vinotaqa musoq odrekunaman hillpuna.

Marcos 2:22 Iomraidhean Croise

Jobwan Sutichasqa Libro 32:19

Ñoqapa sonqoyqa musoq odrepi poqochkaq vino hinam llikiruchkanña.

Mateo 9:17

Manataqmi pipas mana poqosqa vinotaqa mawka odrekunamanqa hillpunmanchu, chay odrekuna toqya-ruptinmi vinopas chaynataq odrekunapas yanqachakurunman. Chayraykum mana poqosqa vinotaqa musoq odrekunaman hillpuna, chaynapi odrepas vinopas waqaychasqa kanankupaq.

Marcos 2:21

Mawka pachataqa manam pipas musoq latapawanqa remiendanmanchu. Musoq latapaqa chintiruspanmi mawka pachata astawan llikirunman.

Marcos 2:23

Samana punchawpim Jesús richkarqa tarpusqa chakrapa chawpinta, richkaptinkum discipulonkunañataq trigo rachuyta qallaykurqaku.

Josué 9:13

Kay odreykumanpas musoqllamanmi vinota hillpukamurqaniku, kayqaya kunanqa llikipasqaña. Pachaykupas, usutaykupas karu-karumantaraq hamusqaykurayku pasaypaq mawkayasqaña, nispanku.

Josué 9:4

sakrillawan sumaqta tanteanakuruspanku, karumantaraq hamuq tukuspanku, mawka costalkunata hinaspa llikipasqa chaynataq remiendasqa mawka odrekunata asnonkuman cargakuykuspanku,