Marcos 16:14 - CHUYA QELLQA La Biblia en Quechua de Ayacucho 2012

¹⁴ Chaymantam Jesusqa chunka hukniyuq discipulonkunaman rikuriykurqa, mikunankupaq mesapi tiyachkaptinku, hinaspam mana creesqankumantawan rumi sonqo kasqankumanta qaqcharqa. Paykunaqa Jesusta kawsachkaqtaña rikuqkunapa willakusqantam mana creerqakuchu.

Quechua Ayacucho Bible 1987

¹⁴ Chaymantam Jesus rikuriykurqa chunka hukniyoq discipulonkunaman mesapi mikunankupaq tiyachkaptinku. Paykunatam mana creesqankumanta hinaspa rumi sonqo kasqankumanta qaqcharqa. Paykunaqariki manam creerqakuchu Jesuspa kawsarimusqan rikuqkunapa willakusqanta.

Chuya Qellqa 1992

¹⁴ Chaymantam Jesusqa chunka hukniyuq discipulonkunaman rikuriykurqa, mikunankupaq mesapi tiyachkaptinku, hinaspam mana creesqankumantawan rumi sonqo kasqankumanta qaqcharqa. Paykunaqa Jesusta kawsachkaqtaña rikuqkunapa willakusqantam mana creerqakuchu.

Marcos 16:14 Iomraidhean Croise

Números 14:11

Hinaptinmi Moisesta Tayta Dios nirqa: ¿Haykapikamataq kay runakuna piñachiwanqa? ¿Haykapikamataq qayllankupi tukuy señalkunata ruwachkaptiypas mana creewanqakuchu?

Mateo 11:20

Maypim achkallaña milagrokuna ruwasqan llaqtakunatam Jesús qaqcharqa, Diosman mana kutirikusqankumantam kaynata nirqa:

Mateo 17:20

Chaymi Jesusñataq nirqa: Pisi iñiyniyuq kasqaykichikraykum. Cheqaptapunim nikichik, sichum iñiyni-kichik huk mostazapa muhun hinallapas kaptinqa, kay orqotam niwaqchik: “Kaymanta waklawman suchuy” nispa, hinaptinqa pasanmanmi. Manam imapas sasaqa kanmanchu, nispan.

Mateo 28:17

Chaymi Jesusta rikuykuspanku hatuncharqaku, wakiq-ninkuñataqmi iskayrayarqaku.

Marcos 7:18

Hinaptinmi Jesusñataq nirqa: ¿Qamkunapas manachu entiendenkichik? ¿Manachu yachankichik imapas hawamanta yaykuqqa runata mana huchallichisqanta?

Lucas 24:11

Chay willakusqankutam llapa apostolkuna cuentopaq hapispanku mana creerqakuchu.

Lucas 24:25

Chaymi Jesusñataq paykunata nirqa: Mana yuyayniyuq runakuna, qamkunaqa profetakunapa willakusqantapas sasallaña creeqmi kankichik.

Juan 20:25

Wakin discipulokunam willarqaku: Señortam rikuramuniku, nispanku. Tomasñataqmi nirqa: Sichum mana rikusaqchu makinpi clavospa yaykusqanta chaynataq clavospa yaykusqanman dedoyta mana hinasaqchu chaynataq makiywan mana waqtan tuksisqa kasqanta llapchasaqchu, hinaspayqa manam creesaqchu, nispa.

Juan 20:26

Pusaq punchawmantam discipulonkuna musoqmanta huk wasipi huñunakurqaku, Tomaspas paykuna-wanmi kachkarqa. Punku wichqarayach-kaptinmi Jesusqa paykunapa chawpinkupi rikuriykuspan nirqa: ¡Hawkayay qamkunawan kachun! nispa.

Juan 20:27

Hinaspam Tomasta nirqa: Dedoykita kayman hinay hinaspa makiyta qaway chaynataq waqtaymanpas makikita hinay. Amayá mana iñiyniyuqqa kaychu aswanqa iñiyniyuqyá kay, nispa.

Juan 21:1

Kaykunapa qepantam Jesús huktawan rikurirqa discipulonkunaman Tiberias Qochapa patanpi; kaynatam rikurirqa:

Juan 21:14

Kaywanqa kimsakamañam Jesusqa discipulonkunaman rikurirqa wañus-qanmanta kawsarimuspan.

Hechos 1:3

Jesusmi kawsarimuspan tawa chunka punchawpuni rikurirqa apostolninkunaman hinaspam Diospa munaychakusqanmanta yachachirqa. Achka-achka kutipi sutillata rikurisqanraykum apostolkuna yacharqaku cheqaptapuni Jesuspa kawsarimusqanta.

1~Corintios 15:5

hinaspam Pedroman rikuriykurqa. Chaymantañataqmi rikuriykurqa chunka iskayniyuq apostolninkunaman,

Apocalipsis 3:19

Ñoqaqa haykam kuyasqaykunataqa qaqchaspaymi castigani. Chaynaqa, tukuy sonqoykiwanyá huchaykikunamanta wanakuy.