Marcos 16:1 - CHUYA QELLQA La Biblia en Quechua de Ayacucho 2012

¹ Samana punchaw pasaruptinmi, Magdala llaqtayuq María, Jacobopa maman María hinaspa Salomeypiwan, perfumekunata rantiramuspanku Jesuspa cuerponta untaq rirqaku.

Quechua Ayacucho Bible 1987

¹ *f**Samana punchaw pasaruptinmi Magdala llaqtayoq Maria, Jacobopa maman Mariawan hinaspa Salomeypiwan rantirqaku miski asnaq hampita, chaytaqa rantirqaku Jesuspa cuerponta untamunankupaqmi.

Chuya Qellqa 1992

¹ Samana punchaw pasaruptinmi, Magdala llaqtayuq María, Jacobopa maman María hinaspa Salomeypiwan, perfumekunata rantiramuspanku Jesuspa cuerponta untaq rirqaku.

Marcos 16:1 Iomraidhean Croise

Génesis 50:2

Chay-mantam José kamachirqa atiendeqnin medicokunata hampikunawan taytanpa cuerponta chakichinankupaq, chaymi Israelpa cuerponta medicokuna chakichirqaku.

2~Crónicas 16:14

Chaymi “Davidpa Llaqtan” nisqankupi pamparurqaku kikinpa ruwachikusqan sepulturapi. Chakanapi chutaykuspankum miskillaña asnaq perfumekunata hinarqaku, chaykunam karqa allin perfume ruway yachaqkunapa ruwasqan. Paypaqmi hatun lenwachkaq ninata ratachirqaku.

Marcos 14:3

Jesusmi Betania llaqtapi kachkarqa lepramanta sanoyaq Simonpa wasinpi. Chaypi mikuchkaptinmi huk warmi chayaramurqa rumimanta pomochapi achka qollqepa chanin perfume aparisqa, hinaspanmi chay pomochata pakiruspan Jesuspa umanman talliykurqa.

Marcos 14:8

Kay warmiqa imam atisqantam ruwarun, cuerpoy pampasqa kananpaqmi perfumewanraq talliwaspan alistarun.

Marcos 15:40

Chaypitaqmi kachkarqaku wakiqnin warmikunapas karullamanta qawaspanku. Paykunawanmi kachkarqa Magdala llaqtayuq Mariawan sullka kaq Jacobopa, Joseypa hinaspa Salomeypa mamanku Mariapas.

Marcos 15:42

Viernes punchaw tardeykuytam (chay punchawpim samana punchawpaq allichakuqku), manaraq tutaykuruchkaptin,

Marcos 15:47

Magdala llaqtayuq Mariawan Joseypa maman Mariañataqmi maypim pampasqankuta qawarqaku.

Marcos 16:2

Hinaspankum domingo tutapayta, chayllaraq inti qespimuchkaptin sepulturaman rirqaku,

Marcos 16:8

Hinaptinmi chay warmikunaqa sepulturamanta kallpaylla lloqsimurqaku manchakuymanta katkatatastin. Ichaqa manchakusqankuraykum mana pimanpas willakurqakuchu.

Lucas 23:54

Chay punchawqa karqa samana punchawpaq allichakunanku punchawmi, samana punchawqa ñam chayaykamuchkarqaña.

Lucas 23:56

Chaymi wasiman kutiruspanku, Jesuspa cuerponta llusimunankupaq perfumekunatawan miski asnaq pomadakunata prepararqaku. Ichaqa samana punchaw kasqanraykum samarqaku, Moisespa kamachikuyninman hina.

Lucas 24:1

Chay warmikunam domingo tutapayta sepulturaman rirqaku, perfumekunatawan miski asnaq pomadakuna preparasqankuta aparikuspanku.

Juan 19:25

Cruzpa hichpanpim kachkarqa Jesuspa maman, kachkarqataqmi mamanpa ñañanpas, Cleofaspa warmin Mariapas chaynataq Magdala llaqtayuq Mariapas.

Juan 19:31

Pascua fiestapaq huk punchawllaña faltachkaptin preparakusqankuraykum judiokuna mana munarqakuchu samana punchawpi wañusqakuna cruzpi hinalla kananta, samana punchawqa karqa hatun punchawmi. Chaymi Pilatota mañakurqaku chakatasqakunapa piernanta pakichimunanpaq hinaspa cuerponkuta uraykachimunanpaq.