Marcos 2:2 - CHUYA QELLQA La Biblia en Quechua de Ayacucho 2012

² llapa runakuna huñunakaramurqaku punkunta manaña yaykuy atinankukama. Jesusñataqmi Diospa chuya siminta yachachirqa.

Quechua Ayacucho Bible 1987

² llapa runakuna huñunakaramurqaku punkupas manaña yaykuy atinankukama. Jesusñataqmi Diosmanta yachachirqa.

Chuya Qellqa 1992

² llapa runakuna huñunakaramurqaku punkunta manaña yaykuy atinankukama. Jesusñataqmi Diospa chuya siminta yachachirqa.

Marcos 2:2 Iomraidhean Croise

Mateo 5:2

kaynata yachachirqa:

Marcos 1:14

Juanta carcelaruptinkum Galilea lawman Jesús rirqa Diospa munaychakuyninmanta allin noticiata kaynata willakustin:

Marcos 1:33

Llaqtapi lliw runakunakunañataqmi punkuman huñunakaramurqaku.

Marcos 1:37

Chaymi tariruspanku nirqaku: Llapa runakunam maskasuchkanki, nispanku.

Marcos 1:45

Chay runam pasaspan Jesuspa sanoyachisqanmanta llapa runaman willakachakuyta qallaykurqa, chaynapim Jesusqa maylaw llaqtamanpas mana rikuchikuspallaña yaykuq, payqa chunniqllantañam puriq. Chaywanpas tukuy hinastinmantam runakunaqa Jesusman hamurqaku.

Marcos 2:1

Punchawkuna pasaruptinmi, Capernaúm llaqtaman huktawan Jesús kutirqa. Chaymi wasipiña kasqanta yacharuspanku,

Marcos 2:13

Chaymantam huktawan qochapa patanman Jesús rirqa, llapa runakuna payman asuykuptinñataqmi yachachirqa.

Marcos 6:34

Jesusñataqmi barcamanta uraykamuspan chay achkallaña runakunata qawaykurqa, hinaspam paykunamanta llakipayarikurqa mana michiqniyuq ovejakuna hina kasqankurayku, chaymi tukuy imamanta yachachiyta qallaykurqa.

Lucas 12:1

Waranqantin-waranqantin runakunam tanqanakustin Jesuspa kasqanman huñunakaramurqaku. Hinaptinmi Jesusqa discipulonkunamanta qallaykuspan nirqa: Fariseokunapa levaduranmanta cuidakuychik, paykunaqa iskay uyakunam.

Lucas 5:17

Huk punchawmi Jesús yachachichkarqa, chaypitaqmi fariseokunawan Diospa leynin yachachiqkunapas tiyachkarqaku, paykunaqa Galilea lawpi hinaspa Judea lawpi llaqtakunamantawan Jerusalenmantam hamurqaku. Diospa atiyninmi Jesuswan karqa onqoqkunata sanoyachinanpaq.

Lucas 8:1

Chaykunapa qepantam, Jesusqa achka llaqtakunapi hinaspa taksa llaqtakunapipas Diospa munaychakuyninmanta allin noticiata willakustin purirqa. Chunka iskayniyuq discipulonkunapas paywanmi rirqaku.

Lucas 8:11

Rikchanachisqaypa imam ninanqa kaymi: Muhuqa Diospa palabranmi.

Hechos 11:19

Estebanta wañurachispankum wakin iñiqkunatapas ñakarichinankupaq qatikacharqaku, chaymi Fenicia, Chipre hinaspa Antioquía lawkunaman wakiqnin ayqekurqaku. Chaykunapim judío runakunallaman Jesucristomanta willakurqaku.

Hechos 14:25

Hinaspankum Diospa siminta Perge llaqtapi willakuruspanku Atalia llaqtaman uraykurqaku.

Hechos 16:6

Frigia lawninta hinaspa Galacia lawninta pasaruptinkum, Chuya Espíritu harkakururqa Asia lawpiqa ama willakunankupaq.

Hechos 8:25

Pedrowan Juanñataqmi Diospa palabranta willakuruspanku Jerusalenman kutirqaku, Samaria law llaqtakunapi Cristomanta allin noticiata willakustin.

Romanos 10:8

Ichaqa, ¿Imanintaq? Diospa palabranqa hichpallaykipiña, simillaykipiña hinaspa sonqollaykipiñam kachkan, nispa. Kaymi iñiymanta willakusqayku palabraqa:

2~Timoteo 4:2

Diospa pala-brantayá tiemponpipas mana tiemponpipas willakuy, runakunatapas faltanta qawachiy, qaqchay, kallpanchay hinas-pa tukuy pacienciawan yachaykachiy.